For Quick Alerts
ALLOW NOTIFICATIONS  
For Daily Alerts

బిగ్ బాస్ షోలో... ఈ సారి స్వలింగ సంపర్కుడు? ఆయన సూచన మేరకే నిర్ణయం?

|

హిందీలో మొదలైన బిగ్ బాస్ రియాల్టీ షోకు మంచి పాపులారిటీ రావడంతో దీన్ని ఇతర ఇండియన్ బాషల్లోనూ మొదలు పెట్టిన సంగతి తెలిసిందే. ఈ షోలో వివిధ వయసుల వారు, భిన్నమైన మనస్తత్వం కలిగిన వారు భాగమై ఉంటారు. షోను రక్తి కట్టించడానికి పలు ఆసక్తికర మార్పులు చేస్తూ వస్తున్నారు నిర్వాహకులు. అందులో భాగంగానే లెస్పియన్లు, గే, బైసెక్సువల్స్, ట్రాన్స్ జెండర్స్(ఎల్.జి.బి.టి.క్యూ) కమ్యూనిటీకి చెందిన వారికి సైతం ఇందులో చోటు కల్పిస్తున్నారు. తమిళంలో కమల్ హాసన్ హోస్ట్ చేస్తున్న 'బిగ్ బాస్' షోలో కూడా ఇపుడు ఈ కమ్యూనిటీకి చెందిన వ్యక్తి ఎంటర్ కాబోతున్నట్లు తెలుస్తోంది. ఈ వార్త బయటకు రాగానే త్వరలో ప్రారంభం కాబోయే సీజన్ 3పై హైప్ ఒక్కసారిగా పెరిగింది.

కమల్ హాసన్ సూచన మేరకే..?

‘బిగ్ బాస్' రియాల్టీ షో కేవలం ఎంటర్టెన్మెంట్ మాత్రమే కాదు సోషల్ రెస్పాన్సిబిలిటీతో ఉండాలనే ఉద్దేశ్యంతో కమల్ హాసన్ సూచన మేరకు నిర్వాహకులు ఈ నిర్ణయం తీసుకున్నారట. ఈ షోలో అన్ని వర్గాల వారిని సమానంగా చూస్తున్నామనే సందేశం ప్రజల్లోకి పంపడంలో భాగంగానే ఈ సంచలన నిర్ణయం తీసుకున్నారట.

ప్రజల్లో తమ పట్ల ఉన్న వ్యతిరేకత తొలగించేందుకే...

లెస్పియన్లు, గే, బైసెక్సువల్స్, ట్రాన్స్ జెండర్స్ మీద ప్రజల్లో ఎన్నో తప్పుడు భావాలు, అపోహలు ఉన్నాయి. బిగ్ బాస్ షో ద్వారా ప్రజల్లో తమ పట్ల నెలకొన్న అపోహలను తొలగించడానికి సదరు కంటెస్టెంట్ ప్రయత్నం చేయబోతున్నారట. అయితే ఈ షోకు వస్తున్న ఆ వ్యక్తి ఎవరు? అనేది ఇంకా సస్పెన్స్‌గానే ఉంది.

ఇతర భాషల్లో ఇప్పటికే...

హిందీ, కన్నడ, మలయాళం భాషల్లో ప్రసారం అయిన బిగ్ బాస్ సీజన్లో ఇప్పటికే కొందరు ఎల్.జి.బి.టి.క్యూ కమ్యూనిటీకి చెందిన వ్యక్తులు కంటెస్టెంటుగా ఉన్నారు. బిగ్ బాస్ హిందీ షోలో తొలిసారిగా బాబీ డార్లింగ్ అనే ట్రాన్స్ జెండర్ పాల్గొన్నారు. ఆ తర్వాత కన్నడ, మలయాళంలో కూడా ఈ కమ్యూనిటీ నుంచి కంటెస్టెంట్లు ఎంపికయ్యారు.

ఎల్.జి.బి.టి.క్యూ కమ్యూనిటీ నుంచి బిగ్ బాస్‌లో ఇప్పటి వరకు...

ఎల్.జి.బి.టి.క్యూ కమ్యూనిటీ నుంచి హిందీ బిగ్ బాస్ సీజన్ 3లో రోహత్ వర్మ, సీజన్ 5లో లక్ష్మీ నారాయణ త్రిపాఠి, సీజన్ 6లో ఇమ్మాన్ సిద్ధిఖీ, సీజన్ 7లొ వివేక్ మిశ్రా, విజె ఆండీ, సీజన్ 8లో సుశాంత్ దగ్వికర్ తదితరులు పాల్గొనగా....కన్నడ బిగ్ బాస్ 6వ సీజన్లో ఆడం పాషా, మళయాలం సీజన్ 1లో అంజలి అమీర్ భాగం అయ్యారు.

కమల్ హాసన్ షోలో పాల్గొనేది ఎవరు?

కమల్ హాసన్ హోస్ట్ చేయబోతున్న ‘బిగ్ బాస్ సీజన్ 3'లో పాల్గొనబోయే కంటెస్టెంట్స్ ఎవరు? అనే విషయంలో రకరకాలు పుకార్లు వినిపిస్తూనే ఉన్నాయి. ప్రస్తుతం ప్రసన్న, జంగిరిర్ మధుమిత, పవర్ స్టార్ శ్రీనివాసన్, సంజన సింగ్, కోవై సరళ, ఆల్య మానస, రచిత మహాలక్ష్మి, యూట్యూబర్ హరి ఆర్ భాస్కర్ పేర్లు ప్రచారంలో ఉన్నాయి.

English summary
Inspiration from Bigg Boss in other languages, the Tamil version of the show is rumoured to have roped in a prominent name from the LGBTQ community. It is believed that the decision to rope in the person was taken based on Kamal Haasan's advice.
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more