ఆయన ఐడియాలు ఇస్తాడు కానీ పాటించడు.. అభిజిత్‌కు సోహెల్ పంచ్

సీక్రెట్స్.. లెటర్స్..

ఫ్యామిలీ మెంబర్స్ రాసిన ఉత్తరాలు కంటెస్టెంట్లు పొందాలంటే సీక్రెట్లు చెప్పాలని కండీషన్ పెట్టాడు. అలా తమ జీవితంలో ఎవ్వరికీ తెలియని సీక్రెట్లను చెప్పారు. దానికి సంతృప్తి చెందిన అఖిల్ సీక్రెట్ రూం నుంచి అందరికీ ఉత్తరాలను పంపించాడు. కానీ అరియానా, అవినాష్‌లు చెప్పినవి సీక్రెట్లు కావని లెటర్లను ముక్కముక్కలు చేశాడు.

నేడు మరో టాస్క్..

నేడు బిగ్ బాస్ కంటెస్టెంట్లకు మరో టాస్క్ ఇచ్చాడు. కుటుంబ సభ్యులు దీపావళి బహుమతులను పంపించారు. అవి మీ దగ్గరకు రావాలంటే నవ్వకుండ ఉండాలని చెప్పాడు. బిగ్ బాస్ ఇంట్లో నవ్వు నిషేధం అంటూ ఓ టాస్క్ పెట్టాడు. నవ్వకుండా ఎవరైతే ఉంటారో వారికే బహుమతులు లభిస్తాయని తెలిపాడు.

నవ్వించే ప్రయత్నం..

నవ్వకుండా ఉన్న కంటెస్టెంట్లను ఇతరులు నవ్వించేందుకు ప్రయత్నించాలని తెలిపాడు. ఏదో ఒకటి చేసి వారిని డిస్టర్బ్ చేయాలని టాస్క్ఇచ్చినట్టున్నాడు. ఇందులో భాగంగానే అవినాష్, సోహెల్, అభిజిత్ మిగతా ఇంటి సభ్యులను నవ్వించేందుకు విన్యాసాలు చేశారు.

Recommended Video

Cine Box : Hollywood And Bollywood Latest Updates

ఐడియాలు ఇచ్చాడు..

ఇంటి సభ్యులను నవ్వించేందుకు సోహెల్ జోకర్ గెటప్‌ను వేసుకున్నాడు. అభిజిత్ కామెడీ చేసేందుకు ప్రయత్నించాడు. ఈసారి ఏదైనా ఎలిమినేషన్ ప్లాన్, ఐడియా ఇవ్వమంటావా? అని అభిజిత్ నవ్వించేందుకు ప్రయత్నించాడు. ఆయన ఐడియాలు ఇస్తాడు పాటించడు అంటూ సోహెల్ సెటైర్ వేశాడు. అది కామెడీగానే అన్నా కూడా సోహెల్ మనసులో మాట బయట పెట్టినట్టున్నాడు.