Bigg Boss: ఆ కంటెస్టెంట్లకు భారీ షాకిచ్చిన బిగ్ బాస్.. వాళ్లను ఎలిమినేట్ చేస్తున్నట్లు ప్రకటన

‘బీబీ బొమ్మల ఫ్యాక్టరీ' టాస్కుతో రచ్చ

ఈ వారం కెప్టెన్సీ పోటీదారుల కోసం బిగ్ బాస్ 'బీబీ బొమ్మల ఫ్యాక్టరీ' అనే టాస్కును ఇచ్చారు. ఇందులో బ్లూ టీమ్‌లో సభ్యులుగా మానస్‌, సన్నీ, యానీ మాస్టర్‌.. ఎల్లో టీమ్‌ సభ్యులుగా షణ్ముఖ్, ప్రియాంక, జెస్సీ.. రెడ్‌ టీమ్‌ సభ్యులుగా విశ్వ, శ్రీరామ్‌, ప్రియ.. గ్రీన్‌ టీమ్‌ సభ్యులుగా రవి, లోబో, శ్వేతలను విభజించారు. ఇక, సిరి హన్మంత్, కాజల్‌ను సంచాలకులుగా చేశారు.

నాలుగు టీమ్‌ల మధ్య పోటీ.. వాళ్లు టాప్

'బీబీ బొమ్మల ఫ్యాక్టరీ' టాస్కు రెండు రోజులుగా పోటాపోటీగా జరుగుతోంది. ప్రతి టీమ్ సభ్యులూ తమ దగ్గర ఉన్న మెటీరియల్‌తో బొమ్మలను తయారు చేస్తున్నారు. అయితే, అందులో కొన్ని బొమ్మలు సరిగా లేవని సంచాలకులు కమ్ మేనేజర్లు సిరి, కాజల్ రిజెక్ట్ చేశారు. ఇక, ఈ టాస్కులో రవి టీమ్‌కు స్పెషల్ పవర్స్ లభించాయి. దీంతో వాళ్లు మానస్ టీమ్‌ బొమ్మలు తీసుకున్నారు.

ఇద్దరు అమ్మాయిల అతి.. గొడవ పడుతూ

'బీబీ బొమ్మల ఫ్యాక్టరీ' టాస్కులో సంచాలకులుగా చేస్తున్న సిరి హన్మంత్, కాజల్ అతి చేస్తున్నారు. మేము చెప్పిందే వినాలి.. మాకు నచ్చినట్లు ఉండాలి అంటూ వీళ్లిద్దరూ అన్ని టీమ్‌లపై అధికారం చెలాయించే ప్రయత్నం చేస్తున్నారు. ఈ క్రమంలోనే వాళ్లకు నచ్చినట్లుగా కొన్ని రూల్స్‌ను కూడా పెట్టారు. దీంతో వాళ్లను వ్యతిరేకిస్తూ పలువురు సభ్యులు గొడవలకు దిగారు.

ఓకే చేసినవి సరిగా కాపాడుకోలేదని అలా

బజర్ మోగే సమయానికి ఏ టీమ్ దగ్గర ఎన్ని బొమ్మలు కరెక్ట్‌గా ఉన్నాయో సంచాలకులు నిర్ణయిస్తారు. అయితే, తాజాగా విడుదలైన ప్రోమోలో ఇప్పుడు ఓకే చేసిన బొమ్మలను మళ్లీ చెక్ చేస్తానని కాజల్ చెప్పింది. ఆ సమయంలో మీరు వాటిని సరిగా దాచుకోలేదంటూ కొన్నింటిని రిజెక్ట్ చేసింది. దీంతో రవి టీమ్‌తో ఆమెకు పెద్ద గొడవ జరిగింది. ఇది పెద్ద రచ్చగా అయినట్లు కనిపించింది.

రూల్ బ్రేక్ చేసిన సభ్యులు.. భారీ షాకిస్తూ

'బీబీ బొమ్మల ఫ్యాక్టరీ' టాస్కులో భాగంగా కొందరు సభ్యులు రూల్స్‌ను బ్రేక్ చేశారంటూ తాజాగా విడుదలైన ప్రోమోలో బిగ్ బాస్ చెప్పాడు. అంతేకాదు, ఆయా సభ్యులను కెప్టెన్సీ కంటెండర్ల టాస్కు నుంచి ఎలిమినేట్ (అనర్హులుగా) చేస్తున్నట్లు కూడా ప్రకటించాడు. దీంతో కంటెస్టెంట్లు అందరూ షాకై నోరెళ్లబెట్టేశారు. అయితే, రూల్ బ్రేక్ చేసింది ఎవరో సస్పెన్స్‌గా ఉంచాడు.

ఆమెను ఎత్తుకుని డ్యాన్స్ చేసేసిన సన్నీ

'బీబీ బొమ్మల ఫ్యాక్టరీ' టాస్కులో నిబంధనలు ఉల్లంఘించిన కారణంగా బిగ్ బాస్ కొందరిని అనర్హులుగా ప్రకటించడంతో బ్లూ టీమ్‌కు చెందిన వీజే సన్నీ ఫుల్ ఖుషీ అయ్యాడు. ఆ వెంటనే తన టీమ్ సభ్యురాలు ఆనీ మాస్టర్‌ను ఎత్తుకుని మరీ డ్యాన్స్ చేశాడు. దీంతో మిగిలిన వాళ్లంతా ధీనంగా వాళ్ల వైపు చూడడం కనిపించింది. దీంతో ఈరోజు ఎపిసోడ్ ఆసక్తికరంగా సాగనుంది.

Recommended Video

Bigg Boss 5 Telugu Beauty Hamida Exclusive Interview

ఎలిమినేట్ అయిన సభ్యులు వీళ్లేనంటూ

విశ్వసనీయ వర్గాల సమాచారం ప్రకారం.. 'బీబీ బొమ్మల ఫ్యాక్టరీ' టాస్కులో హౌస్‌లోని పిల్లోలు కట్ చేసి కాటన్ తీసుకున్న యాంకర్ రవి టీమ్‌ సభ్యులను అనర్హులుగా ప్రకటించినట్లు తెలుస్తోంది. అలాగే, సంచాలకులుగా పూర్తిగా విఫలం అయిన సిరి హన్మంత్, ఆర్జే కాజల్‌ను కూడా ఈ టాస్కు నుంచి తప్పించారని అంటున్నారు. దీంతో మిగిలిన వాళ్లే కెప్టెన్‌గా పోటీ పడనున్నారు.