బిగ్ ట్విస్ట్.. నోయల్ జైలుకి.. రోబో టీమ్ విజయం సాధించిందా!

ఉక్కు హృదయం టాస్క్..

ఉక్కు హృదయం అనే ఈ టాస్క్‌లో రోబోల టీంలో అభిజీత్, కుమార్ సాయి, ఆరియానా, హారిక, దేవీ నాగవల్లి, గంగవ్వ, అవినాష్‌లు ఉన్నారు. మిగతా వారంతా మనుషుల టీం. సిల్వర్ బంతిని పగలగొడితే ఒక రోబో చనిపోతుంది.. చివరి వరకు ఒక్క రోబో అయినా మిగిలినా రోబో టీం గెలిచినట్టే. గెలిచిన వారిలోనే కెప్టెన్ అవుతారని తెలిపాడు.

టాస్క్‌లో రచ్చ రచ్చ..

ఇక ఇలా ఈ టాస్క్‌లో గార్డెన్ ఏరియా, రోబోలకు కావాల్సిన చార్జింగ్ మనుషుల టీం గుప్పిట్లో ఉండగా.. మనుషులకు అవసరమైనవన్నీ రోబోల అధీనంలో ఉంటాయి. ఒకరొకరు ఇచ్చిపుచ్చుకోవాల్సింది పోయి..మొండి పట్టుకు దిగారు. సిగరేట్ ఇవ్వక రోబో టీం మొండి పట్టుపడితే.. చార్జింగ్ ఇవ్వమంటూ మనుషులు టీం భీష్మించుకుని కూర్చుంది

అభిజీత్ మాస్టర్ ప్లాన్..

ఇక అభిజీత్ కండబలాన్ని ఉపయోగించలేదు గానీ బుద్దిబలాన్ని ఉపయోగించాడు. ఫిజికల్‌గా రోబో టీంకు ఎలాంటి సాయం చేయలేదు. గానీ చార్జింగ్ ఎలా సంపాదించాలన్న ఐడియా ఇచ్చాడు. మనుషుల టీం సభ్యురాలైన దివిని కిడ్నాప్ చేశారు.. అందరూ కలిసి చార్జింగ్ పెట్టుకున్నట్టు తెలుస్తోంది. ఈ మేరకు విడుదల చేసిన ప్రోమో తెగ వైరల్ అవుతోంది.

రోబో టీం విజయం..

ఇక అభిజీత్ వేసిన మాస్టర్ ప్లాన్ బాగానే వర్కౌట్ అయినట్టు తెలుస్తోంది. ఈ టాస్క్‌లో రోబోల టీం గెలుపొందినట్టు లీకులు బయటకు వచ్చాయి. ఇక అంతేకాకుండా నోయల్ జైలుకు వెళ్లినట్టు కూడా సమాచారం అందుతోంది. టాస్క్‌లో ఏదైనా తప్పు చేసి ఉంటాడో లేదా కెమెరాకు పిల్లో అడ్డుపెట్టడం వల్లే జైల్లే వేశారో చూడాలి.

Recommended Video

Bigg Boss Telugu 4 : Swathi Deekshith As Wild Card Entry

మరో వైల్డ్ కార్డ్ ఎంట్రీ..

ఇక మూడో వారంలో మరో ట్విస్ట్ అంటే ఇదే. మూడో వారంలో మూడో వైల్డ్ కార్డ్ ఎంట్రీ. జంప్ జిలానీ ఫేం స్వాతీ దీక్షిత్ ఇంట్లోకి ఎంట్రీ ఇవ్వబోతోన్నట్టు తెలుస్తోంది. ఇక మరి ఈమెను ఇంటి సభ్యులు ఆహ్వానించి ఆదరిస్తారో లేదో చూడాలి.