ఆ నడక చూడు ముసలి దానిలా ఎలా ఉందో.. అరియానా పరువుదీసిన అవినాష్

గత వారంలో అలా..

గతం వారంలో మెహబూబ్ అవినాష్ అరియానా ఓ చోట కూర్చుని ముచ్చట్లు పెట్టారు. అరియానా బాగుంది కదా అని పులిహోర కలపడం మొదలెట్టాడు అవినాష్. నువ్ ఎంత చేసినా పడను అని అరియానా కౌంటర్ వేయడంతో అవినాష్ ఫీలయ్యాడు. మనం ఫ్రెండ్స్ కదా పడిపోవడం ఏంటి పడగొట్టడం ఏంటి? అయినా మనిద్దరికి అంత సీన్ లేదంటూ అవినాష్ కవర్ చేసేశాడు.

తాజాగా ఇలా..

ఇక నిన్నటి ఎపిసోడ్‌లో మార్నింగ్ మస్తీ సాంగ్‌లో డ్యాన్స్ చేసేశాక.. అవినాష్ అరియానాను ఆటపట్టించాడు. ముసల్దానిలా ఆ నడుము, నడక చూడు అంటూ కౌంటర్ వేశాడు. ఆ కౌంటర్‌కు అఖిల్ నవ్వాడు. ఏంటి అంకుల్.. వెనుక ఆ బొజ్జ టైర్లు అంటూ అవినాష్ పరువు అరియానా తీసేసింది. ఓ పెళ్లి కాని మగాడిని అలా వర్ణిస్తావా? అంటూ అరియానాను అవినాష్ నిలదీశాడు.

సోహెల్ మంటపెట్టాడు..

అరియానా అవినాష్ అలా పోట్లాడుకుంటూ ఉంటే సోహెల్ మధ్యలో మంటపెట్టాడు. అరియానాతో నువ్ లివింగ్ ఇన్ రిలేషన్ షిప్‌లో ఉన్నావని చెప్పావ్ కదా అని అవినాష్‌ను ఇరికించాడు. సోహెల్‌కు తోడుగా అఖిల్ కూడా జత కలిశాడు. వామ్మో లివింగ్ ఇన్ రిలేషన్ షిప్ అట.. తెలుగు ప్రేక్షకులకు అర్థం కాకపోవచ్చు క్లియర్‌గా చెప్పు అని అఖిల్ అంటే... సహజీవనం అని అరియానా చెప్పింది.

Recommended Video

Megastar Chiranjeevi Meets Legend Kalatapaswi K Vishwanath

ఇలాంటివాడివా?

సహజీవనం అంటే అని అఖిల్ ఏదో ఒకటి చెబుతూ ఆ చిచ్చును ఇంకాస్త పెంచేందుకు ప్రయత్నించాడు. చీచీ నువ్ ఇలాంటి వాడివా? అది తెలియక నీతో ఇన్ని రోజులు మాట్లాడాను.. అందుకేనా నువ్ నన్ను ముసల్దానా? ఆంటీ అంటున్నావ్ అంటూ ఇలా అవినాష్ మీద అరియానా సెటైర్లు వేస్తూనే ఉంది.