హారికకు అదిరిపోయే ఆఫర్ ఇచ్చిన బిగ్‌బాస్.. అవకాశాన్ని వాడుకుంటుందా?

బిగ్ బాస్ హోటల్ టాస్క్‌లో..

బిగ్ బాస్ ఇచ్చిన హోటల్ టాస్క్‌లో అవినాష్‌కు ఓ సీక్రెట్ టాస్క్ వచ్చింది. హోటల్ స్టాఫ్‌లో ఉంటూనే వారి పనులను చెడగొట్టాలని, కనీసం పది సేవలను చెడగొట్టాలని తెలిపాడు. అయితే ఎవ్వరికీ అనుమానం రాకుండా అవినాష్ వాటిని పూర్తి చేసేసి సక్సెస్ అయ్యాడు. అలా మొదటి సీక్రెట్ టాస్క్ విజయవంతమైంది.

రెండో సీక్రెట్ టాస్క్..

అయితే నేటి ఎపిసోడ్‌లో బిగ్ బాస్ మరో టాస్క్‌లో ఓ సీక్రెట్ టాస్క్ ఇచ్చాడు. అది కూడా హారికకు ఇచ్చాడు. దీంతో హారిక ఫుల్ ఎగ్జైట్ అయింది. ఇంతకీ టాస్క్ ఏంటంటే.. పల్లెకు పోదాం చలో చలో అంటూ రంగస్థలం అనే ఊరిగా మార్చేశాడు. ఆ ఊరి పెద్దగా సోహెల్, అతని భార్యగా లాస్య నటించనుంది. ఊరి పెద్ద భార్యను పడగొట్టేందుకు ప్రయత్నించే పాత్రలో అమ్మ రాజశేఖర్ కనిపించనున్నాడు.

ఇందులో ఓ హత్య..

హారికకు సీక్రెట్ టాస్క్ ఇచ్చిన బిగ్ బాస్.. మెహబూబ్‌ను విలన్‌ను చేసేశాడు. దాంతో బిగ్ బాస్ ఊర్లో గొడవలు జరిగాయి. అలా గొడవలు జరుగుతున్న క్రమంలోనే ఊర్లో ఓ హత్య జరిగిందని అందరికీ షాక్ ఇచ్చాడు. ఎవరిని నమ్మాలో తెలియడం లేదంటూ అమ్మ రాజశేఖర్ తన బిజీలో తాను ఉన్నాడు.

రచ్చ రచ్చ అయ్యేట్టుంది..

బిగ్ బాస్ తొమ్మిదో వారంలో ఈ టాస్క్ పెద్ద చిచ్చు పెట్టేలానే కనిపిస్తోంది. హారిక, మెహబూబ్‌లతో టాస్క్ మలుపు తిరిగేలా ఉంది. మొత్తానికి ఈ టాస్క్‌లోనూ అవినాష్ తనదైన శైలిలో నవ్విస్తూ మోనాల్, అరియానాతో పులిహోర కలిపేస్తున్నాడు. ఈ టాస్క్‌లో ఎవరు బెస్ట్ పర్ఫామెన్స్ ఇస్తారో చూడాలి. హారికకు వచ్చిన మంచి అవకాశాన్ని వినియోగించుకుంటుందో లేదో చూడాలి.