Jaswanth Padala in Bigg Boss Telugu5 : ఎవరీ జస్వంత్ పడాల? మోడలింగ్ తో గిన్నిస్ రికార్డ్!

ఎవరీ జస్వంత్ పడాల?

జస్వంత్ పడాల తెలుగు బ్యాక్ గ్రౌండ్ ఉన్న ప్రముఖ ఫ్యాషన్ మోడల్ మరియు నటుడు. జస్వంత్ పడాల ఆగష్టు 28, 1993 నాడు విజయవాడ, ఆంధ్ర ప్రదేశ్ లో జన్మించాడు. 2015 లో, ఊహించని విధంగా, బెంగళూరులో ఒక చిన్న ప్రదర్శనతో జస్వంత్ మోడలింగ్ ప్రారంభించాడు. ఆ సమయంలో, ర్యాంప్‌పై అతని పెర్ఫార్మెన్స్ కోసం మంచి ప్రశంసలు అందుకున్నాడు. ఆ ప్రసంశలు ఇచ్చిన ఇన్స్పిరేషన్ తో అతను మోడలింగ్ ప్రారంభించాడు.

హైదరాబాద్ మిలింద్ సోమన్

అలా కెరీర్ మొదలు పెట్టిన ఆయన దక్షిణ భారతదేశం అంతటా మోడలింగ్‌లో వివిధ పోటీలలో పాల్గొన్నాడు మరియు మిస్టర్ ఏపీ ట్రెడిషనల్ ఐకాన్ 2017, మోడల్ హంట్ సీజన్ 2 విజేతగా, అత్యంత ప్రజాదరణ పొందిన సూపర్ మోడల్ ఇండియా 2018 వంటి అనేక అవార్డులు గెలుచుకున్నారు. అతడిని హైదరాబాద్ మిలింద్ సోమన్ అని కూడా అంటారు.

'ఎంత మంచివాడవురా'

ఇక 2019 లో, చెన్నైలోని డ్రీమ్‌జోన్ స్కూల్ ఆఫ్ క్రియేటివ్ స్టడీస్ (ఇండియా) ద్వారా గిన్నిస్ వరల్డ్ రికార్డ్ కోసం ఒకే నిరంతర ఫ్యాషన్ షోలో 200 కంటే ఎక్కువ మోడళ్లకు అతను కొరియోగ్రఫీ చేశారు. 2017 లో, జశ్వంత్ తెలుగు టెలివిజన్ పరిశ్రమలో 'సప్త మాత్రిక' సీరియల్‌ తో తొలిసారిగా నటించారు. అతను తదుపరి 'ఎంత మంచివాడవురా' మూవీ 2020తో టాలీవుడ్‌లోకి అడుగుపెట్టాడు. ఇక ప్రస్తుతానికి అయితే జస్వంత్ పడాల సింగిల్ ఏ, అతనికి ఒక సోదరి ఉన్నారు, ఆమె పేరు శ్రీ వాణి.

గిన్నిస్ రికార్డ్ కూడా

ఇక ఇటీవల విడుదలైన పాగల్ అనే సినిమా నుంచి ఈ సింగిల్ చిన్నోడు అనే పాటతో జశ్వంత్ ఎంట్రీ ఇచ్చాడు. డాన్స్ తో అలరించిన జశ్వంత్ గురించి నాగార్జున కొన్ని విషయాలు పంచుకున్నారు. జశ్వంత్ సూపర్ మోడల్ ఇండియా విన్నర్ అని చెబుతూనే ప్రశంసలు కురిపించారు. అయితే తాను 36 గంటల పాటు ఒక ఈవెంట్ కొరియోగ్రాఫ్ చేసి దాని ద్వారా గిన్నిస్ రికార్డ్ కూడా ట్రై చేశానని జస్వంత్ చెప్పుకొచ్చాడు.

నాగార్జున అనుమానాలు తీర్చి

అలాగే నాగార్జున మోడలింగ్ విషయంలో కొన్ని అనుమానాలు ఉంటే అవి కూడా నివృత్తి చేశారు. మోడల్ ముఖం ఎందుకు అలా ఎలాంటి ఫీలింగ్స్ లేకుండా ఉంటుంది అంటే, అలా ఒక బొమ్మలానే ఉండాలని ఆయన చెప్పుకొచ్చాడు. ఇక అలా ఎనిమిదవ కంటెస్టెంట్ గా జశ్వంత్ పడాల హౌస్ లోపలికి అడుగుపెట్టాడు. మరి జశ్వంత్ బిగ్ బాస్ జర్నీ ఎంత వరకు సాగుతుంది ? జశ్వంత్ పడాల ఏ మేరకు విజయం సాధిస్తాడు అనేది వేచి చూడాల్సి ఉంది.