Don't Miss!
- Sports IPL 2024: అప్పుడు కావ్య పాపను చూసి నవ్వుకున్నారు.. ఇప్పుడు ఆమె నవ్వుతోంది!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- News బీఆర్ఎస్కు బిగ్ షాక్.. కాంగ్రెస్ తీర్ధం పుచ్చుకున్న వరంగల్ నగర మేయర్ గుండు సుధారాణి
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అభిజిత్కు తలకిందులుగా బిగ్బాస్ శిక్ష.. ఇంటిలో రాంగోపాల్ వర్మ సినిమా
బిగ్బాస్ ఇంటిలో 81వ రోజు లగ్జరీ బడ్జెట్ కోసం టాస్క్ కొనసాగింది. ఇంటిలో హౌస్లో దెయ్యం.. హౌస్మేట్స్లో ఎవరికి భయం అనే గేమ్ను 80వ రోజు నుంచి కొనసాగిస్తున్న సంగతి తెలిసిందే. ఈ గేమ్లో రెండు, మూడు రకాల గేమ్స్ ఆడించారు. సాంగ్స్ అండ్ డ్యాన్స్ ను కొనసాగిస్తూ టాస్క్ను ముందుకు తీసుకెళ్లాడు. ఇంటిలో ఇంకా ఏం జరిగిందంటే...
మిర్చి పాటకు జోష్గా డ్యాన్స్
ఇంటి సభ్యులందరూ మిర్చి మూవీ టైటిల్ సాంగ్కు డ్యాన్స్ చేశారు. అనంతరం ఇంటి సభ్యులను ఇబ్బందులకు గురిచేసేందుకు జలజ అనే దెయ్యం ప్రయత్నిస్తున్నది. ఆ క్రమంలోనే ఇంటి సభ్యులందరీ ప్లేట్స్ను తీసేసుకొని అరటి ఆకులను పెట్టింది. ఇక ముందు చాలా రకాలు ఇబ్బందులు పెడుతానని చెప్పింది.
తలకిందులుగా అభిజిత్కు శిక్ష
ఇక ఇంటిలో ఇంగ్లీష్ భాష మాట్లాడినందుకు అభిజిత్కు పనిష్మెంట్ విధించారు. అరియానాతో అభిజిత్ ముచ్చటపెడుతుండగా.. బిగ్బాస్ హెచ్చరించాడు. మీరు తెలుగులో మాట్లాడండి అంటూ సూచించాడు. దాంతో జలజ తలకిందులుగా ఉండాలని వార్నింగ్ ఇచ్చింది. దాంతో అభిజిత్ తలకిందులుగా ఉండి అఆ నుంచి ఱ వరకు చదివి వినిపించాలని సూచించారు. ఈ శిక్షను అభిజిత్ తలకిందులుగా ఉండి చదవడంతో శిక్ష పూర్తయింది.
ఇంటి సభ్యులకు ఆర్జీవి సినిమా
టాస్క్లో భాగంగా ఇంటిలో రాంగోపాల్ వర్మ దర్శకత్వం వహించిన 12వ అంతస్తు సినిమాను కంటెస్టెంట్లకు చూపించారు. ఆ తర్వాత ఇంటి సభ్యులందరిని కన్ఫెషన్ రూమ్లో ఏర్పాటు చేసిన డ్రాకుల్లా డెన్లోకి ఒక్కొక్కరిని పిలిచారు. చీకటి గదిలో స్పూన్ను తీసుకోవాలని సూచించారు. ముందుగా అరియానా, అవినాష్ను పిలువగా భయంతో వణికిపోయారు. స్పూన్ తీసుకురాకుండానే బయటకు వచ్చేశారు.
Recommended Video
డ్రాకుల్లా డెన్లోకి ఇంటి సభ్యులు
ఆ తర్వాత మోనాల్ వెళ్లి స్పూన్ తీసుకొని వచ్చింది. మోనాల్ తర్వాత సోహెల్, అఖిల్ లోనికి వెళ్లారు. వారిని స్పెషల్ ఎఫెక్ట్స్తో భయపెట్టారు. వారు భయపడుతూనే స్పూన్స్ కోసం వెతికారు. చివరికు ఎలాగో అలా స్పూన్స్ తీసుకొని బయట పడ్డారు. ఆ తర్వాత తాము భయపడిన విషయాన్ని వీడియోలుగా బయటకు చూపించవద్దు అంటూ వేడుకొన్నారు.