ఆరోజే వాడి కాలర్ పట్టుకునే దాన్ని... పిచ్చి వేషాలుంటే నాగార్జున ఒప్పుకుంటారా?

బిగ్ బాస్ షోకు వెళ్లాలని ఉంది

బిగ్ బాస్ లాంటి రియాలిటీ షోలో పాల్గొనాలని నాకు ఆశగా ఉంది. నా గురించి నేను తెలుసుకోవాలని ఉంది. రాజకీయాల్లోకి వస్తున్న నన్ను ప్రజలు ఎంత కోరుకుంటున్నారనే విషయం తెలుసుకోవాలని ఉంది. ఒక వేళ అకాశం వస్తే తప్పకుండా వెళతాను అని... హేమ తెలిపారు.

ఈ కేసుల వల్ల షో ఆగదు

బిగ్ బాస్ షో గురించి జరుగుతున్న గొడవ గురించి నాకు అవగాహన లేదు. బిగ్ బాస్ షోలో ఏదైనా జరుగవచ్చు అనేది వారి క్యాప్షన్. వారు కేసులు పెట్టిన బిగ్ బాస్ వారు కోర్టులో గెలవ వచ్చు. వారికి ఉండే రూల్స్ అండ్ రెగ్యులేషన్ ప్రకారమే వెళతారు. ఇలాంటి కేసుల వల్ల ఈ షో ఆగదని అనుకుంటున్నాను. దీని గురించి నాకు అవగాహన లేదు కాబట్టి నేను స్పందించాలనుకోవడం లేదని హేమ తెలిపారు.

ఆ రోజే కాలర్ పట్టుకుంటా

కొందరు చేస్తున్న ఆరోపణలు రైట్ అని నేను అనలేను. ఏం జరిగినా నెల రోజుల ముందు జరిగినపుడు అప్పుడే చెప్పాలి. ఎవడైనా నన్ను ఏదైనా అంటే ఆరోజే స్పందిస్తాను. ఆ రోజే మీడియాకు ఎక్కుతా.. లేదంటే ఆరోజు వాడి కాలర్ పట్టుకుంటాను. నన్ను సెలక్ట్ చేయలేదు అన్న తర్వాత ఇలా మాట్లాడటం ఎంత వరకు న్యాయం అనేది మీరు ఆలోచించుకోవాలి... అంటూ హేమ స్పందించారు.

పిచ్చి వేషాలుంటే నాగార్జున ఒప్పుకుంటారా?

నాగార్జునగారు చాలా పెద్ద మనిషి, చాలా బాధ్యతగల మనిషి, ఆయన మంచి ఫ్యామిలీ నుంచి వచ్చారు. కాస్టింగ్ కౌచ్ లాంటి పిచ్చి పిచ్చి వేషాలు ఉంటే ఆయన ఈ షో చేయడానికి ఎందుకు ఒప్పుకుంటారు? అని హేమ ప్రశ్నించారు.