కొంచెం బుర్ర కూడా వాడాలి.. బాడీ ఉంటే సరిపోదు.. మెహబూబ్‌పై ట్రోల్స్

కిల్లింగ్ కాయిన్స్..

నాల్గో వారం కెప్టెన్సీ టాస్క్ కోసం బిగ్ బాస్ కిల్లింగ్ కాయిన్స్ అంటూ ఓ టాస్క్ ఇచ్చాడు. ఐదుసార్లు బజర్ మోగుతుంటాయి.. అలా మోగిన ప్రతీసారి కాయిన్స్ పడుతుంటాయి. వాటిని సేకరించాలి..భద్రపరుచుకోవాలి..అంటూ బిగ్ బాస్ తెలిపాడు. చివరకు ఎవరి దగ్గర ఎక్కువ విలువ గల కాయిన్స్ ఉంటాయో వారికి ప్రత్యేక సదుపాయాలుంటాయన్నాడు.

సోహెల్‌ దొంగ అంటూ..

కాయిన్స్ సేకరించే క్రమంలో ఇతరుల వద్ద ఉన్న వాటిని కూడా దొంగిలించే సదుపాయం ఉండటంతో కొందరు ఆ దిశగా ప్రయత్నాలు చేశారు. మొదటగా దివి కాయిన్స్ ఎవరో దొంగిలించారు. దీంతో దివి కుమార్ సాయి కాయిన్స్‌ను దొంగిలించింది. టాస్క్ మధ్యలో ఆరియానా కాయిన్స్ సోహెల్ తీసుకున్నాడంటూ.. ఆయన దగ్గరికి వెళ్లకు దొంగ అంటూ దివి ఆరోపించింది. దీంతో సోహెల్ ఫైర్ అయ్యాడు.

బిగ్‌బాస్ షాక్..

కాయిన్స్ సేకరించే క్రమంలో అందరూ గ్రూపులు కట్టారు. జంటలుగా ఆట ఆడుతుండటంతో బిగ్ బాస్ ఫైర్ అయ్యాడు. ఎవరి ఆట వారే ఆడాలని హెచ్చరించాడు. దీంతో మళ్లీ అందరూ ఎవరి కాయిన్స్ వారు తమ వద్దే ఉంచుకున్నారు. అయితే నేటి ఎపిసోడ్‌లో ఎన్నో చిత్ర విచిత్రాలు జరగబోతోన్నాయని తెలుస్తోంది.

వదిలేసిన మెహబూబ్..

అందరూ నిద్రపోయాక కొంత మంది కంటెస్టెంట్లు దొంగతనానికి పూనుకున్నట్టు తెలుస్తోంది. ఎవరి ప్లాన్స్ వారికి ఉండటంతో చోరీలు బాగానే చేస్తున్నారు. అన్నింటికంటే మరీ ఘోరం మెహబూబ్ విషయంలో జరిగింది. ఓ కాయిన్ పట్టుకుని దానికి ఎలాంటి విలువ లేదని వదిలేశాడు. తీరా దాన్ని సుజాత తీసుకుంది. అది స్పెషల్ కాయిన్, స్పెషల్ పవర్ ఉంటుందని బిగ్ బాస్ ప్రకటించడంతో మెహబూబ్ షాక్ అయ్యాడు.

Recommended Video

Actor Madhunandan Interview Part 2 రాజ్ తరుణ్, హెబ్బాపటేల్ కెమిస్ట్రీ ఓ రేంజ్ లో ఉంటది!!

మెహబూబ్‌పై ట్రోల్స్..

బాడీ కాదు బ్రెయిన్ పెట్టి ఆడాలి అంటూ మెహబూబ్‌ను దారుణంగా ఏకిపారేస్తున్నారు. అసలే ఉక్కు హృదయం టాస్క్‌లో మెహబూబ్ చేసిన అతిని ఎవ్వరూ జీర్ణించుకోలేకపోతున్నారు. మళ్లీ ఇలా దొరికి పోవడంతో అందరూ ట్రోల్ చేస్తున్నారు. మరి ప్రోమోలో అయితే బాగానే ఉంది. పూర్తి ఎపిసోడ్‌లో ఎవరు బక్రా అవుతారో చూడాలి.