అంతా తిరిగి ఇచ్చేస్తాను.. ఎమోషనల్‌గా బిగ్‌బాస్ విజేత.. సాంట్లా క్లాజ్‌గా మారిన అభిజిత్

సాంటా క్లాజ్‌గా అభిజిత్

గత నాలుగైదు రోజులుగా ఎడతెరిపి లేకుండా అభిజిత్ మీడియాతో ఇంటారాక్ట్ అవుతున్నారు. పలు టీవీ, యూట్యూబ్ ఛానెల్స్‌కు ఇంటర్వ్యూలతో బిజీగా మారిపోయారు. అయితే క్రిస్మస్ పండుగను పురస్కరించుకొని అభిజిత్ సాంటా క్లాజ్‌గా మారిపోయారు. నగరంలోని పలు ప్రాంతాల్లో ప్రజలను కలుసుకొని తన ప్రేమను పంచుకొంటూ బహుమతులను అందించారు.

క్రిస్మస్ పండుగ రోజున వీధుల్లోకి

క్రిస్మస్ రోజున ఉదయమే వీధుల్లోకి వెళ్లి పండుగ ఘనంగా జరుపుకొన్నారు. చిన్న పిల్లలకు ప్రేమను పంచుతూ క్రిస్మస్ వేడుకల్లో పాల్గొన్నారు. తనకు తాను సాంటా అభి అంటూ ఉత్సాహంతో ముందుకుపోయారు. బాలలు, వృద్ధులు, ట్రాఫిక్ పోలీసులతో కరచాలనం చేస్తూ ప్రజలపై అభిమానాన్ని చాటుకొన్నారు.

నాపై ఎనలేని ప్రేమను కురిపిస్తున్నారు

తన అభిమానుల గురించి అభిజిత్ మాట్లాడుతూ.. బిగ్‌బాస్‌లో ఉన్నప్పుడు నాపై ఎంతో ప్రేమను కురిపించారు. వెలకట్టలేని అభిమానాన్ని పంచారు. వారికి నేను ఏదో రూపంలో తిరిగి ఇవ్వాలనుకొంటున్నాను. అందుకే కేబీఆర్ పార్కులో వద్ద సాంటా డ్రస్ వేసుకొని ప్రజలను కలుసుకొన్నాను. వీధి బాలలు, తోపుడు బండ్ల మీద అమ్ముకొనే చిన్న వ్యాపారులను, పోలీసులను కలిశాను అని అభిజిత్ తెలిపారు.

ప్రకృతి విలువ తెలిసి వచ్చింది

కోవిడ్ 19 వల్ల ప్రకృతి విలువ, ప్రాముఖ్యత తెలిసి వచ్చింది. భూమాతకు జరుగుతున్న నష్టం అందరు తెలుసుకొంటున్నారు. అందుకే మొక్కలను, సీడ్స్‌ను పంచుతూ వ‌ృక్ష రక్షణ గురించి అవగాహన కల్పించాలనుకొంటున్నాను.

అనాధ పిల్లలతో బిగ్‌బాస్ విజేత

క్రిస్మస్ పండుగను పురస్కరించుకొని అనాధశరణాలయాలను సందర్శించాను. అక్కడి పిల్లలతో కలిసి వేడుకలు జరుపుకొన్నాను. వారికి బహుమతులు, చాక్లెట్లు, బాడ్మింటన్ రాకెట్స్, క్యారమ్ బోర్డులు, ఇతర ఆట వస్తువులను వారికి అందించాను అని అభిజిత్ తెలిపారు.