బిగ్‌బాస్ నుంచి టాప్ సెలబ్రిటీ అవుట్? స్టార్ మాకు మరో షాక్.. మాస్‌గా వేదికపైకి నాగ్

తొలివారంలోనే గందరగోళం

తొలివారంలోనే హేమ, రాహుల్, శ్రీముఖి, వరుణ్ సందేశ్, మహేష్ విట్ట మధ్య భారీగా గొడవులు చేసుకొన్నాయి. మహేష్, వరుణ్ సందేశ్ మధ్య గొడవ కొట్టుకొనేంత వరకు వెళ్లింది. ఈ క్రమంలో బిగ్‌బాస్ తరుఫున హోస్ట్ నాగార్జున ఎలాంటి క్లాస్ పీకుతారో వేచి చూడాల్సింది. నాగ్ ఇంటిలో చోటుచేసుకొన్న గొడవలపై ఎలా స్పందిస్తారనేది కీలకంగా మారింది.

ఆరుగురిపై ఎలిమినేషన్ కత్తి

మొదటి వారమే ఇంటి సభ్యులు జాఫర్, హేమ, పునర్నవి, వితిక, రాహుల్, హిమజ ఎలిమేషన్‌కు నామినేట్ అయ్యారు. అయితే ఈ ఆరుగురిలో ఎవరు బయటకు వెళ్తారు అనే విషయంపై ఉత్కంఠ నెలకొని ఉంది. మొదటివారం ఈ ఆరుగురిని వదిలేస్తారా? లేక వారిలో ఒకరు బయటకు వెళ్తారా అనే ప్రశ్నగా మారింది. అయితే ఒకవేళ బయటకు వెళ్లాల్సి వస్తే హేమ, వితిక బయటకు వెళ్లే అవకాశం లేకపోలేదనే మాట వినిపిస్తున్నది.

బిగ్‌బాస్‌కు గట్టి ఓటింగ్ షాక్

బిగ్‌బాస్ తెలుగు రియాలిటీ షోకు గట్టి షాకే తగిలిందనే మాట మీడియాలో వినిపిస్తున్నది. గత మూడు సీజన్లలో ఎన్నడూ లేని విధంగా అతి తక్కువ ఓటింగ్ పోలైనట్టు సమాచారం. ఈ అంశం బిగ్‌బాస్ నిర్వాహకులు షాకింగ్‌గా ఉందంటూ మీడియా వర్గాలు పేర్కొన్నాయి. తక్కువ ఓట్లు వచ్చిన నేపథ్యంలో ఎవరు బయటకు వెళ్తారనేది మరో ప్రశ్నగా మారింది.

సేఫ్ జోన్‌లో ఉన్నది ఎవరంటే

మీడియా వర్గాల సమాచారం ప్రకారం.. హిమజకు 35 శాతం ఓటింగ్ జరిగిందని, ఆ తర్వాత రాహుల్ దాదాపు 25 శాతం మేరకు ఓట్లు పోలైనట్టు సమాచారం. ఆ తర్వాత పునర్నవి, జాఫర్‌కు ఎక్కువగా ఓటింగ్ జరిగిందని సమాచారం. ఇక చివరి స్థానంలో వితిక, హేమపై ఎలిమినేషన్ కత్తి వేలాడుతుందనే మాట బలంగా వినిపిస్తున్నది. హేమ ఎలిమినేట్ అవుతుందా లేదా ఎలిమినేషన్ నిలిపివేస్తాడా అనేది వేచి చూసే చూడాల్సిందే.

మాస్.. మ.. మ మాస్ అంటూ నాగ్

ఇక వీకెండ్ షో కోసం నాగార్జున వీర మాస్‌గా వేదికపైకి వచ్చాడు. మాస్ సినిమాలోని పాటకు డ్యాన్స్ చేస్తూ హల్‌చల్ చేశాడు. మాస్ మాస్.. మ.. మ మాస్ అంటూ స్టెప్పులతో హడలెత్తించాడు. శనివారం వచ్చేసింది.. నేను వచ్చేసాను.. మీ అందరికి వినోదం పంచడానికి నేను వచ్చాను అంటూ నాగ్ హింట్ ఇచ్చారు.