Bigg Boss: ఆ అమ్మాయితో అక్కినేని నాగార్జున డేట్.. వామ్మో అందరి ముందే అలా అడిగేశాడేంటి!

గ్రాండ్‌గా మొదలు.. అంచనాలకు తగ్గట్లుగా

కరోనా ప్రభావం కారణంగా బిగ్ బాస్ ఐదో సీజన్ ఈ ఏడాది ఉండదన్న అనుమానాలు వ్యక్తం అయ్యాయి. ఇలాంటి పరిస్థితుల్లో గత ఆదివారం ఇది అంగరంగ వైభవంగా ప్రారంభం అయింది. గతంలో ఎన్నడూ లేని విధంగా ఈ సారి ఏకంగా 19 మంది కంటెస్టెంట్లు హౌస్‌లోకి ఎంట్రీ ఇచ్చారు. ఇక, ఆరంభంలోనే నామినేషన్స్ టాస్క్ ఉండడంతో ఆరోజు పలు గొడవలు జరిగాయి. ఆ తర్వాత అంటే ఈ వారం మొత్తం అలాంటి సంఘటనలే కనిపించడంతో ఆసక్తికరంగా సాగిందీ షో. దీంతో షోపై ప్రేక్షకులు పెట్టుకున్న అంచనాలకు అనుగుణంగా కంటెంట్ కనిపించింది.

Seetimaarr Day 1 collections: చరిత్ర సృష్టించిన గోపీచంద్.. ఇండియాలోనే ఫస్ట్ మూవీగా సంచలన రికార్డ్

గత వారంలో జరిగిన హైలైట్స్ ఏంటంటే?

బిగ్ బాస్ ఐదో సీజన్ మొదటి వారం ఎన్నో రకాల టాస్కులతో సందడిగా సాగింది. నామినేషన్స్ టాస్కులో ఆరుగురు ఎలిమినేషన్ జోన్‌లోకి వెళ్లారు. ఇక, ఇందులో జరిగిన మొట్టమొదటి కెప్టెన్సీ టాస్కులో సిరి హన్మంత్ విజయం సాధించింది. ఇక, ఈ వారం మొత్తం ఉత్తమ ప్రదర్శన కనబరిచిన కంటెస్టెంట్‌గా విశ్వ ఎంపికయ్యాడు. చెత్త ఆటగాడిగా జస్వంత్ పడాల పేరు రావడంతో అతడు జైలు పాలయ్యాడు. ఇక, ఈ వారం పలువురి మధ్య గొడవలు కూడా జరిగాయి. అలాగే, వినాయక చవితి పండుగ సందర్భంగా హౌస్‌లో కంటెస్టెంట్లు అందరూ పూజలు చేశారు.

వీకెండ్ ఎపిసోడ్‌ స్పెషల్.. నాగార్జున రచ్చ

బిగ్ బాస్ ఐదో సీజన్ ప్రారంభమై అప్పుడే వారం రోజులు గడిచిపోయింది. దీంతో శనివారం సాయంత్రం అక్కినేని నాగార్జున హోస్టింగ్‌తో వీకెండ్ ఎపిసోడ్ సందడిగా సాగింది. ఆరంభంలోనే అదిరిపోయే పాటకు అమ్మాయిలతో కలిసి డ్యాన్స్ చేసిన ఆయన.. ఆ తర్వాత కంటెస్టెంట్లను తిట్టనని చెప్పేశాడు. అందుకు అనుగుణంగానే హౌస్‌లో జరిగిన గొడవలను ఏమాత్రం ప్రస్తావించకుండా అందరితో చక్కగా మాట్లాడారు. దీంతో అప్పటి వరకూ భయం భయంగా ఉన్న కొందరు కంటెస్టెంట్లు నాగార్జున వ్యవహరించిన తీరుతో జాలీ మూడ్‌లోకి వచ్చేశారు.

ఆ పొరపాటు చేయడం వల్లే సాయి ధరమ్ తేజ్‌కు యాక్సిడెంట్.. ఈ వీడియో చూస్తే మీకే తెలుస్తుంది!

