Don't Miss!
- Finance Stock Market: యూఎస్ మార్కెట్ల దారిలో ఇండియన్ మార్కెట్లు.. లాభాల్లోనే ప్రయాణం..
- News చంద్రబాబు పై చర్యలకు ఈసీకి సీఈవో సిఫార్సు..!!
- Sports Sachin Tendulkar: కన్నీటిని ఆపుకుంటూ సెంచరీ!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బిగ్ బాస్ తెలుగు 3: హోస్ట్ చేసేది ఆయనే, ప్రోమోస్ చిత్రీకరిస్తున్నారు
బిగ్బాస్ రియాల్టీ షో తెలుగులో కూడా సూపర్ హిట్ అయిన సంగతి తెలిసిందే. మొదటి సీజన్ 2017లో మొదలవ్వగా యంగ్ టైగర్ ఎన్టీఆర్ హోస్ట్ చేశారు. అప్పటి వరకు తెలుగు వారికి పరిచయం లేని కొత్త తరహా షో కావడం, ఆడియన్స్ ఆసక్తికి ఎన్టీఆర్ స్టార్ ఇమేజ్ తోడవ్వడంతో హయ్యెస్ట్ రేటింగ్స్ సాధించి సంచలనం క్రియేట్ చేసింది.
సినిమా షూటింగుల్లో బిజీగా ఉండటం వల్ల యంగ్ టైగర్ రెండో సీజన్ హోస్ట్ చేయలేక పోయారు. దీంతో నిర్వాహకులు నేచురల్ స్టార్ నానిని రంగంలోకి దింపారు. ఎన్టీఆర్ స్థాయిలో కాకపోయినా తనదైన శైలిలో బిగ్ బాస్ 2ను రక్తికట్టించాడు. నాని కూడా సినిమా షూటింగ్స్ బిజీ వల్ల మూడో సీజన్ హోస్ట్ చేయడానికి ముందుకు రాలేదు.
మూడో సీజన్ హోస్ట్ చేసేది ఎవరు? అనే అంశంపై ఇంకా ఉత్కంఠ కొనసాగుతూనే ఉంది. ఈసారి షోను హోస్ట్ చేసేది అక్కినేని నాగార్జున అనే ప్రచారం కొంతకాలంగా జరుగుతోంది. గతంలో నాగార్జున 'మీలో ఎవరు కోటీశ్వరుడు'ను విజయవంతంగా చేసిన నేపథ్యంలో బిగ్ బాస్ మూడో సీజన్కు ఆయన్నే ఎంపిక చేశారట.
ఈ వార్తలకు బలం చేకూరుస్తూ తాజాగా మరో న్యూస్ తెరపైకి వచ్చింది. ప్రస్తుతం నాగ్... 'బిగ్ బాస్ తెలుగు 3' ప్రోమో చితీకరణలో పాల్గొంటున్నట్లు తెలుస్తోంది. ఈ ప్రోమో విడుదల చేయడం ద్వారా ఈ షోను హోస్ట్ చేసేది నాగార్జున అనే విషయాన్ని అఫీషియల్గా వెల్లడించబోతున్నారట.
'బిగ్ బాస్ తెలుగు 3'కి సంబంధించిన అఫీషియల్ లోగో ఇటీవలే విడుదల చేశారు. ప్రారంభం అయ్యేది ఎప్పుడనే విషయం మాత్రం బయట పెట్టలేదు. జూలై 21 నుంచి మొదలయ్యే అవకాశం ఉందనే ప్రచారం జరుగుతోంది. నాగార్జునను హోస్ట్గా అనౌన్స్ చేసిన తర్వాత ప్రారంభ తేదీతో పాటు ఎన్ని రోజుల పాటు ఈషో సాగుతుందనే విషయం వెల్లడించనున్నారట.