చివరి క్షణంలో ప్రభావితం చేసేందుకు శ్రీముఖి ఫ్యాన్స్ ప్రయత్నం.. వైరలవుతోన్న ట్వీట్స్

ఓటింగ్‌లో దూసుకుపోయిన రాహుల్..

ఇప్పటి వరకు వినిపిస్తున్నటాక్ ప్రకారం రాహుల్ టైటిల్‌ను గెలిచేశాడు. ఓటింగ్‌లో రాహుల్ ముందంజలో ఉన్న సంగతి తెలిశాకే.. శ్రీముఖి ఫ్యాన్స్ ఇలా కావాలనే ఫలితాన్ని ప్రభావితం చేయాలని అలా ట్రెండ్ చేస్తున్నారని అతని ఫ్యాన్స్ ఆరోపిస్తున్నారు. వీరిద్దరి ఓటింగ్ శాతంలో అంత పెద్ద తేడా లేకపోయినా.. తక్కువ ఓట్లతోనే రాహుల్ గెలవబోతోన్నట్లు టాక్ వినిపిస్తోంది.

ప్రభావితం చేసేందుకు ప్లాన్..

ఫినాలేకు సంబంధించిన షూటింగ్ స్టార్ అయిందని తెలుసుకున్న శ్రీముఖి ఫాలోవర్స్ #SreeMukhiDeservesTheTitle
అనే హ్యాష్ ట్యాగ్‌ను ట్రెండ్ చేసేందుకు ప్రయత్నిస్తున్నారు. అయితే వీటిపై నెటిజన్లు ఫైర్ అవుతున్నారు. నిజంగా ఆమెకే ఎక్కువ ఓట్లు వస్తే.. ఆమె టైటిల్ గెలుస్తుందని.. ఇప్పుడు ఇదంతా ఎందుకుని ఆగ్రహం వ్యక్తం చేస్తున్నారు. ఇలా ట్రెండ్ చేస్తూ మా బృందాన్ని, బిగ్ ‌బాస్ నిర్వాహకులను బెదిరిస్తున్నారా? అంటూ మండిపడుతున్నారు.

శ్రీముఖి మూడో స్థానంలో..

అయితే మరో వైపు ఇంకో ప్రచారం జరుగుతోంది. రాహుల్ విన్నర్ అయ్యే అవకాశాలు ఎక్కువగా ఉండగా.. వరుణ్ రన్నర్ కానున్నాడని టాక్ వినిపిస్తోంది. దీంతో శ్రీ ముఖి మూడో స్థానంలోనే శ్రీముఖి ఆగిపోయిందని తెలుస్తోంది. ఏది ఏమైనా టైటిల్ గెలిచేది ఎవరనే నరాలు తెగే ఉత్కంఠతో అందరూ ఎదురుచూస్తున్నారు.