Bigg Boss 5: అతను మంచి మూడ్ లో ఉంటే పక్కనే ఉంటా.. బయటకు వచ్చాక నేర్పిస్తా అన్నాడు: ప్రియ

ప్రియ సన్నీ గొడవలు

ప్రియ, సన్నీ ఇద్దరు కూడా మొదట్లో చాలా సింపుల్ గానే ఉండేవారు. అయితే టాస్క్ ల దగ్గరికి వచ్చేసరికి మాత్రం ఇద్దరికీ గొడవలు గట్టిగానే అవుతూ వచ్చాయి. చాలా కూల్ గానే కనిపించే సన్నీ ప్రియ విషయంలో కి వచ్చేసరికి మాత్రం ఒక్కసారిగా ఫైర్ అయిపోతూ కనిపించాడు. అయితే అతన్ని రెచ్చగొట్టాలని ఆమె ఎంత ప్రయత్నం చేసినా కూడా చాలా ఓర్పుతో గేమ్ ఆడుతూ వచ్చాడు అదే అతనికి చాలా బాగా ప్లస్ అయింది అని చెప్పవచ్చు.

చాలా కోపంతో..

సన్నీ విషయంలో ప్రియా కొన్ని తప్పటడుగులు వేసినట్లు చాలా క్లారిటీ గా అర్థమైంది. ముఖ్యంగా బంగారు కోడిపెట్ట టాస్క్ లో భాగంగా ప్రియా నోటి దురుసు కారణంగా అనవసరంగా సోషల్ మీడియాలో నెగటివ్ కామెంట్స్ అందుకుంది. కావాలని సన్నీ గుడ్లను ఎత్తుకొని పోవాలని టార్గెట్ చేస్తూ వచ్చింది. ఇక తన గుడ్లను కాపాడుకోవాల్సిన బాధ్యత ఉంది కాబట్టి సన్నీ చాలా కోపంగా ముందుకు వెళ్ళాడు. కానీ అక్కడ సన్నీ ని బ్యాడ్ చేయాలని ప్రియా ప్రయత్నం చేసింది. అతన్ని రెచ్చగొడుతూనే ఫిజికల్ గా నెట్టి వేస్తున్నాడు అని ఆరోపణలు చేసింది.

అప్పటికే డ్యామేజ్ అయ్యింది

కావాలని రెచ్చగొట్టడమే కాకుండా సన్నీ ని చంప పగలగొడతాను అంటూ ప్రియ చేసిన వ్యాఖ్యలు అందరినీ ఆశ్చర్యానికి గురిచేశాయి. అయితే అంత గొడవ జరిగినా కూడా మళ్లీ మరుసటి రోజు నుంచి ఇద్దరు కూడా రొమాంటిక్ యాంగిల్ లోకి రావడం మరొక మేజర్ ప్లస్ పాయింట్ అని చెప్పవచ్చు. సన్నీ ప్రియ ఇద్దరు కూడా ఫ్లయింగ్ కిస్ ఇచ్చుకుంటు కనిపించడం ఆశ్చర్యకరం. అయితే అప్పటికే ప్రియాకు జరగాల్సిన డ్యామేజ్ జరిగిపోయింది దీంతో ఆమెకు జనాల నుంచి మద్దతు లభించలేదు.

అతను మంచి మూడ్ లో ఉంటే..

ఇక వెళ్ళిపోయే క్రమంలో అందరి గురించి ఎంతో ఆనందంగా మాట్లాడిన ప్రియ ముఖ్యంగా శ్రీరామచంద్ర గురించి చేసిన కామెంట్స్ స్పెషల్ ఎట్రాక్షన్ గా నిలిచారు. పది మార్కులు వేసిన ప్రియ.. శ్రీరామచంద్ర తో అంత ఎక్కువగా కనెక్ట్ కాలేదు కానీ ఒక మంచి పరిచయం అయితే ఉందని చెప్పింది. మిగతా వారితో పోలిస్తే శ్రీరామచంద్ర తో కొంచెం క్లోజ్ గానే ఉన్నాను అంటూ అతడి కంపెనీ అంటే నాకు చాలా ఇష్టమని చెప్పింది.

ఇక అతని చుట్టుపక్కల ఉండడానికి ఇష్ట పడతాను అంటూ .. ఎందుకంటే ఎప్పుడు హమ్ చేస్తూ ఉంటాడు.. ఆహ్లాదకరంగా ఉంటుంది. చాలా బాగా పాటలు పాడతాడు. శ్రీ రామచంద్ర ఎప్పుడు కూడా చాలా పాజిటివ్ గా ఉంటాడు. అతను మంచి మూడ్లో ఉంటే గనక నేను ఎప్పుడూ నవ్వుతూనే ఉంటాను.. అని ప్రియ వివరణ ఇచ్చింది.

Recommended Video

#BiggBossTelugu5 : Vj Sunny సూపర్ పవర్ | Shannu ని దాటేస్తాడేమో || Filmibeat Telugu

ప్రియ కోసం లవ్ సాంగ్

నేను చాలా మిస్ అవుతున్నాను అంటూ ప్రియ చెప్పడంతో మిస్ యూ అంటూ శ్రీ రామచంద్ర కూడా ఎమోషనల్ గా ఫీల్ అయ్యాడు. అయితే ఒప్పందం ప్రకారం బయటకు వచ్చిన తర్వాత కూడా పాట నేర్పిస్తారు కదా అని అడగడంతో అందుకు శ్రీరామచంద్ర సరే అని చెప్పాడు. బయటకు వెళ్ళిన తర్వాత పాట మీరు నేర్పిద్దురు గాని ఇప్పుడు ఆమె కోసం ఒక పాట పాడు అని నాగార్జున చెప్పడంతో శ్రీ రామచంద్ర.. నీ చూపులే ఉంటూ లవ్ సాంగ్ ను ప్రియ కోసం ప్రత్యేకంగా పాడాడు