బాబాను భలే ఇరికించిన వరుణ్‌ బ్యాచ్.. శ్రీముఖి ఇప్పటికైనా కళ్లు తెరువు..

ముందు నుంచి శివజ్యోతిని టార్గెట్ చేసిన వరుణ్ బ్యాచ్

వరుణ్, పున్ను, వితికా, రాహుల్ నామినేషన్ గురించి మాట్టాడుకుంటూ ఉంటారు. వరుణ్ అయితే తన ధ్యాసను ఎప్పుడూ నామినేషన్స్ పైనే ఉంచుతాడు. ఎవరు ఎవర్ని నామినేట్ చేస్తారు..? మనం ఎవర్ని నామినేట్ చేయాలంటూ డిస్కస్ చేస్తూ ఉంటాడు. శివ జ్యోతిని ఇంతవరకు ఎవరూ నామినేట్ చేయలేదంటూ పదే పదే చెప్పుకొచ్చాడు. నిన్నటి ప్రక్రియలో వరుణ్ గ్యాంగ్ శివజ్యోతిని టార్గెట్ చేసినట్టు కనిపిస్తోంది.

బాబాను మెడకు చుట్టేద్దామని ప్లాన్..

నామినేషన్లో భాగంగా ఎవరుండాలి? ఎవరు పోవాలి? ఎవరికి అర్హతలున్నాయి? అంటూ వాగ్వాదం చేసుకున్నారు. వారి మాటల యుద్దానికి హౌస్ దద్దరిల్లిపోయింది. అంతా జరిగిన నామినేట్ అవడం వారి చేతుల్లో లేదు. అది ఇంటి సభ్యులు డిసైడ్ చేయాల్సి ఉంటుంది. ఇక్కడే ఆ గ్యాంగ్ ప్లాన్ వేసిందని నెటిజన్లు కామెంట్లు చేస్తున్నారు.

వరుణ్ శ్రీముఖికి ఓటు వేసి.. బాబాను ఇరకాటంలో నెట్టాడు..

రవి, మహేష్ , రాహుల్ శివజ్యోతికి ఓటు వేశారు.. వితికా, పున్ను శ్రీముఖికి ఓటు వేశారు. వరుణ్ శ్రీముఖికి ఓటు వేయడంతో సరి సమానంగా వచ్చేశాయి. చివరగా బాబా ఎవరికి ఓటు వేస్తారో వారే సేవ్ అవుతారు.. మిగిలిన వ్యక్తి నామినేట్ కావాల్సి వస్తుంది. అయితే బాబా కచ్చితంగా.. శ్రీముఖికే ఓటు వేస్తాడని వారు భావించి ఉండొచ్చు. అయితే వారి అంచనాలను తలకిందులు చేస్తూ.. తన ఓటును శివజ్యోతికి ఓటు వేసి అందరికీ షాక్ ఇచ్చాడు.

ఆ నలుగురు నామినేషన్‌లో

బాబా భాస్కర్ నిర్ణయం శ్రీముఖికి కూడా ఖంగుతిన్నట్టైంది. ఇక శ్రీముఖి కళ్లు తెరిపించినందుకు ధన్యవాదాలు అంటూ ఆమె అభిమానులు కామెంట్లు చేస్తున్నారు. ఎవరు ఎలాంటి వారో తెలిసేలా చేశారని అంటున్నారు. కాగా, ఈ వారం నామినేషన్‌లో శ్రీముఖి, బాబా భాస్కర్, రవికృష్ణ, వరుణ్ సందేశ్ ఉన్నారు.