ఇంత చేయమంటే అంత చేస్తుంది.. అరియానా పరువుదీసిన సోహెల్

ప్రేమ మొదలైంది..

ఓ సినిమా తీయమని బిగ్ బాస్ టాస్క్ ఇవ్వడంతో పాటు.. అభిజిత్ దర్శకుడిగా, దివి సహాయ దర్శకురాలిగా, నోయల్ కెమెరామెన్‌గా, అవినాష్ స్క్రిప్ట్ రైటర్‌గా వ్యవహరించారు. కొరియోగ్రాఫర్‌గా అమ్మ రాజశేఖర్‌ను ఫిక్స్ చేసి.. హారిక, సోహెల్‌లకు స్పెషల్ ఐటం సాంగ్‌ చేయాలని ఆదేశించాడు. అలా ‘ప్రేమ మొదలైంది' అనే సినిమాను షూట్ చేసేశారు.

గొడవలతోనే పూర్తి..

ఓ సినిమా అన్నాక ఎంత మందితో గొడవలు వస్తాయి.. మనస్పర్దలు, క్లాషెస్ వస్తాయో చెప్పకనే చెప్పేశారు. కొరియోగ్రాఫర్ దర్శకులుగా వ్యవహరించిన అమ్మ రాజశేఖర్ అభిజిత్ మధ్య గొడవ అయింది. అలాగే స్క్రిప్ట్ రైటర్ కమ్ హీరో అయిన అవినాష్ దర్శకుడు అభిజిత్‌కు మధ్య గొడవలు అయ్యాయి.

అలిగిన అవినాష్..

టేకులు మీద టేక్‌లు తీస్తున్నారని చివరకు అవినాష్ అలిగి వెళ్లిపోయాడు. అవసరం లేకపోయినా లాస్య మధ్యలో వచ్చి టచ్ అప్ అంటూ డిస్టర్బ్ చేస్తోందని, అసిస్టెంట్ డైరెక్టర్ అయిన దివి జోకులు చేస్తూ మధ్యలో డిస్టర్బ్ చేస్తోందని అవినాష్ ఫైర్ అయ్యాడు.

ప్రేమ మొదలైంది ప్రీమియర్..

ఇక నేటి ఎపిసోడ్‌లో కంటెస్టెంట్లందరూ కలిసి తీసిన ప్రేమ మొదలైంది ప్రీమియర్ వేసినట్టు కనిపిస్తోంది. ఇందులో యాంకర్‌గా అరియానా తన ప్రతిభను చాటాలనుకున్నట్టుంది. వచ్చిన ప్రతీ ఒక్కరికి మైకు పెట్టి ఇంటర్వ్యూ చేసే ప్రయత్నం చేసింది. అందులో భాగంగా సోహెల్ అరియానాపై సెటైర్ వేశాడు.

Recommended Video

Bigg Boss Telugu 4 : Jordar Sujatha Re Entry In Bigg Boss House

ఐటెం రాజా..

ప్రేమ మొదలైంది సినిమాలో ఐటెం సాంగ్‌ చేసిన సోహెల్‌కు మైకు పెట్టి అడిగింది అరియానా. ఇక అరియానా ఏవేవో ప్రశ్నలు సంధిస్తుండటంతో .. ఇంత చేయమంటే అంత చేస్తుంది అంటూ అరియానా పరువు తీసేశాడు సోహెల్. మొత్తానికి ఈ ప్రీమియర్‌ షో అదిరిపోయినట్టు కనిపిస్తోంది. ఇక వీకెండ్ హోస్ట్‌గా రాబోతోన్న సమంత ఈ సినిమాపై ఎలాంటి కామెంట్ చేస్తుందో చూడాలి.