బోల్డు బ్యూటీ తీరుపై నాగార్జున అసహనం

తొలిసారి బిగ్ బాస్ సీజన్‌లో ఒకేసారి 19 మంది కంటెస్టెంట్లు హౌస్‌లోకి ఎంట్రీ ఇచ్చారు. ఇందులో చాలా మంది ప్రేక్షకులకు సుపరిచితులు అయిన వారే ఉన్నారు. మరీ ముఖ్యంగా సోషల్ మీడియాలో హవాను చూపిస్తోన్న పలువురు సెలెబ్రిటీలు సైతం ఈ సీజన్‌లో అడుగు పెట్టారు. అలాంటి వారిలో బోల్డు బ్యూటీ సరయు. సెవెన్ ఆర్ట్స్ అనే యూట్యూబ్ ఛానెల్ ద్వారా అడల్ట్ కామెడీతో వీడియోలు రూపొందించే ఈ బ్యూటీ.. బూతులతో రచ్చ రచ్చ చేస్తుంటుంది. ఇప్పుడు బిగ్ బాస్ హౌస్‌లో ఈమె వ్యవహరించే తీరుపై తాజాగా నాగార్జున అసహనం వ్యక్తం చేశాడు.

అందరి ముందే అలా అడిగి షాకిచ్చాడుగా

కంటెస్టెంట్‌గా హౌస్‌లోకి ఎంట్రీ ఇచ్చిన సమయంలో సరయు మింగేస్తా అదీ ఇదీ అంటూ డబుల్ మీనింగ్ డైలాగులు వదిలింది. దీంతో నాగార్జున ఎంతో మురిసిపోయాడు. ఈ క్రమంలోనే తాజాగా జరిగిన వీకెండ్ ఎపిసోడ్‌లో అందరితో మాట్లాడిన నాగార్జున.. సరయుతో కొంచెం స్పెషల్‌గా చాట్ చేశాడు. ఈ క్రమంలోనే ఆమెను ఉద్దేశించి 'ఏంటమ్మా సరయూ.. నువ్వు హౌస్‌లో బూతులు మాట్లాడడం లేదేంటి' అని అడిగి షాకిచ్చాడు. దీంతో ఆమె 'మీరు తిడతారని భయంతో మాట్లాడట్లేదు సార్' అంది. అప్పుడాయన 'నువ్వు నీలా ఉండమ్మా' అని చెప్పాడు.

Bigg Boss: నాగార్జున పేరును వాడుతూ జస్వంత్ కామెంట్స్.. పాపం ఆ పని చేసి బుక్కైపోయాడుగా!

బోల్డు బ్యూటీతో నాగార్జున డేట్.. అలా చెప్పి

బూతుల గురించి నాగార్జునతో మాట్లాడుతోన్న సమయంలోనే సరయు ఎవరూ ఊహించని విధంగా రియాక్ట్ అయింది. అప్పుడామె 'మీరు నన్ను బూతులు మాట్లాడమంటున్నారు కదా.. నన్ను మీతో డేట్‌కు తీసుకెళ్తానంటే బూతులు మొదలు పెడతా' అంటూ షాకింగ్‌గా మాట్లాడింది. దీనికి అదే విధంగా నాగార్జున స్పందిస్తూ 'నిన్ను డేట్‌కి తీసుకుని వెళ్లాలంటే ముందు బయటకు రావాలి కదా' అన్నాడు. అప్పుడామె.. 'ఇప్పుడు కాదు సార్.. వంద రోజుల తర్వాత బయటకు వస్తాను కదా. అప్పుడు వెళ్దాం' అంది. దీనికి నాగార్జున అందరి ముందే ఓకే అనేయడం విశేషం.

Recommended Video

Bigg Boss Telugu 5 Episode 7 Analysis..RJ Kajal the ultimate target for housemates

నాగార్జున తీరుపై విమర్శలు.. సరయు పైనా

సరయును బూతులు మాట్లాడమంటూ నిన్నటి ఎపిసోడ్‌లో అక్కినేని నాగార్జున కోరడం పెద్ద హాట్ టాపిక్ అయిపోయింది. ఇప్పటికే బిగ్ బాస్ షోను బూతు షో అన్న కామెంట్లు వ్యక్తం అవుతోన్న సమయంలో ఇప్పుడాయన బూతులు మాట్లాడమని ఓ అమ్మాయితో అనడంపై విమర్శలు వ్యక్తం అవుతున్నాయి. అలాగే, అందరి ముందే అరవై ఏళ్ల నాగార్జునను డేట్‌కు తీసుకెళ్లమన్న సరయును కూడా నెటిజన్లు తెగ ట్రోల్ చేస్తున్నారు. దీంతో శనివారం ఎపిసోడ్‌లో వీళ్లిద్దరూ వ్యవహరించిన తీరుపై కొందరు ఔత్సాహికులు మీమ్స్ కూడా క్రియేట్ చేసి షేర్ చేస్తున్నారు.