Bigg Boss Telugu 6 Finale: చివరలో చెమటలు పెట్టించిన యువ హీరో.. రోహిత్ ఎలిమినేట్!

టాప్ 5 కంటెస్టెంట్స్

బిగ్ బాస్ ఫైనల్ ఎపిసోడ్ ఆదివారం రోజు చాలా గ్రాండ్ గా కొనసాగింది. ఇక ఈ ఫైనల్ ఎపిసోడ్ లో ఐదు మంది టాప్ కంటెస్టెంట్స్ మిగిలారు. రేవంత్ ఆదిరెడ్డి శ్రీహాన్ అలాగే కీర్తి రోహిత్ చివరి ఫైనల్స్ లో మిగిలారు. అయితే వీరిలో ఎవరు గెలుస్తారో ముందుగానే లీక్ అయిపోయిన విషయం తెలిసిందే. ఇక మిగిలిన కంటెస్టెంట్స్ లో ఒక్కొక్కరిని బిగ్ బాస్ హౌస్ లో నుంచి బయటకు పంపించడం జరిగింది.

నా భార్య మీకు ఫ్యాన్

ఇక ఈ ఫైనల్ ఎపిసోడ్ కోసం టాప్ 5 లో ఒకరిని ముందుగా బయటకు పంపించడానికి నాగార్జున స్పెషల్ గెస్ట్ ను ఇన్వైట్ చేశారు. కార్తికేయ 2 హీరో నిఖిల్ సిద్ధార్థ స్పెషల్ గెస్ట్ గా వచ్చి తన మాటలతో ముందుగా ఎంతగానో ఆకట్టుకున్నాడు. తన భార్య నాగార్జున గారి ఫ్యాన్ అని అలాగే ఆయనను చూసి నేటితరం మా యువ హీరోలు అందరూ కూడా స్ఫూర్తిగా తీసుకుంటున్నారు అని నిఖిల్ తెలియజేశాడు.

హ్యాట్ పెడుతూ ఎలిమినేషన్

ఇక నాగార్జున నిఖిల్ సిద్ధార్థ్ ను హౌస్ లోకి పంపే ముందు అతని చేతిలో ఒక హ్యాట్ కూడా పెట్టాడు. దాన్ని తీసుకొని లోపలికి వెళ్ళిన నిఖిల్ మొదట కంటెస్టెంట్స్ అందరితో కూడా చాలా డ్యాన్స్ చేశాడు. ఇంకా తర్వాత నిఖిల్ కు ఇచ్చిన ఒక హ్యాట్ మిగిలిన 5 మంది కంటెస్టెంట్స్ లో ఎవరో ఒకరి మీద పెట్టి వారిని బయటకు తీసుకురావాలని నాగార్జున చెప్పాడు.

పేరు మార్చిపోయా..

ఇక నిఖిల్ ఒక్కొక్కరికితోను హ్యాట్ పట్టుకొని వారి మనోభావాల గురించి తెలుసుకున్నాడు. అంతేకాకుండా ఈ హ్యాట్ పెడితే ఒకరు బయటకు వెళ్లి పోవాల్సిందే.. అని వారి ఫీలింగ్స్ తో కూడా కాసేపు ఎంటర్టైన్మెంట్ క్రియేట్ చేశాడు. మొదట సింగర్ రేవంత్ అనుకున్నాడు. ఆ తర్వాత శ్రీహన్ కూడా అనుకున్నాను అంటూ పేరు మర్చిపోయాను అని నిఖిల్ చెప్పాడు.

రోహిత్ ఎలిమినేషన్

ఫైనల్ గా అందరి తల మీద హ్యాట్ పెడుతూ వచ్చిన నిఖిల్ చివరగా ఉన్న రోహిత్ మీద హ్యాట్ పెట్టేసి క్లారిటీ ఇచ్చాడు. దీంతో నాగర్జున రోహిత్ నువ్వు ఎలిమినేట్ అయ్యావు.. అని చెప్పేసాడు. ఇక రోహిత్ ఎమోషనల్ అవుతూ లైఫ్ లో ఈ మెమరీస్ ఎప్పటికి ఉండాలి అని చెప్పాడు. ఇక రోహిత్ ఎలిమినేట్ అవుతుంటే అతని భార్య మెరీనా కూడా కొంత ఎమోషనల్ అయింది.

రోహిత్ ఎమోషనల్

ఇక చివరిలో రోహిత్ తన తల్లిదండ్రులను చూసి కూడా కంటతడి పెట్టుకున్నాడు. సారీ అని చెప్పడంతో.. అసలు నువ్వు ఎప్పుడో గెలిచావు అని వారి నుంచి మాటలు వినిపించాయి. ఇక నువ్వు అమ్మాయిలలో కూడా చాలా బాగా పాపులర్ అయ్యావు అని వారి నుంచి నిన్ను కాపాడుకోవాలి అంటూ మెరీనా వివరణ ఇచ్చింది. దీంతో అందరూ నవ్వుకున్నారు. ఇక ఆడియన్స్ సపోర్ట్ ఇచ్చినందుకు కూడా చాలా ధన్యవాదాలు అని రోహిత్ తెలియజేశాడు.