Bigg Boss Non Stop: నేను సిగరెట్లు తీశానని ఎవడన్నాడు.. యాంకర్ శివతో అషు రెడ్డి కోల్డ్ వార్!

Recommended Video

Bigg Boss Telugu Non Stop: Contestants బోల్డ్ స్టేట్మెంట్స్ Trolls | Filmibeat Telugu

యాంకర్ శివ పరిస్థితి అలా అయ్యింది..

ఇక బిగ్ బాస్ లో పనిష్మెంట్స్ హడావుడిలో కొంతమంది కంటెస్టెంట్స్ చాలా ఓవర్ చేస్తున్నారు అనే కామెంట్స్ కూడా వస్తున్నాయి. ఇక బిందు మాధవి ఎక్కడ ఉంటే అక్కడికి యాంకర్ శివ వాలిపోతున్నాడు. అయితే అతన్ని ఇదివరకే బిందు మాధవి బ్రో అనేసింది. అలాగే మిత్ర శర్మ కూడా అన్నా అనేసి గాలి తీసేసింది. దీంతో మనోడు ఎవరిని టచ్ చేసినా కూడా బ్రో అనే పధంతో నవ్వులపాలవుతున్నాడు.

ఓవర్ అయ్యిందని..

ఇక రీసెంట్ గా యాంకర్ శివకు అయితే బిందుమాధవి మొహం మీదే కాస్త ఓవర్ అయ్యిందని చెప్పేసింది. కాస్త తగ్గించుకుంటే మంచిది అంటూ ప్రతీ విషయంలో బిందు మాధవి అని పేరు లాగడం ఏ మాత్రం బాగోలేదని స్వీట్ గా వార్నింగ్ ఇచ్చేసింది. ఇక యాంకర్ శివ ఏమి చేసేది లేక చిలక ఏ తోడు లేక అనుకుంటూ పాట వేయమని బిగ్ బాస్ ను కోరాడు.

అషు రెడ్డితో కూడా

అయితే అషు రెడ్డి కూడా ఈ మధ్య శివ మీద కాస్త ఎక్కువ కోపం చూపిస్తోంది. ఆమె హైలెట్ అవ్వాలని ఎదో దొంగతనాలు చేసే ప్రయత్నం చేస్తోంది. ఇక దాన్ని అనవసరంగా శివ బయట పెడుతూ మరింత చిరాకు తెప్పిస్తున్నాడు. ఇటీవల అషు రెడ్డి సిగరెట్ దొంగతనం చేసినట్లు శివ అందరికి చెప్పుకుంటూ తిరిగిన విధానం అషు రెడ్డికి చాలా కోపాన్ని తెప్పించింది.

సిగరెట్ల దొంగతనం

ఇక అఖిల్ తో మాట్లాడుతూ ఉండగా పక్కనే శివ సైలెంట్ గా కూర్చొని ఉన్నాడు. ఇక తాను సిగరెట్లు దొంగతనం చేసినట్లు ఎవడు చెప్పాడు అంటూ గట్టిగా ఆడిగేసింది. ఇక శివ తానే అన్నట్లుగా హావభావాలు చూపించగా చైతూ అతనికి డబ్బింగ్ చెప్పే ప్రయత్నం చేశాడు. ఇక అతను చెప్పిన మాటలకు అషు రెడ్డికి చాలా కోపం వచ్చేసింది. అయినప్పటికీ సైలెంట్ గా ఉండిపోయింది. చూస్తుంటే వీరి మధ్య రాబోయే టాస్క్ లలో గొడవలు గట్టిగానే జరిగే అవకాశం ఉన్నట్లు అనిపిస్తోంది.

బిగ్ బాస్ పై అనుమానాలు

అయితే బిగ్ బాస్ లైవ్ స్ట్రీమింగ్ గత రాత్రి నుంచి రాకపోవడంతో పలు అనుమానాలు వ్యక్తమవుతున్నాయి. మంచి ఎంటర్టైన్మెంట్ అందించేందుకు ప్రయత్నం చేస్తున్నట్లు నిర్వాహకులు ఒక క్లారిటీ అయితే ఇచ్చారు. మళ్ళీ గురువారం అర్ధరాత్రి నుంచి షో లైవ్ లో కొనసాగుతుందట. అయితే కావాలనే ముందుగానే స్క్రిప్ట్ తరహాలో నడిపించాలని బిగ్ బాస్ ను ఒక రోజు గ్యాప్ తో టెలికాస్ట్ చేయనున్నట్లు టాక్ వస్తోంది.