అరియానాకు చేరువయ్యేందుకు సోహైల్.. తట్టుకోలేక అవినాష్ పులిహోర ప్లాన్స్

మోనాల్ ని కూడా వదల్లేదు..

అవినాష్ హౌజ్ లోకి ఎంట్రీ ఇచ్చిన తరువాత చాలా వరకు అందరి అమ్మాయిలను ఎదో ఒక విధంగా ఎట్రాక్ట్ చేసే ప్రయత్నం చేస్తున్నాడు. ఆఖరికి మోనాల్ ని కూడా వదల్లేదు. అసలే ఆమె కోసం ఒక వైపు అఖిల్ మరోవైపు అబిజిత్ కనిపించని యుద్ధం చేస్తుంటే ఆ మధ్య అవినాష్ చేసిన హడావుడి అందరిని ఆశ్చర్యపరిచింది. ఇక చాలా వరకు ఈ జబర్దస్త్ కమెడియన్ అరియానాను టార్గెట్ చేస్తున్నట్లు అర్ధమయ్యింది.

పులిహోర చాలా గట్టిగా కలిపేశాడు

గత ఎపిసోడ్స్ లలో ఆఖరికి నాగార్జున కూడా అవినాష్ పై ఏ విధంగా సెటైర్ వేశాడో స్పెషల్ గా చెప్పనవసరం లేదు. ఇద్దరి మధ్య ఏదో ఉంది అంటూ అనుమానాలు క్రియేట్ చేశాడు. ఇక గురువారం ఎపిసోడ్ లో కూడా అవినాష్ అరియానాకు ఆప్యాయంగా తినిపిస్తూ చాలా గట్టిగా పులిహోర కలిపేశాడు. ఇక అతని కలుపుడుకు అరియానా చాలా వరకు ఓవరాక్షన్ చేసిందనే కామెంట్స్ వస్తున్నాయి.

నేను తినిపిస్తే తినవా?

అరియానాకు మొదట సోహైల్ వచ్చి నూడీల్స్ తినిపిస్తూ నా వల్ల హార్ట్ అయ్యి ఉంటే నిజంగా సారి అని చెప్పాడు. ఇక వెంటనే ఆ విషయాన్ని అవినాష్ చెవిలో పడేసిన అరియానా ఎందుకో మెలికలు తిరిగిపోయింది. ఇక అవినాష్ తన టాలెంట్ ని బయటపెట్టి మరింత మసాలా దట్టించి పులిహోర కలిపే ప్రయత్నం చేశాడు. సోహైల్ తినిపిస్తేనే తింటావా? నేను తినిపిస్తే తినవా అంటూ గోరు ముద్దలు పెట్టాడు.

Recommended Video

Bigg Boss Telugu 4 : Abhijeet, Sohel Fight | Silver Coins Task Made Housemates Furious

పిచ్చి ముదిరింది అంటూ సెటైర్స్

అరియానా, అవినాష్ కొంత సేపటి వరకు అలానే చూసుకుంటూ చాలా వింతగా ప్రవర్తించారు. నాలో ఎదో జరుగుతోంది అంటూ అరియానా యువరాణి రేంజ్ లో బిల్డప్ ఇచ్చింది. ఇక పిచ్చిగా అరుస్తూ హడావుడి చేసింది. ఆమె ఎక్కువగా కెమెరాలన్ని తనవైపు ఫోకస్ అయ్యే విధంగా రచ్చ చేయగా మిగతా వాళ్ళు కూడా అదే తరహాలో బిల్డప్ ఇచ్చారు. స్ట్రేస్ రిలీఫ్ కోసం అరవగా.. స్టేజ్ 5లో పిచ్చి ముదిరింది అంటూ అభి చెప్పాడు. ఇక మోనాల్ పై హరిక, లాస్య, అఖిల్ స్టేజ్ 3 అంటూ మరొక విధంగా సెటైర్ వేశారు.