బిగ్‌బాస్ తెలుగు 2 విజేత కౌశల్.. ఫైనల్‌‌లో ఉత్కంఠ.. రన్నరప్‌గా గీతా మాధురి

Updated: Sunday, September 30, 2018, 21:22 [IST]

టైటిల్ రేసులో కౌశల్, గీతా మాధురి

సామ్రాట్, దీప్తి, తనీష్ అవుట్ అయిన తర్వాత ఇంట్లో కౌశల్, గీతా మాధురి టైటిల్‌ పోరులో మిగిలారు. ఇంటిలో మిగిలి ఉన్న తనీష్, గీతా మాధురి వద్దకు వేదిక వద్ద నుంచి నాని ఇంటిలోనికి వెళ్లారు. ఆ తర్వాత వారితో ఇళ్లంతా కలియదిరిగి చూశారు. ఇంటిలోని బెడ్ రూమ్ ఇతర ప్రాంతాలను చూశారు. ఆ తర్వాత వారిని తీసుకొని ప్రధాన ద్వారం నుంచి వేదికపైకి వచ్చారు.

ముఖ్య అతిథిగా వెంకటేష్

వేదికపైన నిలిచిన ఆ ఇద్దరిలో ఎవరు విజేతగా నిలుస్తారనే అంశం ఉత్కంఠగా మారింది. 113 రోజులు సాగిన రియాలిటీ షో విజేతను ప్రకటించడానికి విక్టరీ వెంకటేష్ బిగ్‌బాస్ వేదికపైకి వచ్చారు. వెంకటేష్‌ను సాదరంగా నాని ఆహ్వనించారు. అనంతరం కౌశల్, గీతా మాధురికి అభినందనలు తెలిపారు.

ఇంట్రస్టింగ్‌గా వెంకటేష్ ఎంట్రీ

బిగ్‌బాస్ తెలుగు 2 ఫైనల్‌కు ముఖ్య అతిథిగా వెంకటేష్ రాక చాలా ఇంట్రస్టింగ్ ఉంది. విజేతను ప్రకటించడానికి నాని ప్రయత్నిస్తుండగా.. మొదట వెంకటేష్ గొంతు వినిపించింది. ఎవరు అని నాని ప్రశ్నించగా.. ఐదో తరగతిలో నీ ఫేవరేట్ సినిమా ఏంటి? అనగానే బొబ్బిలిరాజా.. ఆరో తరగతిలో ఫేవరేట్ ఏంటి అంటే కూలీ నంబర్ 1, ఏడో తరగతిలో క్షణక్షణం అని చెప్పిన నాని.. గ్రాండ్ వెల్‌కమ్ అంటూ వెంకటేష్‌కు నాని స్వాగతం పలికారు.

విజేతగా కౌశల్‌ను ప్రకటించిన వెంకటేష్

విజేతను ప్రకటించమని అడుగగా.. వెంకటేష్ బిగ్‌బాస్‌లో నాని జర్నీని చూపించమని అడిగాడు. దాంతో బిగ్‌బాస్ తెలుగు 2లో నాని లైఫ్ జర్నీ చూపించారు. చాలా ఉద్వేగభరితంగా వీడియో సాగింది. అనంతరం నాని విజేతన ప్రకటించడానికి ట్రై చేసి నాతో కాదు అని వెళ్లిపోగా.. వెంకటేష్ వచ్చి విజేతను ప్రకటించారు. కౌశల్ చేయిని పైకి ఎత్తి విజేత అని ప్రకటించడానికి ప్రయత్ని కదరదు అని అన్నారు. నాని టీవీలో విజేతను ప్రకటించడంతో కౌశల్ ఉద్వేగాని గురయ్యాడు. అనంతరం ఆడియెన్స్‌లోకి వెళ్లి తండ్రిని కౌగిలించుకొని ఆనందంలో మునిగిపోయాడు.

రన్నరప్‌గా గీతా మాధురి

కౌశల్‌ను విజేతగా ప్రకటించడంతో గీతా మాధురి బిగ్ బాస్ సీజన్ 2 రన్నరప్‌గా నిలిచింది. రన్నరప్‌గా నిలిచిన తర్వాత గీతా మాధురి లైఫ్ జర్నీని చూపించారు. అప్పుడు ఆమె ఎమోషనల్‌గా మారింది.

క్యాన్సర్‌ రోగులకు 50 లక్షల విరాళం

హైదరాబాద్‌లో జీరోతో అడుగుపెట్టాను. అంచెలంచెలుగా ఎదుగుతూ బిగ్‌బాస్ విజేతగా నిలిచాను. ప్రేక్షకులకు ముందుగా నేను థ్యాంక్స్ చెప్పుకొంటాను. నాకు లభించిన 50 లక్షల పారితోషికాన్ని మా అమ్మ ఫౌండేషన్‌కు విరాళంగా ఇస్తాను. మా అమ్మ క్యాన్సర్‌తో మరణించారు. క్యాన్సర్ వ్యాధితో ఏ తల్లి బాధకుండా ఈ డబ్బును ఉపయోగిస్తాను అని కౌశల్ తెలిపారు.

హౌస్‌మేట్స్ కసిని పెంచారు.

నాను విజేతగా నిలువడానికి ప్రధాన కారణం నా తోటి సెలబ్రిటీలు. వాళ్లు నాకు గట్టిపోటి ఇవ్వకపోతే నాకు నాలో ఇంత కసి పెరిగేది కాదు. వాళ్లందరూ నాలో కసిని పెంచడంతోనే విజేతగా నిలువాలని మరింత ప్రయత్నించాను.