Bigg Boss Teugu 5 Nominations: రెండో వారంలో ఏడుగురు నామినేట్.. ఆ ముగ్గురికి మరోసారి షాక్

తొలిసారి అంత మందితో ప్రయోగం

అంగరంగ వైభవంగా మొదలైన ఐదో సీజన్‌లో ఏకంగా 19 మంది కంటెస్టెంట్లు నేరుగా హౌస్‌లోకి ఎంట్రీ ఇచ్చారు. అందులో సిరి హన్మంత్, వీజే సన్నీ, షణ్ముక్ జశ్వంత్, ప్రముఖ నటి ప్రియ, యాంకర్ రవి, నటరాజ్ మాస్టర్, ప్రియాంక సింగ్, లహరి, సింగర్ శ్రీరామచంద్ర, సరయు, జస్వంత్, శ్వేతా వర్మ, మానస్ షా, ఉమాదేవి, ఆర్జే కాజల్, లోబో, హమీదా, ఆనీ మాస్టర్, విశ్వలు ఉన్నారు.

మొదటి వారం సరయు ఎలిమినేట్

సీజన్ ప్రారంభం అయిన మొదటి వారంలోనే ఏకంగా ఆరుగురు కంటెస్టెంట్లు నామినేట్ అయ్యారు. అందులో యాంకర్ రవి, జస్వంత్, ఆర్జే కాజల్, హమీదా, మానస్, సరయులు ఉన్నారు. వీళ్ల నుంచి ఎవరు ఎలిమినేట్ అవుతారన్న దానిపై చాలా రకాల ఊహాగానాలు వినిపించాయి. అయితే, అంతా అనుకున్నట్లుగానే మొదటి వారం సరయు షో నుంచి బయటకు వెళ్లిపోయింది.

షోలోనే ముఖ్యమైన ఘట్టానికి టైమ్

బిగ్ బాస్ షోలోనే ఎంతో ముఖ్యమైన ఘట్టం నామినేషన్స్ ప్రక్రియే అన్న విషయం తెలిసిందే. ఇది జరుగుతోన్న సమయంలోనే కంటెస్టెంట్ల మధ్య గొడవలు కనిపిస్తాయి. ఈ టాస్క్ సమయంలోనే కంటెస్టెంట్ల మధ్య ప్రేమ, స్నేహం కూడా పుడుతుంది. అవే సగటు బిగ్ బాస్ ప్రేక్షకుడికి మజాను పంచుతాయి. ఈ ప్రక్రియ ప్రతి సోమవారం ఎపిసోడ్‌లో ఎన్నో గొడవలతో సాగుతూ ఉంటుంది.

ఈ వారం ఎవరు ఉంటారో అంటూ

బిగ్ బాస్ ఐదో సీజన్‌కు సంబంధించి మొత్తం 19 మంది ప్రముఖులు హౌస్‌లోకి కంటెస్టెంట్లుగా ఎంట్రీ ఇచ్చారు. అందులో ఒకరు ఎలిమినేట్ అవగా.. సిరి హన్మంత్ కెప్టెన్ అయింది. దీంతో 17 మంది నామినేషన్స్ ప్రక్రియలో పాల్గొంటారు. ఈ నేపథ్యంలో ఈ వారం ఎవరు నామినేట్ అవుతారా అన్న ఆసక్తి అందరిలోనూ కనిపిస్తోంది. దీంతో ఈ ఎపిసోడ్ కోసం అంతా వేచి చూస్తున్నారు.

నామినేషన్ ప్రక్రియ వివరాలు ఇవే

రెండో వారానికి సంబంధించి నామినేషన్ ప్రక్రియ రెండు గ్రూపుల మధ్య జరగబోతుందని తెలుస్తోంది. ఇంట్లోని సభ్యులందరినీ రెండు జట్లుగా విభజించిన బిగ్ బాస్.. రెడ్ కలర్ అనే టాస్క్ ఇవ్వబోతున్నట్లు విశ్వసనీయంగా తెలిసింది. అంతేకాదు, ఇందులో కొన్ని గొడవలు కూడా జరిగాయనే టాక్ వినిపిస్తోంది. దీంతో ఈ ఎపిసోడ్ మొత్తం ప్రేక్షకులకు మస్త్ మజాను పంచబోతుందట.

రెండో వారం ఏడుగురు నామినేట్

ఐదో సీజన్‌కు సంబంధించి మొదటి వారం బిగ్ బాస్ షోలో ఆరుగురు కంటెస్టెంట్లు నామినేట్ అవగా.. రెండో వారం మాత్రం ఏకంగా ఏడుగురు సభ్యులు ఎలిమినేషన్ జోన్‌లోకి వెళ్లారని తెలుస్తోంది. తాజా సమాచారం ప్రకారం.. ఈ వారం జరిగిన నామినేషన్స్ టాస్కులో హమీదా, జస్వంత్, ఆర్జే కాజల్, ఉమాదేవి, నటరాజ్ మాస్టర్, వీజే సన్నీ, లహరి షారిని నామినేట్ అయ్యారట.

Recommended Video

Seetimaarr Movie Team Vinayaka Chaviti Special Interview

ఆ ముగ్గురు మళ్లీ వచ్చేశారంటూ

తాజాగా బయటకు వచ్చిన జాబితాను చూస్తే.. ఇందులో గత వారం నామినేట్ అయిన హమీదా, జస్వంత్, ఆర్జే కాజల్‌లు మరోసారి నామినేషన్స్‌లో ఉన్నారని తెలుస్తోంది. ఇక, మిగిలిన నలుగురు మాత్రం తొలిసారి నామినేషన్స్‌లోకి వచ్చారు. మరి ఇప్పుడు ప్రేక్షకులు ఎవరికి మద్దతిస్తారు? ఎవరిని ఎలిమినేట్ చేస్తారు? అన్నది ఆసక్తికరంగా మారింది. ఈ లిస్ట్‌పై మరింత సమాచారం తెలియాల్సి ఉంది.