‘ఆ క్షణమే చనిపోవాలనిపించింది'.. బిగ్‌బాస్ బ్యూటీ ఎమోషనల్

ప్రియా శెట్టి బిగ్ బాస్ తెలుగు సీజన్ 9 ద్వారా మంచి గుర్తింపు తెచ్చుకుంది. కర్నూలుకు చెందిన ఆమె కామనర్‌గా హౌస్‌లోకి ఎంట్రీ ఇచ్చి తన ఆట, మాటతో ప్రేక్షకులను ఆకట్టుకుంది.అయితే మూడు వారాలకే షో నుంచి ఎలిమినేట్ అయింది. బిగ్ బాస్ తర్వాత పలు టీవీ షోలు, కార్యక్రమాల్లో కనిపిస్తున్న ప్రియా.. తాజాగా ఓ టాక్ షోలో పాల్గొని తన వ్యక్తిగత, వృత్తిపరమైన జీవితానికి సంబంధించిన ఆసక్తికర విషయాలను పంచుకుంది. ప్రియా శెట్టి చేసిన తాజా వ్యాఖ్యలు ఇప్పుడు సోషల్ మీడియాలో విపరీతంగా వైరల్ అవుతున్నాయి. ముఖ్యంగా తన తండ్రి ఆరోగ్య పరిస్థితి గురించి మాట్లాడిన సమయంలో ఆమె ఎమోషనల్ అయ్యింది.

ముఖ్యంగా ఈ ఇంటర్వ్యూలో ఆమె చెప్పిన ప్రతి మాట వెనుక ఒక వ్యక్తిగత అనుభవం, జీవిత పాఠం కనిపించింది. తన తండ్రికి పోలియో ఉందని చెప్పిన ప్రియా, ఆయన ఎదుర్కొన్న కష్టాలను గుర్తు చేసుకుంటూ తీవ్ర భావోద్వేగానికి గురైంది. ఒక ఫంక్షన్‌కు వెళ్లి కింద పడటంతో ఆయనకు థై బోన్ ఫ్రాక్చర్ కావడం, ఆస్పత్రిలో బాధతో కన్నీళ్లు పెట్టుకోవడం తనను లోపల నుంచి కుదిపేసిందని తెలిపింది. "నాన్నను అలా చూసిన క్షణం నేను పూర్తిగా బ్రేక్ అయ్యాను. ఆయనను అలా చూసేసరికి ఆ క్షణం చనిపోవాలనిపించింది'అని చెప్పినప్పుడు ఆమె కళ్లలో కనిపించిన బాధ ప్రేక్షకులను కూడా ఎమోషనల్ చేసింది. తండ్రి ప్రేమ ఎంత గొప్పదో, కుటుంబ బంధం ఎంత బలంగా ఉంటుందో ఆమె మాటల్లో స్పష్టంగా కనిపించింది.

ప్రేమ, బ్రేకప్‌ల గురించి కూడా ఆమె చేసిన వ్యాఖ్యలు యువతలో చర్చకు దారి తీశాయి. "అబ్బాయిలు ఒకసారి ప్రేమిస్తే చాలా లోతుగా కనెక్ట్ అవుతారు" అని అన్నారు. సాధారణంగా అమ్మాయిలే ఎక్కువగా ఎమోషనల్ అవుతారని భావించే సమయంలో, అబ్బాయిల ఫీలింగ్స్ గురించి ప్రియా మాట్లాడడం చాలా మందిని ఆకట్టుకుంది. ప్రేమ అనేది కేవలం రిలేషన్ కాదు, బాధ్యత అని.. దాన్ని కాపాడుకోవాలంటే ఇద్దరి నుంచి సమానమైన ప్రయత్నం అవసరమని ఆమె చెప్పింది.

అలాగే "ఫస్ట్ లవ్ ప్రతి ఒక్కరి జీవితంలో ప్రత్యేకం" అని చెప్పిన ప్రియా, సంబంధం నిలబడాలంటే ఇద్దరూ నిజాయితీగా ఉండాలని తెలిపింది. కానీ బలవంతంగా ఒక బంధాన్ని కొనసాగించడం కంటే, అవసరమైతే విడిపోవడమే మంచిదని చెప్పడం ఆమె మేచ్యూరిటీని చూపించింది. ఇది ప్రస్తుతం యువత ఎదుర్కొంటున్న రిలేషన్‌షిప్ సమస్యలకు దగ్గరగా ఉండటంతో, ఆమె మాటలకు మంచి స్పందన వస్తోంది. ఇంటర్వ్యూలో మరో ఆసక్తికర అంశం ఆమె వ్యక్తిగత అభిరుచులు. తాను డార్క్ స్కిన్ ఉన్న అబ్బాయిలను ఇష్టపడతానని ఓపెన్‌గా చెప్పడం సోషల్ మీడియాలో వైరల్ అయింది. "ప్రపంచానికి విలన్‌లా ఉన్నా.. నా దగ్గరికి వచ్చేసరికి హీరోలా ఉండాలి" అనే ఆమె డైలాగ్ యువతను బాగా ఆకట్టుకుంది. ఈ మాటల్లో ఆమె కోరుకునే భావోద్వేగ భద్రత, ప్రేమ, కేర్ స్పష్టంగా కనిపించాయి.

అంతేకాదు, ఆధ్యాత్మికతపై కూడా ప్రియా మాట్లాడింది. తాను దుర్గమ్మను ఎంతో నమ్ముతానని, దుర్గమ్మ దర్శనం చేసిన వెంటనే బిగ్‌బాస్ అగ్నిపరీక్షకు కాల్ రావడం తన జీవితంలో దేవుడి ఆశీర్వాదంగా భావిస్తున్నానని చెప్పింది. ఇది ఆమె వ్యక్తిత్వంలోని మరో కోణాన్ని బయటపెట్టింది. గ్లామర్ ప్రపంచంలో ఉన్నప్పటికీ, తన మూలాలు, నమ్మకాలు మర్చిపోలేదని ఆమె మాటల్లో స్పష్టమైంది. యాంకర్ వర్షతో జరిగిన సరదా సంభాషణ కూడా ఇంటర్వ్యూకి ప్రత్యేక ఆకర్షణగా నిలిచింది. "బాగా తింటా అంతే నా బ్యూటీ సీక్రెట్" అని చెప్పిన ప్రియా సరదా సమాధానం ఆమె సింప్లిసిటీని చూపించింది. అదే సమయంలో కళ్యాణ్‌పై తనకు ఉన్న ఇష్టం గురించి చెప్పిన తీరు ప్రేక్షకుల్లో ఆసక్తిని పెంచింది.