రష్మీకి థ్యాంక్స్.. టైటిల్ గెలిస్తే చేసేదేమీ ఉండదు.. రాహుల్‌పై శ్రీముఖి ఇంట్రెస్టింగ్ కామెంట్స్

లైవ్‌లోకి వచ్చిన శ్రీముఖి..

బిగ్‌బాస్ హౌస్‌ నుంచి బయటకు వచ్చాక.. నేరుగా మాల్దీవులకు చెక్కేసింది శ్రీముఖి. అక్కడే గత వారం రోజులుగా ఎంజాయ్ చేస్తోన్న ఈమె.. శనివారం లైవ్‌లోకి వచ్చింది. ఈ క్రమంలో అనేక విషయాలను వెల్లడించింది. ఫ్యాన్స్ అడిగిన కుషల ప్రశ్నలన్నింటికి సమాధానమిచ్చింది. కాంట్రవర్సీ లేవనెత్తే ప్రశ్నలకు కూడా ఎంతో కూల్‌గా సమాధానమిచ్చింది.

టైటిల్ గెలవలేకపోవడంపై కామెంట్స్..

టైటిల్ గెలిచేశాక చేసేది ఏమి ఉండదు.. ఒకవేళ గెలవకపోతే.. చేయడానికి ఇంకా ఏదో మిగిలి ఉందని.. మనం ఇంకా పూర్తిగా విజయం సాధించలేదని.. విశ్రాంతి తీసుకోకుండా ముందుకు సాగుతాము. అదే ఒకవేళ గెలిస్తే అక్కడితోనే ఆగిపోతాము. ఫైనల్ పాయింట్‌కు రీచ్ కాకపోతే.. ఇంకా ఏదో చేయాలనే తాపత్రయం ఉంటుంది..సక్సెస్ అనేది అంత తొందరగా వస్తే కిక్ ఉండదు.

రాహుల్‌పై ఇంట్రెస్టింగ్ కామెంట్స్..

రాహుల్ ఒకప్పుడు నా ఫ్రెండ్.. ఇప్పుడూ నా ఫ్రెండ్.. హౌస్‌లో పరిస్థితుల వల్ల అలా మా మధ్య గొడవలు వచ్చాయి.. అయినా మేము స్నేహితులమే..బయటకు వచ్చాక నేను వాటినే గుర్తుపెట్టుకోవాలను కోవడం లేదు.. పైనల్‌గా మేమంతా కలిసి మిమ్మల్ని ఎంటర్టైన్ చేశామా లేదా అన్నదే ముఖ్యం.

రష్మీ, ముక్కు అవినాష్‌లకు థ్యాంక్స్

తనకు ఎంతగానో సపోర్ట్ చేసిన ఫ్యాన్స్, ఫాలోవర్స్ అందరికీ థ్యాంక్స్, నా ఫ్యామిలీ కాకుండా బయటి నుంచి చాలా మంది మద్దతు తెలిపారు. ఝాన్సీ, రష్మీ, ముక్కు అవినాష్ ఇలా ప్రతీ ఒక్కరూ.. నేను వ్యక్తిగతంగా తెలిసిన ప్రతీ ఒక్కరూ నాకు సపోర్ట్ చేశారు అందరికీ థ్యాంక్స్

ట్యాటూను చూపిస్తూ..

తన చేతిపై పొడిపించుకున్న ట్యాటూ నకిలీదనని అందరూ అనుకుంటున్నారు.. అందుకే చూపించమని అడుగుతున్నారు.. అలాగే చూపిస్తాను.. మా తమ్ముడిని దానిపై రుద్దమంటాను.. మీకు ఇంకా క్లారిటీ వస్తుందని తెలిపింది. శ్రీముఖి చేతిపై ఉన్న పచ్చబొట్టును శుశ్రుత్ రుద్దుతుండగా లైవ్‌లో చూపించి అందరి అనుమానాలను పటాపంచలు చేసింది.