Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
బిగ్బాస్ విన్నర్ అభిజీత్కు స్టార్ హీరో బంపర్ ఆఫర్స్.. వరుసగా మూడు సినిమాలు!
బిగ్ బాస్ తెలుగు సీజన్ 4 టైటిల్ విన్నర్ గా నిలిచిన అభిజిత్ ఏ స్థాయిలో క్రేజ్ అందుకున్నాడో స్పెషల్ గా చెప్పనవసరం లేదు. గతంలో ఏ కంటెస్టెంట్ కూడా అందుకొని విధంగా 4వ సీజన్ లో అత్యదిక ఓట్లు కూడా సంపాదించాడు. కేవలం లైఫ్ ఈజ్ బ్యూటీఫుల్ ద్వారా వచ్చిన గుర్తింపుతో బిగ్ బాస్ వరకు వెళ్లిన ఈ కుర్రాడు విన్నర్ గా నిలుస్తాడాని ఎవరు ఉహీంచలేదు. ఇక బిగ్ బాస్ ముగిసి నెలలు గడుస్తున్నా సినిమాలకు సంబంధించిన అఫీషియల్ ఎనౌన్స్మెంట్ అయితే ఇవ్వలేదు. అయితే ఒక బడా ప్రొడక్షన్ హౌజ్ లో అభి మూడు సినిమాలకు కమిట్మెంట్స్ ఇచ్చినట్లు తెలుస్తోంది.
Recommended Video
తొందరపడకుండా..
బిగ్ బాస్ సీజన్ 4 తెలుగులో అందరికంటే ఎక్కువగా క్రేజ్ అందుకున్న అభి త్వరలోనే హీరోగా బిజీ కానున్నాడట. ఆఫర్స్ చాలానే వస్తున్నాయట. త్వరలోనే అప్డేట్స్ ఇవ్వబోతున్నాను అంటూ ఒక ప్రకటన కూడా చేశాడు. వీలైనంత వరకు తొందరపడకుండా బిగ్ బాస్ ద్వారా వచ్చిన ఫేమ్ ను కాపాడుకోవాలని అనుకుంటున్నాడు.
అందుకే చాలా జాగ్రత్తగా
అయితే ఇప్పటివరకు బిగ్ బాస్ ద్వారా విన్నర్ గా నిలిచిన కంటెస్టెంట్ సినీ కెరీర్ లో పెద్దగా సక్సెస్ అయ్యింది లేదు. కానీ అభిజిత్ కు దక్కిన రెస్పాన్స్ మామూలుగా లేదు. కరెక్ట్ గా రెండు సినిమాలు పడితే అతని స్థాయి మరో రేంజ్ కు వెళుతుంది. అందుకే చాలా జాగ్రత్తగా కథలను సెలెక్ట్ చేసుకుంటున్నట్లు సమాచారం.
యూ ట్యూబ్ ద్వారా..
బిగ్ బాస్ షో ముగిసిన తరువాత కొన్ని రోజుల వరకు అభిజిత్ గ్యాప్ లేకుండా వరుస ఇంటర్వ్యూలలో పాల్గొన్నాడు. ప్రస్తుతం ఉన్న కంటెస్టెంట్స్ ఎలాగైతే యూ ట్యూబ్ ఛానెల్స్ తో ఆడియెన్స్ కు రెగ్యులర్ గా టచ్ లో ఉంటున్నారో అలాగే అభిజిత్ కూడా వారానికో వీడియో పోస్ట్ చేస్తూ అభిమానులకు మరింత దగ్గరవుతున్నాడు. ఇటీవల ఫ్రీడమ్ అండ్ పులి కాన్సెప్ట్ లో ఫారెస్ట్ లో చక్కర్లు కొట్టిన వీడియో ఒకటి తన ఛానెల్ లో పోస్ట్ చేశాడు.
ఆ ప్రొడక్షన్ లో మూడు సినిమాలు
అయితే అభిజిత్ అక్కినేని వారి హోమ్ బ్యానర్ అన్నపూర్ణ ప్రొడక్షన్ హౌజ్ లోనే మూడు సినిమాలు చేయడానికి కమిట్మెంట్ ఇచ్చినట్లు తెలుస్తోంది. అభి కోసం నాగార్జున కూడా కథలు వింటున్నాడట. మీడియం బడ్జెట్ లో సినిమాలను నిర్మించి అభికి బ్రేక్ ఇవ్వాలని నాగార్జున ఆలోచిస్తున్నట్లు సమాచారం. మరి అభిజిత్ ఈ ప్రొడక్షన్ లో ఎలాంటి సినిమాలు చేస్తాడో చూడాలి.