మీరు అతి చూశారు.. నేను నిజాయితీ చూసా.. అరియానాపై దేవీ నాగవల్లి కామెంట్స్

అరియానా ఏడుపులు..

యాంకర్ అయినా దేవీ నాగవల్లి అదే ప్రొఫెషన్‌కు చెందిన అరియానా బాగా క్లోజ్ అయ్యారు. ఉన్న మూడు వారాల్లో అరియానా దేవీ నాగవల్లి బాగా దగ్గరయ్యారు. ఎవరో ఒకరు టైటిల్ కొట్టాలి.. ఈ సారి మహిళలలే విజేత అవ్వాలని ఇద్దరూ ముచ్చట్లు పెట్టుకున్నారు. కానీ అదే రోజున దేవీ నాగవల్లి ఎలిమినేట్ అయింది. అరియానా ఏడుపులు హద్దులు దాటిపోయాయి.

అందరూ షాక్..

దేవీ నాగవల్లిని పట్టుకుని అరియానా ఏడుపులను చూసి ఏమిటీ అతి అని అందరూఅనుకున్నారు. సొంత అక్కలా అయిపోయిందంటూ అరియానా ఏడిచిన ఏడుపులు ఇప్పటికీ అందరికీ గుర్తున్నాయి. అలాంటి అరియానా ఇప్పుడు టాప్5లోకి చేరింది.

దేవీ నాగవల్లి మద్దతు..

అరియానా నామినేషన్‌లో ఉన్న ప్రతీసారి దేవీ నాగవల్లి మద్దతు ఇస్తూనే ఉంది. అరియానాకు ఓట్లు వేయండంటూ ప్రచారం చేస్తూ అరియానాకు అండగా నిలబడుతూ వస్తోంది. అలాంటి అరియాను టైటిల్ విజేతగా నిలబెట్టేందుకు దేవీ నాగవల్లి బాగానే కష్టపడుతున్నట్టు కనిపిస్తోంది.

అతి చూశారు..

అరియానా అతికి మారుపేరుగా మారిందని నెటిజన్లు ఆమెను ట్రోల్ చేస్తుంటారన్న సంగతి తెలిసిందే. అలా ఆ పాయింట్‌ను చూపిస్తూ.. అరియానాకు దేవీ నాగవల్లి మద్దతు తెలిపింది. మీరు అతి చూశారు.. నేను నిజాయితీ చూశాను అంటూ దేవీ నాగవల్లి పోస్ట్ చేసింది. అరియానాకు ఓటు వేసి గెలిపించండని కోరింది.

Recommended Video

Sukumar High Voltage Story For Vijay Devarakonda Project

ఓటింగ్ రచ్చ..

టాప్ 5 కంటెస్టెంట్లుగా అభిజిత్ సోహెల్ అరియానా అఖిల్ హారికలు ఇంట్లో హాయిగా ఉన్నారు. కానీ బయట వారి ఫ్యాన్స్ మాత్రం వారిని గెలిపించేందుకు అన్ని రకాలుగా ప్రయత్నాలు చేస్తున్నారు. అయితే బయటి ఓటింగ్ ట్రెండ్, అనధికారిక పోల్స్‌ను బట్టి చూస్తే అభిజిత్ ఎవ్వరికీ అందనంత దూరంలో ఉన్నాడు. ఆ తరువాత అరియానా, సోహెల్ ఉన్నారు. టైటిల్ పోటీలో అఖిల్ హారికలు అసలు లెక్కలోకే రావడం లేనట్టుంది.