Bigg Boss Non Stop: విన్నర్స్ ముందే తెలిస్తే కిక్కెముంది.. బిందుమాధవి కాకుండా అతను గెలిస్తే..?

షో స్టార్ట్ అయినప్పుడు..

బిగ్ బాస్ నాన్ స్టాప్ మొదలైనప్పుడు కంటెస్టెంట్స్ విషయంలో అయితే ప్రేక్షకులు ఈ సారి పూర్తి స్థాయిలో సంతృప్తి చెందలేదు అని అర్థమైంది. రెండు గ్రూపులుగా వచ్చిన సీనియర్లు జూనియర్లు మొదటి వారం అయితే చాలా నీరసంగా ఆటను కొనసాగించారు అనే కామెంట్స్ కూడా వచ్చాయి. ఇక నాన్ స్టాప్ ఎవరు చూస్తారని అణుకున్నారో ఏమో గాని చివరికి ఎపిసోడ్ ప్రసారమయ్యే పరిస్థితికి వచ్చే సరికి ప్రేక్షకులు కాస్త ఫోకస్ పెడుతున్నారు.

గతంలో మాదిరిగానే..

ఇక బిగ్ బాస్ లో ఈ సారి విజేతలుగా ఎవరు గెలుస్తారు అనేది కూడా హాట్ టాపిక్ గా మారింది. అయితే ఈసారి విజేత ఎవరో ఊహించడానికి పెద్దగా సమయం పట్టలేదు. చాలామంది ప్రేక్షకులు అయితే బిందు మాధవి విన్నర్ అని చాలా గట్టిగా వాదిస్తున్నారు. నాలుగు సీజన్లలో అభిజిత్ గెలుస్తాడు అని ఇదే తరహాలో రెండు మూడు వారాల్లోనే తేల్చేశారు. అంతకు ముందు రాహుల్ సిప్లిగంజ్ విషయంలో కూడా అదే జరిగింది.

ట్విస్ట్ కోసం యాంకర్ శివ?

అయితే బిగ్ బాస్ లో ఎప్పటికప్పుడు పరిస్థితులు మారిపోతూనే ఉంటాయి. అందుకే పరిస్థితులకు తగ్గట్టుగా అతను కొనసాగిస్తూ కంటెస్టెంట్స్ టాలెంట్ ను బయటికి లాగుతూ ఉండాలి. బిందుమాధవి విన్నర్, అఖిల్ రన్నరప్ అనే ఊహాగానాలు ఎక్కువగా వస్తున్నాయి కాబట్టి బిగ్ బాస్ ట్విస్ట్ ఇవ్వడానికి ఎక్కువగా యాంకర్ శివను హైలెట్ చేసే ప్రయత్నం అయితే చేస్తున్నాడు. అతను కొనసాగుతున్న విధానం కూడా షోలో హైలెట్ గా నిలుస్తోంది.

ఫైనల్స్ వరకు ఎవరు?

యాంకర్ శివ అయితే టాప్ ఫైవ్ లో ఉంటాడు అనే ఇప్పటికే ఒక క్లారిటీ వచ్చేసింది. అతను బిగ్ బాస్ టైటిల్ గె లవకపోవచ్చు కానీ కనీసం రన్నరప్ గా నిలిచే అర్హత ఉందని ఊహాగానాలు కూడా వస్తున్నాయి. అయితే అఖిల్ హడావిడి చూస్తూ ఉంటే అతను ఫైనల్స్ వరకు వచ్చే లా ఉన్నాడు అనిపిస్తోంది. అతనితోపాటు బిందుమాధవి బలమైన ప్రత్యర్థిగా జనాల ఓట్లతో ముందుకు సాగుతోంది.

అతను గెలిస్తే..

బగ్ బాస్ సీజన్ ఫైవ్ లో సన్నీ విజేతగా నిలుస్తారు అని ఎవరూ ఊహించలేదు. ఇక ఇప్పుడు యాంకర్ శివ కూడా అతని తరహాలోనే ట్రాక్ లోకి రావచ్చు అని అర్థమవుతోంది. ఒకవేళ అతను విజేతగా నిలిచిన బిందుమాధవి గెలవకపోయినా కూడా అందులో పెద్దగా అనుమానాలు రావు. కానీ అఖిల్ గెలిస్తే మాత్రం భారీ స్థాయిలో బిందుమాధవి అభిమానుల నుంచి వ్యతిరేకత రాకుండా ఉండదు. ఏదేమైనా బిగ్ బాస్ మాత్రం ఈసారి విజేత విషయంలో అతిపెద్ద ఛాలెంజ్ ను ఎదుర్కోబోతున్నట్లు. మరి రాబోయే రోజుల్లో ఎలాంటి ప్లాన్స్ వేసి కంటెస్టెంట్స్ ను హైలెట్ చేస్తారో చూడాలి.