నూతన్ నాయుడు దారిలో నోయల్ సీన్.. ‘బిగ్‌బాస్ తెలుగు’లో ఎంత మంది బయటకు వెళ్లి వచ్చారంటే

బిగ్‌బాస్ తెలుగు 1 షోలో ముమైత్ ఖాన్

బిగ్‌బాస్ తెలుగు సీజన్ 1 విషయానికి వస్తే.. అత్యంత ఆసక్తిగా షో కొనసాగుతున్న సమయంలో అప్పటి కంటెస్టెంట్ ముమైత్ ఖాన్‌‌ను డ్రగ్స్ రాకెట్ కేసు వెంటాడింది. డ్రగ్స్ కేసులో పలువురు సినీ ప్రముఖులను విచారించారు. ఆ క్రమంలో ముమైత్ ఖాన్‌ను కూడా పోలీసులు ప్రశ్నించాల్సిన పరిస్థితి ఏర్పడటంతో ఆమె ఒక రోజు బయటకు వెళ్లి విచారణకు హాజరయ్యారు.

కోర్టు కేసు కోసం సామ్రాట్‌ రెడ్డి

బిగ్‌బాస్ తెలుగు సీజన్ 2 సంబంధించి.. ఇద్దరు కంటెస్టెంట్లు గేమ్ మధ్యలో బయటకు వెళ్లి రావడం జరిగింది. కోర్టు కేసు కారణంగా సామ్రాట్‌ బయటకు వెళ్లాల్సిన పరిస్థితి ఏర్పడింది. ఒక రోజు బయటకు వెళ్లిన సామ్రాట్ కోర్టులో హాజరై తిరిగి బిగ్‌బాస్ ఇంటికి చేరుకొన్నారు.

భుజం నొప్పితో నూతన్ నాయుడు బయటకు

బిగ్‌బాస్ తెలుగు సీజన్ 2 లోనే నూతన్ నాయుడు వైద్య చికిత్స కోసం బయటకు వెళ్లి రావడం జరిగింది. సీజన్ 2లో ఓ టాస్క్ జరుగుతుండగా భుజానికి గాయం కావడంతో ఇంట్లోనే చికిత్స అందించారు. అయితే నొప్పి తగ్గకపోవడంతో మెరుగైన చికిత్స కోసం హాస్పిటల్‌కు తరలించారు. వైద్య పరీక్షల అనంతరం ఆయన మళ్లీ బిగ్‌బాస్ హౌస్‌కు తిరిగి వచ్చారు.

Recommended Video

Bigg Boss Telugu 4 : Abhijeet, Sohel Fight | Silver Coins Task Made Housemates Furious

సీజన్‌లో నోయల్ సీన్ అనారోగ్యంతో

ఇక తాజాగా నోయల్ సీన్‌కు ఆరోగ్య పరిస్థితి క్షీణించడంతో ఇంటి నుంచి బయటకు వెళ్లాల్సిన పరిస్థితి ఏర్పడింది. కండరాలకు సంబంధిన సమస్యతో బాధపడుతున్న నోయల్‌కు బిగ్‌బాస్ ఇంటిలోనే ప్రాథమికంగా చికిత్స అందించారు. అయితే ఆయన ఆరోగ్యం కుదుటపడకపోవడంతో ఇంటి నుంచి బయటకు పంపిస్తూ బిగ్‌బాస్ నిర్ణయం తీసుకొన్నాడు. సంపూర్ణ ఆరోగ్యంతో తిరిగి రావాలని ఆకాంక్షించారు. ఇంటి సభ్యులందరూ కలిసి గెట్ వెల్ సూన్ అంటూ విషెస్ అందించగా ఇంటి నుంచి బయటకు వచ్చారు.