మూడు పూటలు వండి పెడితే.. అలా చేస్తావా? అవినాష్‌పై భగ్గుమన్న లాస్య

శత్రువులను పెంచుకుంటున్న లాస్య

ముందు నుంచి కూడా లాస్య తనకంటూ ఒక గ్యాంగ్ ఉండాలని కొందరిని తన వైపుకు తిప్పుకుంది. అభిజిత్, హారిక, నోయల్ తో పాటు సోహైల్ తో కూడా ఆమె సిస్టర్ సెంటిమెంటును బాగానే ఉపయోగించుకుంది. ఈ వారం లాస్య ఎలిమినేషన్ వరకు వచ్చింది అంటే పరిస్థితులు ఆమెకు ఎంత నెగిటివ్ గా మారాయో అర్థం చేసుకోవచ్చు. కానీ వెళుతూ వెళుతూ నోయల్ ఆమెను సేవ్ చేశాడు.

కన్నింగ్ స్మైల్.. పుల్లలు పెడుతూ..

హౌజ్ లో కన్నింగ్ స్మైల్ అనే పదం ఎంతగా వైరల్ అయ్యిందో స్పెషల్ గా చెప్పనవసరం లేదు. ఆఖరికి సమంత కూడా ఆ పదం గురించి వివరణ ఇవ్వడంతో లాస్య రేంజ్ ఎక్కడి వరకు వెళ్లిందో అర్ధమయ్యింది. అయినప్పటికీ ఆమెకు కొంత ఆడియెన్స్ బలం ఉంది. ఇక అభి, మోనాల్ మధ్య పుల్లలు పెడుతున్న ఒకే ఒక్క కారణం ఆమెకు షాక్ తగిలేలా చేసింది.. మోనాల్ కి విషయం తెలియడంతో లస్యనే తన విలన్ అని చెప్పేసింది.

లాస్యను విలన్ చేసిన అవినాష్

ఇక కంటెస్టెంట్స్ ని విలన్స్ ఎవరనే క్రమంలో అవినాష్ ని అడగడంతో కాస్త తటపటాయించగా చివరకు లాస్య అని చెప్పేశాడు. అందుకు కారణం ఏమిటని నాగార్జున అడగ్గా.. నామినేషన్స్ లో చెప్పిన కారణాన్నే చెప్పాడు అవినాష్. టీ అడిగినప్పుడు అందరికి ఇచ్చింది కానీ నాకు మాత్రం ఇవ్వలేదని చెబుతూ.. అది నన్ను చాలా బాధను కలిగించిందని అందుకే లాస్య విలన్ అని చెప్పాడు అవినాష్.

మూడు పూటలు వండి పెడితే..

ఇక మరోసారి టార్గెట్ చేయడంతో లాస్య, అవినాష్ పై ఫైర్ అయ్యింది. తన విలన్ కూడా అవినాష్ అంటూ.. హౌజ్ లో మూడు పూటలు వండి పెడుతుంటే..అది కూడా పట్టించుకోకుండా నాకు అది చేయలేదు. ఇది చేయలేదు అంటావా? అని లాస్య తనలోని ఆగ్రహాన్ని బయటపెట్టింది. నామినేట్ చేసినందుకు అవినాష్ తనకు విలన్ అయ్యాడని క్లారిటీగా వివరణ ఇచ్చింది లాస్య.