అనీ మాస్టర్ కి ఇంగ్లీష్ ముద్దా? ఏం మాటలు సన్నీ.. ఆడుకుంటున్న నెటిజన్లు, సన్నీ ఫాన్స్ లాజిక్ ఏంటంటే?

ఆ రీజన్ చెప్పవద్దు

అయితే అందుకు ఒప్పుకోని విశ్వ సరైన రీజన్ చెప్పి పొడవాలని అనగా.. 'నువ్వు రెండు సార్లు కెప్టెన్ అయ్యావ్' అని కాజల్ చెప్పగా.. కష్టపడి అయ్యాను ఆ రీజన్ చెప్పవద్దు అంటాడు విశ్వ. ఆ తర్వాత కాజల్ పొందడానికి చూడడంతో అక్కడి నుంచి విశ్వ పరుగెత్తగా.. యాక్సిడెంటల్ గా బెలూన్ పగిలిపోయింది.

విశ్వపై ప్రియాంక ఫైర్

ఇక రెండోసారి బజర్ మోగిన వెంటనే పెడస్టల్ పై ఉన్న గుండు సూది కోసం పరిగెత్తుకుంటూ వెళ్లగా ప్రియాంక, విశ్వ, లోబో ఒకే సారి ముందుకు వెళ్ళారు. ఆ సమయంలో విశ్వ ప్రియాంకను తోసుకుంటూ ఆమె కింద పడిపోయింది. దీంతో విశ్వపై ప్రియాంక మండిపడింది. ఇక్కడ కండ బలం కామెంట్స్ రావడంతో ఇద్దరూ గొడవ పడ్డారు.

సంపాదించు.. అడుక్కోకు

ఆ తర్వాత పిన్ అందుకున్న రవి.. మానస్ బెలూన్ ను పొడిచేశాడు. అనంతరం 'నేనవుతా రవి కెప్టెన్..' అంటూ కాజల్ కన్విన్స్ చేయగా 'సంపాదించు.. అడుక్కోకు' అని డైలాగులు వేశాడు రవి. మూడోసారి బజర్ మోగినప్పుడు లోబో గుండుసూది తీసుకొని రవి చేతిలో పెట్టగా.. ఆ పిన్ ని చూపిస్తూ కాజల్ డి పొడిచాడు రవి.

కామెడీ చేసి

నాలుగోసారి బజర్ మోగినప్పుడు అనీ మాస్టర్ పిన్ తీసుకొని సన్నీకి ఇవ్వగా అతడు రవి బెలూన్ ను పేల్చి.. కెప్టెన్ గా నిలిచాడు. ఆ తర్వాత అనీ మాస్టర్ కు బలంగా ముద్దు పెట్టాడు సన్నీ. ముందు షాకయినా తరువాత ఆమె అర్ధం చేసుకుంది. కెప్టెన్ బట్టలు వేసుకుని వచ్చి మళ్ళీ ఆమెతో మాట్లాడాడు సన్నీ. 'సెన్సార్ బోర్డ్ యాక్సెప్ట్ చేయదు కానీ ఇంగ్లీష్ కిస్ పెట్టేవాడిని' అంటూ కామెడీ చేసి నవ్వించాడు.

అలా అడగొచ్చా?

ఇక సన్నీ అలా మాట్లాడటం కరెక్ట్ కాదని కొందరు నెటిజన్లు ట్రోల్ చేస్తున్నారు. సన్నీ వయసు ఏంటి ? అనీ మాస్టర్ వయసు ఏంటి? అలా అడగొచ్చా? అంటూ కామెంట్ చేస్తున్నారు. కానీ సన్నీ మద్దతుదారులు మాత్రం సన్నీ తన సంతోషాన్ని అలా వ్యక్త పరిచాడని అంటున్నారు. అంతేకాక శ్వేతా, హమీదా లాంటి వాళ్ళు అమ్మ అంటున్నారు కానీ అనీ మాస్టర్ అంత వయసు ఉన్న వ్యక్తి కాదని సన్నీ వయసు 32 కాగా ఆమె వయసు 30 మాత్రమే అని అంటున్నారు. సన్నీ అలా అనడం తప్పే కానీ దాన్ని అంత రచ్చ చేయాల్సిన అవసరం లేదని అంటున్నారు.