Bigg Boss Telugu 5 Unseen: లోబో, సరయు, హమీదా దమ్ మారో దమ్.. హాట్ హాట్ ముచ్చట్లతో అలా..

స్మోకింగ్ జోనులో దమ్ముకొడుతూ..

ప్రతీ సీజన్‌లో మాదిరిగానే బిగ్‌బాస్ తెలుగు 5 షోలో ఇంటిలో స్మోకింగ్ జోన్‌ను ఏర్పాటు చేశారు. ఇప్పటి వరకు లోబో, హమీదా, సరయు ముగ్గురు దమ్ము కొడుతూ కనిపించారు. ఘాటుగా పొగలు వదులుతూ తమ మనసులోని మాటలను పంచుకొన్నారు. ఇంటి సభ్యుల తీరు గురించి మాట్లాడుకొంటూ కనిపించారు. ఈ సందర్భంగా ఇంటి సభ్యులపై ఉన్న అభిప్రాయాలను బయటపెట్టుకొంటూ కనిపించారు.

లోబో నీ గురించి నాకు తెలియదు

ఇంటిలో జరిగిన ఏదో సంఘటన గురించి లోబోకు సరయు సారీ చెప్పుతూ కనిపించింది. బయట నీ గురించి నాకు తెలియదు. మనకు బాండింగ్ లేదు. కానీ నీ గురించిన ఇన్‌ఫర్మేషన్ నాకు వస్తూ ఉండేది అని సరయు అంటే.. అదే ప్రేమ అంటూ లోబో సిగరేట్ దమ్ము కొడుతూ ఎంజాయ్ చేస్తూ కనిపించారు. వారిద్దరి సంభాషణ వింటూ హమీదా ఎంజాయ్ చేస్తూ కనిపించింది.

మైండ్ సెట్ ముఖ్యం అంటూ లోబో

ఇంటి సభ్యుల్లోని కొందరి గురించి మాట్లాడుతూ.. హౌస్‌లో కనెక్ట్ కావడం కష్టం. ఏదైనా కనెక్టివిటి ఉంటే బయటనే ఉంటుంది. కానీ విశ్వ నాకు తొందరగానే కనెక్ట్ అయిపోయాడు అని సరయు అంటే.. కనెక్టివిటి పక్కన పెడితే.. ప్రధానంగా రిలేషన్ ఏర్పడాలంటే మైండ్ సెట్ ముఖ్యం అని లోబో అన్నాడు.

నటి ప్రియపై లోబో కంప్లయింట్

ఇంటిలో అందరితో ఉన్నట్టు,.. మీతో మజాక్ చేసినట్టు.. సీనియర్ యాక్టర్ ప్రియతో చేయలేను అని లోబో అంటే.. ఆమె అందరితో కలువదు కూడా అంటూ హమీదా కామెంట్ చేసింది. ఆమెను చూస్తే.. బాండింగ్ కష్టమే అనిపిస్తుంది అని లోబో అంటే.. చెప్పలేం అంటూ ఫమీదా కనిపించింది.

సిగరెట్లు వస్తాయో లేవో.. జాగ్రత్తగా

ఇక సిగరెట్లను భద్రంగా కవర్‌లో దాచుకొంటూ కనిపించారు. సిగరెట్లు తడిచిపోతాయోమో అంటూ కవర్ చుట్టేస్తూ సరయు అంటే.. ఏం కాదు.. పైన పెట్టేయండి అంటూ లోబో చెప్పారు. అంతలోనే వాళ్లు దాచేస్తారో ఏమో అంటూ హమీదా అనుమానం వ్యక్తం చేసింది. కాబట్టి ప్యాకెట్‌లో పెట్టుకో అంటూ సరయు లోబోకు ఇచ్చింది. ప్రతీ రోజు వస్తాయో లేదో అంటూ హమీదా అంటే.. ప్రతీ రోజు వస్తాయి అంటూ లోబో చెప్పడం కనిపించింది.

హమీదా, సరయుపై ఎలిమినేషన్ కత్తి

ఇదిలా ఉంటే.. స్మోక్ జోన్‌లో ఉన్న ఇద్దరు కంటెస్టెంట్లు హమీదా, సరయుపై ఎలిమినేషన్ కత్తి వేలాడుతున్నది. తొలివారం నామినేట్ అయిన వారిలో వీరిద్దరూ కూడా ఉన్నారు. ఈ ఇద్దరే కాకుండా యాంకర్ రవి, మానస్, మోడల్ జస్వంత్, ఆర్జే కాజల్ కూడా ఉన్నారు.