చిచ్చు పెట్టిన ప్రోమో.. పునర్నవిని ఆడుకున్న రాహుల్ ఫ్యాన్స్.. వద్దంటూ విన్నర్ విన్నపం

ఆ నలుగురి బంధం..

హౌస్‌లో ప్రవేశించిన దగ్గరి నుంచి ఒక్కటిగా ఏర్పడ్డారు వితికా, వరుణ్, రాహుల్, పునర్నవి. మొదటి నుంచి ఒక గ్యాంగ్‌గా.. కష్టసుఖాల్లో తోడున్నారు. ఒకరికొకరు గొడవలు పెట్టుకున్నా..మరుక్షణమే మరిచిపోయి ఎప్పటిలాగే కలిసిపోయారు. ఒకరిపై మరొకరు ఫైర్ అయినా, దూరం పెరిగినా మళ్లీ కలిసి పోవడం వారి స్నేహబంధానికి నిదర్శనంగా మారింది. వీరి స్నేహ బంధానికి బిగ్‌బాస్ ప్రేక్షకులు కనెక్ట్ అయ్యారు.

జంటగా కేకే పుట్టించిన పున్ను రాహుల్..

ఆ నలుగురిలో వరుణ్-వితికా భార్యభర్తలు కాగా.. రాహుల్, పునర్నవిల బంధం సైతం కొన్ని చోట్ల అలాంటి అనుమానాలకే తావిచ్చింది. వారిద్దరు వ్యక్తిగత విషయాలను పంచుకోవడం, నాగార్జున సైతం వారి బంధం గురించి పదే పదే ప్రశ్నించడం, వారు కూడా తప్పించుకునే సమాధానాలు చెప్పడంతో అందరూ వారిద్దరిపై ఓ కన్నేయడం మొదలుపెట్టారు. బిగ్‌బాస్ హౌస్‌లో వీరి కెమెస్ట్రీకి, జంటకు భారీ ఫాలోయింగ్ ఏర్పడటంతో షో క్రేజీగా మారింది.

కేవలం స్నేహితులమే..

ఎందరు ఎన్నిరకాలుగా ప్రశ్నించినా, ఎంత మంది వారి రహస్య సంబంధం గురించి ప్రశ్నలు సంధించినా తాము కేవలం మంచి స్నేహితులమేనని చెప్పి తప్పించుకుంటారు. వారు ఎంత వాదించినా.. సోషల్ మీడియాల్ కామెంట్లు మాత్రం ఆగడం లేదు. వారిద్దరు పెళ్లి చేసుకుంటారని, చేసుకుంటే బాగుంటుందని, వారి జంట బాగుందనే కామెంట్లు హల్‌చల్ చేస్తుంటాయి.

చిచ్చు పెట్టిన ప్రోమో..

తాజాగా ఓ మీడియా చానెళ్లలో ప్రసారం అయిన ప్రోమో వీరిద్దరి ఫ్యాన్స్ మధ్య చిచ్చు పెట్టినట్లు తెలుస్తోంది. నా వల్ల, శ్రీముఖి వల్ల టైటిల్ గెలిచివా? అవకాశా వాదివా.. అంటూ రాహుల్‌ను పునర్నవిని ప్రశ్నించినట్టుగా ఉన్న ఆ ప్రోమోను వీక్షించిన రాహుల్ ఫ్యాన్స్ పునర్నవిని ఆడేసుకున్నారు. తమ చిచ్చాను కించపరిచిందంటూ రాహుల్ ఫ్యాన్స్ పునర్నవిపై రెచ్చిపోయినట్లు తెలుస్తోంది. వ్యక్తిగతంగా సందేశాలు పంపిస్తూ.. అసభ్యకరంగా మెసెజ్‌లు పెడుతున్నారని పునర్నవి వాపోయిందట. ఇదే విషయాన్ని రాహుల్ వద్ద ప్రస్థావించిందట.

Recommended Video

#CineBox : Allu Arjun Is taking Huge Remuneration For Trivikram Srinivas's 'Ala Vaikuntapuramlo'?

వద్దని రాహుల్ విన్నపం..

దీంతో ఇద్దరూ కలిసి లైవ్‌లోని వచ్చి ఈ గొడవకు పుల్ స్టాప్ పెట్టే ప్రయత్నం చేశారు. పునర్నవిని ఇష్టమొచ్చినట్టు తిట్టిన తన చిచ్చాలకు రాహుల్ ఓ విన్నపం చేశాడు. తాము బెస్ట్ ఫ్రెండ్స్ అని, ఆ ఇంటర్వ్యూలో ఇద్దరం కలిసి పాల్గొన్నామని, ఎప్పటిలాగే అక్కడ కూడా చాలా ఫ్రెండ్లీగా ఉన్నామని, వారి టీఆర్పీ కోసం ప్రోమోను అలా కట్ చేశారని, దాన్ని పట్టుకుని అందరూ పునర్నవి తిట్టడం సరికాదని, ఆమెను టార్గెట్ చేయకండని తన చిచ్చాలను కోరాడు. వేరే వారి ఫ్యాన్స్ కూడా ఈ అవకాశాన్ని వాడుకుంటున్నారని, అలా చేయవద్దంటూ సూచించాడు.