Don't Miss!
- News Money astrology March 29th: ఈ రాశులవారికి ధనలక్ష్మీ కటాక్షం!!
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘బిగ్ బాస్ తెలుగు 2’లో పొల్గొనే ఫైనల్ కంటెస్టెంట్స్ లిస్ట్!
నేచురల్ స్టార్ నాని హోస్ట్గా బిగ్ బాస్ తెలుగు రెండో సీజన్ ఆదివారం సాయంత్రం గ్రాండ్గా ప్రారంభం కాబోతోంది. ఈ సారి మొత్తం 16 మంది కంటెస్టెంట్స్తో 100 రోజుల పాటు షో జరుగబోతోంది. గతేడాది ప్రసారమైన బిగ్ బాస్ తొలి సీజన్ సూపర్ డూపర్ హిట్ కావడం, భారీ రేటింగ్స్ సాధించడంతో రెండో సీజన్పై మరింత హైప్ పెరిగింది. హోస్ట్గా ఎన్టీఆర్ స్థానంలో ఈ సారి నాని ఉండటం కూడా మరింత ఆసక్తి నెలకొని ఉంది. తాజాగా అందుతున్న సమాచారం ప్రకారం ఈ షోలో పాల్గొనబోయే 16 కంటెస్టెంట్స్ వివరాలు క్రింది విధంగా ఉన్నాయి.
సింగర్ గీతా మాధురి
ప్లేబ్యాక్ సింగర్, డబ్బింగ్ ఆర్టిస్ట్ గీతా మాధురి తనకంటూ ప్రత్యేక గుర్తింపు తెచ్చుకున్నారు. తెలుగుతో పాటు ఇతర భాషల్లో కూడా ఆమెకు సింగర్గా మంచి పాపులారిటీ ఉంది.
టీవీ 9 యాంకర్ దీప్తి
టీవీ 9 యాంకర్ దీప్తి కూడా ఈ రెండో సీజన్లో పాల్గొనబోతున్నట్లు సమాచారం. ఇంజనీరింగ్ పూర్తి చేసిన దీప్తి..... ఆ తర్వాత మీడియా రంగం వైపు వచ్చారు.
హీరో తనీష్
బాల నటుడిగా కెరీర్ మొదలు పెట్టి తర్వాత హీరోగా పలు చిత్రాల్లో నటించిన తనీష్ ప్రస్తుతం సినిమాల పరంగా వెనకబడి పోయాడు. చివరగా ‘నక్షత్రం' మూవీలో నటించిన తనీష్ మళ్లీ బిగ్ బాస్ తెలుగు రెండో సీజన్ ద్వారా ప్రేక్షకుల ముందుకు రాబోతున్నాడు.
తేజస్వి మదివాడ
తెలుగు నటి తేజస్వి మదివాడ ఈ సారి బిగ్ బాస్ రెండో సీజన్లో తన గ్లామర్ తో ప్రేక్షకులకు కనువిందు చేయబోతోందని తెలుస్తోంది.
దీప్తి సునైనా
కిర్రాక్ పార్టీ చిత్రంలో నటించిన దీప్పి సునైనా కూడా ఈ సారి బిగ్ బాస్ తెలుగు రెండో సీజన్లో భాగం కాబోతున్నట్లు తెలుస్తోంది.
నటుడు సామ్రాట్
తెలుగు సినిమాల్లో చిన్న చిన్న పాత్రలు చేసే సామ్రాట్... కొన్ని రోజుల క్రితం భార్యతో గొడవతో వార్తల్లోకి ఎక్కిన సంగతి తెలిసిందే. ఈ సారి ఇతగాడు బిగ్బాస్ 2లో సందడి చేయబోతున్నాడట.
బాబు గోగినేని కూడా
మరో ఆశ్చర్యకర విషయం ఏమిటంటే.... రేషనలిస్ట్ బాబు గోగినేని కూడా ఈ సారి బిగ్ బాస్ సీజన్ 2లో భాగం కాబోతున్నాడట. ఇందులో నిజం ఎంతో ఆదివారం రాత్రి 9 గంటలకు తేలిపోనుంది. హ్యూమనిస్టుగా, రేషనలిస్టుగా, హ్యూమన్ యాక్టివిస్టుగా టీవీ డిబేట్లలో పాల్గొంటూ బాబు గోగినేని పాపులర్ అయిన సంగతి తెలిసిందే.
కిరీటి దామరాజు
ఛల్ మోహన్ రంగ సినిమాలో నటించిన కిరీటి దామరాజు కూడా బిగ్ బాస్ తెలుగు సెకండ్ సీజన్లో పాల్గొన్నబోతున్నట్లు వార్తలు వినిపిస్తున్నాయి.
యాంకర్ శ్యామల కూడా
ప్రముఖ తెలుగు యాంకర్ శ్యామల కూడా ఈ సారి బిగ్ బాస్ తెలుగు సెకండ్ సీజన్లో భాగం కాబోతున్నట్లు తెలుస్తోంది.
రోల్ రైడా
రాహుల్ కుమార్ వేల్పుల అలియాస్ రోల్ రైడా..... ప్రైవేట్ ఆల్బమ్స్ ద్వారా పాపులర్ అయ్యాడు. ఈ సారి బిగ్ బాస్ షోలో రోల్ రైడా కూడా ఉన్నట్లు తెలుస్తోంది.
సామాన్యులకు చోటు
వీరితో పాటు అమిత్ తివారీ, బుల్లితెర నటుడు కౌశల్, భాను.... సామాన్య ప్రజల నుండి గణేష్, సంజన, నూతన్ నాయుడు తదితరులను ఎంపిక చేసినట్లు సమాచారం.