Don't Miss!
- Finance Sensex News: 1000 పాయింట్లు పెరిగిన సెన్సెక్స్.. దలాల్స్ట్రీట్ దున్నేస్తున్న బుల్స్..
- News ఏపీలో విపక్షాల ఫిర్యాదుల వేళ ఈసీ కీలక నిర్ణయం..! ఢిల్లీ నుంచి ఆ ముగ్గురు..
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
కరోనా ఫైనల్ రిపోర్ట్స్ వచ్చేశాయ్.. రవికృష్ణపై బిగ్బాస్ హౌస్మేట్స్ రియాక్షన్!!
బిగ్బాస్ ఫేమ్ రవికృష్ణకు కరోనా వచ్చిందనే వార్తలు ఎంతగా వైరల్ అయ్యాయో ప్రత్యేకంగా చెప్పనక్కర్లేదు. సీరియల్ షూటింగ్లకు అనుమతివ్వడంతో సినీ పరిశ్రమలో కరోనా విజృంభించడం ప్రారంభించింది. వరుసబెట్టి సీరియల్ నటీనటులకు కరోనా సోకుతోంది. ఈ క్రమంలోనే ఆమె కథ సీరియల్ హీరో, హీరోయిన్లకు కరోనా వచ్చింది. ముందుగా హీరోయిన్ నవ్యస్వామికి పాజిటివ్ అని తేలింది. దీంతో యూనిట్ మొత్తం ఆందోళనకు గురైంది.
నవ్యస్వామికి కరోనా..
నవ్యస్వామికి కరోనా సోకిందనే వార్త క్షణాల్లో వైరల్ అయింది. అయితే ఈ వార్తలపై నవ్యస్వామి స్పందించింది. కరోనా వచ్చినదానికంటే తనపై వచ్చిన రూమర్లే తనను ఎక్కువగా బాధించాయని చెప్పుకొచ్చింది. తాను కావాలనే అందరికీ అంటించానని కొందరు ప్రచారం చేస్తున్నారని వాపోయింది. అయితే రవికృష్ణకు కూడా కరోనా అని బయటపడటంతో మరింత షాక్కు గురైంది యూనిట్.
లక్షణాలు లేకపోయినా..
నవ్యస్వామికి కరోనా అని తేలడంతో సీరియల్ యూనిట్ అంతా అప్రమత్తమైంది. అందరికీ పరీక్షలు నిర్వహించారు. అయితే అందులో రవికృష్ణకు ఎలాంటి లక్షణాలు లేకపోయినా కరోనా పాజిటివ్ అని తేలింది. దీంతో స్వీయ నియంత్రణను పాటిస్తూ హోం ఐసోలేషన్లో ఉంటూ చికిత్స తీసుకున్నాడు.
తాజాగా ఫైనల్ రిపోర్ట్స్..
ఇన్ని రోజులు చికిత్స అనంతరం మరోసారి పరీక్షలు నిర్వహించగా.. తాజాగా ఫైనల్ రిపోర్ట్స్ వచ్చాయట. దాంట్లో నెగెటివ్ అని రావడంతో ఎగిరి గంతులువేస్తున్నాడట. రవికృష్ణకు నెగెటివ్ అని తేలడంతో బిగ్ బాస్ హౌస్మేట్స్ అంతా సంబరాల్లో మునిగిపోయారు.
Recommended Video
సంతోషంలో సభ్యులు..
బిగ్ బాస్ సభ్యులు శివజ్యోతి, అషూ, హిమజ, రాహుల్ సిప్లిగంజ్ ఇలా అందరూ రవికృష్ణకు పాజిటివ్ రావడంతో ఆనందాన్ని వ్యక్తం చేస్తున్నారు. అవునవును.. అతను కోవిడ్ 19 నుంచి రికవరీ అయ్యాడు, నెగెటివ్ వచ్చిందని అషూ, యా మై బాయ్ బ్యాక్ టు నార్మల్ అని శివజ్యోతి, బ్యాక్ టు నార్మల్ మాము... ఘర్ ఆజావో అని రాహుల్ తన సంతోషాన్ని పంచుకున్నారు.