7వ వారం బిగ్ బాస్ 3 ఎలిమినేషన్ మ్యాటర్ లీక్... అతడే అయితే శ్రీముఖికి షాకే!

డేంజర్ జోన్లో నలుగురు

రాహుల్ సిప్లిగంజ్ సేవ్ అవ్వడంతో అలీ రెజా, రవికృష్ణ, శ్రీముఖి, మహేష్ విట్టా డేంజర్ జోన్లోనే ఉండిపోయారు. వీరిలో ఒకరు తప్పనిసరిగా ఎలిమినేట్ అవ్వాల్సి ఉంది. ఆదివారం రాత్రి జరిగే షోలో ఎలిమినేట్ అయ్యేది ఎవరు? అనే విషయంపై క్లారిటీ రానుంది.

మ్యాటర్ ముందే లీకైందా? 7వ వారం బిగ్ బాస్ 3 నుంచి బయటకు వచ్చేది అతడేనా?

ఈ వారం బిగ్ బాస్ హౌస్ నుంచి ఎలిమినేట్ అయ్యేది అతడే అంటూ.... అలీ రెజా పేరు బలంగా వినిపిస్తోంది. షోలో తన సిక్స్ ప్యాక్ బాడీ ప్రదర్శించడంతో పాటు గత కొన్ని రోజులుగా ఇంట్లో తన ప్రత్యేకతను చాటుకుంటూ వచ్చిన అలీ రెజాకు... ఈవారం ఆశించిన స్థాయిలో ఓట్లు పడలేదని తెలుస్తోంది.

నాగార్జున గతంలోనే వార్నింగ్ ఇచ్చాడు

బిగ్ బాస్ ఇచ్చే టాస్కులు చేస్తున్న సమయంలో అలీ రెజా పలు సందర్భాల్లో తన సహనాన్ని కోల్పోయి.... రాష్‌గా, ఆగ్రహంగా ప్రవర్తించిన సందర్భాలు అనేకం ఉన్నాయి. ఈ క్రమంలో ఓసారి ఆయనకు నాగార్జున కూడా వార్నింగ్ ఇచ్చిన సంగతి లెలిసిందే.

అతడే అయితే శ్రీముఖికి షాకే!

బిగ్ బాస్ హౌస్‌లో అలీ రెజా, శ్రీముఖి చాలా క్లోజ్‌గా ఉంటున్న సంగతి తెలిసిందే. శ్రీముఖికి అత్యంత నమ్మకస్తుడిగా, అన్ని విషయాల్లోనూ ఆమెకు హెల్ప్‌గా చేస్తూ కనిపించాడు. ఒక వేళ అలీ రెజా ఎలిమినేషన్ నిజమే అయితే శ్రీముఖి షాకవ్వడం ఖాయం.

మహేష్ విట్టా

అయితే కొన్ని ఆన్ లైన్, సోషల్ మీడియా సర్వేల్లో మహేష్ విట్టాకు తక్కువ ఓట్లు పడటం గమనార్హం. ఎలిమినేషన్ ఛాన్స్ ఇతడికి కూడా ఉందనే వాదన వినిపిస్తోంది. మరి అలీ రెజా, మహేష్ విట్టాలో ఎలిమినేట్ అయ్యేది ఎవరో తెలియాలంటే ఆదివారం రాత్రి ప్రసారం అయ్యే షో చూడాల్సిందే.