Don't Miss!
- Sports SRH vs RCB: చరిత్ర సృష్టించిన విరాట్ కోహ్లీ!
- News ఐటీ హబ్ లో హైఅలర్ట్, దెబ్బకు అన్ని కంపెనీలకు సెలవు, ఓటు సరే పెళ్లామ్ తో జంప్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బిగ్బాస్కు రేటింగ్ షాకింగ్గా.. డైలీ సీరియల్స్ కంటే దారుణంగా.. ప్రసార వేళల మార్పు!
బిగ్బాస్ తెలుగు 4 రియాలిటీ షో ప్రేక్షకులను ఆకట్టుకోలేకపోతున్నదనే విషయం అందరి నోట నానుతున్న సంగతి తెలిసిందే. తాజాగా షో ప్రసారమయ్యే వేళలు మార్చడంతో ఆ వాదనకు మరింత బలం చేకూరుతున్నది. బిగ్బాస్ ప్రసారమయ్యే వేళల మార్పు ఇప్పుడు తెలుగు టెలివిజన్ రంగంలో చర్చనీయాంశమైంది. బిగ్బాస్ షో వేళలను ఎందుకు మార్చాల్సి వచ్చిందనే విషయంపై క్లారిటీ ఇవ్వకపోవడం ఇప్పుడు మరింత ఆసక్తికరంగా మారింది. ఈ వివరాల్లోకి వెళితే..
ప్రేక్షకాదరణ లేని సెలబ్రిటీలతో
బిగ్బాస్ తెలుగు షో 4 విషయానికి వస్తే.. గత సీజన్లతో పోల్చుకొంటే నిస్తేజంగా సాగుతున్నది. కరోనావైరస్ కారణంగా ఫిజికల్ టాస్కులను తగ్గించడం, అలాగే పాపులారిటీ ఉన్న సెలబ్రిటీలు లేకపోవడం దెబ్బ కొట్టింది. ప్రస్తు సీజన్లో టెలివిజన్ రంగంలోని ఔత్సాహికులు, యూట్యూబ్ స్టార్లను తెరపైకి తీసుకురావడంతో ప్రేక్షకులు పెదవి విరిచారు.
వారం రోజులు డల్గా.. వీకెండ్లో టాప్గా
గత బిగ్బాస్ సీజన్లను పరిశీలిస్తే.. వారం రోజులపాటు సాగే ఎపిసోడ్లకు అనూహ్యమైన స్పందన కనిపించింది. బలమైన సెలబ్రిటీలు ఉండటమే అందుకు కారణం కారణమైంది. అయితే బిగ్బాస్ తెలుగు 4 విషయానికి వస్తే.. వారం రోజులపాటు సాగే ఎపిసోడ్స్కు రేటింగ్ దారుణంగా నమోదు అవుతున్నది. అయితే వీకెండ్లో నాగార్జున హోస్ట్గా వ్యవహరించే ఎపిసోడ్స్కు మంచి రేటింగ్ రావడం కొంత ఉపశమనంగా మారిందనేది తాజా సమాచారం.
కార్తీకదీపం కంటే తక్కువగా రేటింగ్
ఇక బిగ్బాస్ రేటింగ్ విషయానికి వస్తే అత్యంత ప్రేక్షకాదరణ ఉన్న కార్తీకదీపం సీరియల్తో పోటీ పడలేకపోతుందనే విషయం తాజా గణాంకాల్లో స్పష్టమైంది. కార్తీకదీపం కంటే తక్కువ రేటింగ్ రావడంతో బిగ్బాస్ షో ప్రసార వేళలను మార్చేందుకు సిద్ధమైనట్టు తెలిసింది.
బిగ్బాస్ ప్రసార వేళల మార్పు
ప్రతీ రోజు 9.30 గంటలకు ప్రసారమమయ్యే బిగ్బాస్ తెలుగు 4ను రాత్రి 10 గంటలకు షిఫ్ట్ చేసి.. దాని స్థానంలో వదినమ్మ సీరియల్స్ను తెరపైకి తెచ్చారు. ఇక వదినమ్మ ప్రసారమయ్యే 7 గంటల స్లాట్లో కొత్త సీరియల్ను ప్లేస్ చేస్తున్నాట్టు నిర్వాహకులు అధికారికంగా వెల్లడించారు.
Recommended Video
10 గంటల తర్వాత ప్రసారమైతే..
ఇప్పటికే అరకొర రేటింగ్తో ముందుకెళ్తున్న బిగ్బాస్ తెలుగు 4కు సంబంధించి వేళలు మార్చడంతో ఎలాంటి ప్రభావం చూపుతుందో అనే విషయం ఇప్పుడు చర్చనీయాంశమైంది. 10 గంటల తర్వాత ప్రసారమయ్యే ఈ షోను ప్రేక్షకులు ఆదరిస్తారా అనే విషయాన్ని వేచి చూడాల్సిందే.