హద్దులు దాటుతున్న ఆనీ మాస్టర్ కు నాగ్ చురకలు.. ఎలిమినేషన్ పై ముందే హింట్ ఇచ్చారుగా!

ఒంటరిగానే పోరాడాలి

బిగ్ బాస్ హౌస్ లోకి అడుగు పెట్టిన అనంతరం పరిస్థితి ఎలా మారుతున్నా కూడా సోలోగానే ఫైట్ చేయాల్సి ఉంటుంది. గ్రూప్ రాజకీయాలు ఎత్తులు మోసాలు చాలానే ఉంటాయి. ఇక వాతావరణం ఎలా ఉన్నా కూడా ఒంటరిగానే పోరాడాలి అని గతంలో చాలామంది కంటెస్టెంట్స్ నిరూపించారు. ఆ విషయంలో కౌషల్ మండా అప్పట్లో భారీ స్థాయిలో క్రేజ్ అందుకున్నాడు. అయితే మొదట్లో ఆనీ మాస్టర్ కూడా అదే తరహాలో కొనసాగుతుందని అందరూ అనుకున్నారు.

మంచితనం పనికి రాదు

ఆనీ మాస్టర్ ఇంట్లోకి అడుగు పెట్టినప్పటి నుంచి కూడా ఆమె ప్రవర్తిస్తున్న విధానం చాలా విబిన్నంగా ఉంటోంది. కొన్నిసార్లు మానవత్వంతోనే ఆలోచించింది. అయితే అన్నిసార్లు కూడా బిగ్ బాస్ లో మంచితనం పనికి రాదు. వీలైనంత వరకు తెలివిగా మోసాలు చేస్తేనే సక్సెస్ అవుతారు. అదే బిగ్ బాస్ లోని అసలు ఆట. అయితే విలన్ గా అయినా ఉండాలి.. లేదంటే హీరోగా అయినా ఉండాలి. రెండిట్లో ఎదో ఒక దారిని సెలెక్ట్ చేసుకుంటేనే బిగ్ బాస్ లో నిలదొక్కుకునేందుకు అవకాశం ఉంటుంది.

రెండు వైపులా కాకుండా

అయితే ఆనీ మాస్టర్ మాత్రం రెండు వైపులా కాకుండా కాస్త పిచ్చిగా ప్రవర్తించడం ఎవరికి నచ్చడం లేదు. అసలు ఎవరిని ఎందుకు వెక్కిరిస్తుందనే విషయం అమేకైనా తెలుసా లేదా అనే కామెంట్స్ వస్తున్నాయి. గతంలో సన్నీని కావాలని రెచ్చగొట్టింది. ఇక కాజల్ ను కూడా మరోసారి దొంగాట అంటూ వెక్కిరిచింది. బిగ్ బాస్ లో ఎవరికి నచ్చింది వారు చేస్తారు. అయితే ఎవరు ఎన్ని చేసినా కూడా ఫైనల్ గా ప్రేక్షకులు ఒప్పుకుంటేనే కంటెస్టెంట్స్ నిలదొక్కుకుంటారు.

ఆనీ మాస్టర్ ఓవరాక్షన్

అయితే ఆనీ మాస్టర్ మాత్రం ఈసారి కాస్త హద్దులు దాటినట్లు అనిలించింది. నాగార్జున కూడా ఆమెకు కాజల్ విషయంలో గట్టిగానే కౌంటర్ ఇచ్చాడు. కాజల్‌తో ప్రవర్తించిన తీరు ఏమాత్రం బాగోలేదని చురకలు అంటించిన నాగ్‌.. వెక్కిరించడం కొంతవరకు ఓకే..కానీ అది హద్దులు దాటుతున్నట్లు హెచ్చరించాడు. ఇక అందుకు ఆనీ మాస్టర్ మాత్రం నాది చైల్డిష్‌ బిహేవియర్‌ అంటూ.. ఏదున్నా ఎదురుగా మొహం మీదే చెప్తానని సమాధానం ఇచ్చింది. అంతే కాకుండా లాస్ట్ వరకు వెక్కిరించడం మానుకుంటానని కూడా సమాధానం ఇచ్చింది.

Recommended Video

అసెంబ్లీ ప్రజా సమస్యలను చర్చించడానికి అకారణంగా దూషించడానికి కాదు - Kalyan Ram || Filmibeat Telugu

ఎలిమినేట్ అయ్యేది ఆమెనే..

అయితే ఈవారం ఆనీ మాస్టర్ వెళ్లిపోవడం పక్కా అని తెలుస్తోంది. ఆమె చేసిన ఓవరాక్షన్ పై నాగార్జున కూడా ఏ మాత్రం సంతృప్తిగా లేరు. ఇక నాగ్ హద్దులు దాటుతోంది చెప్పగానే ఈసారి ఆనీ మాస్టర్ వెళ్లిపోవడం కాయమని అర్ధమయ్యింది. ఎలాగైనా టైటిల్ గెలవాలి అనుకున్న ఆనీ మాస్టర్ ఎలిమినేషన్ లో ఎలా ఫైట్ చేస్తుందో చూడాలి.