Bigg Boss Telugu 6: ప్రతిజ్ఞ చేసిన ఇంటి సభ్యులు.. నా వల్ల కాదంటూ శ్రీహాన్ ఫైర్, రేవంత్-శ్రీసత్యల గొడవ

అందుకే రేటింగ్ రావట్లేదని..

బిగ్ బాస్ తెలుగు 6వ సీజన్ చాలా చప్పగా సాగుతోందని, అందుకే రేటింగ్ రావట్లేదని ఇప్పటికీ ఎన్నో కామెంట్లు వినిపించాయి. అందుకు తగినట్లుగానే ఇంటి సభ్యుల ఆట తీరు నిర్లక్ష్యంగా సాగింది. ఏ టాస్క్ ఇచ్చిన కూడా ఆడకుండా ముచ్చట్లు చెప్పుకుంటూ కనిపించేవారు. కొంతమంది మాత్రమే చురుగ్గా పాల్గొనేవారు. దీంతో ఇంటి సభ్యులపై బిగ్ బాస్ కు కోపం వచ్చింది.

ఇంటి సభ్యులపై బిగ్ బాస్ స్ట్రైక్..

దీంతో బిగ్ బాస్ తెలుగు 6వ సీజన్ ఇంటి సభ్యులపై బిగ్ బాస్ స్ట్రైక్ చేయడం ప్రారంభించాడు. ఇన్ని రోజులుగా చేసిన వరెస్ట్ పర్ఫామెన్స్ తో విసిగిపోయిన బిగ్ బాస్ హౌజ్ మేట్స్ కు పనిష్ మెంట్ ఇస్తున్నాడు. అందులో భాగంగానే కబడ్డీ, థగ్ ఆఫ్ వార్ గేమ్స్ ఆడించాడు బిగ్ బాస్.

ఆలు ముక్క తీసుకుని..

అందులో ఓడిపోయిన గీతూ రాయల్.. గెలుపొందిన ఆదిరెడ్డి ప్లేట్ నుంచి చిన్న ఆలు ముక్క తీసుకుని పనిష్ మెంట్ కు గురైంది. గీతూతోపాటు ఆదిరెడ్డితో అంట్లు తోమించాడు బిగ్ బాస్. అంతేకాకుండా హౌజ్ లో ఉండేందుకు ఎలిజిబిలిటీ పోటీ కూడా పెట్టాడు. తాజాగా వారితో ప్రతిజ్ఞ కూడా చేయించుకున్నాడు.

ఏం ఆశించాలో కూడా చెప్పాలి..

ఇప్పటివరకు మీరు చూపించిన నిరుత్సాహం పట్ల పశ్చాత్తాపం పడుతున్నట్లయితే మీ ఆటను ఎలా మార్చుకుంటారో చెప్పి.. ఈ షోలో మీ నుంచి ఏం ఆశించాలో కూడా చెప్పాల్సి ఉంటుంది అని తెలిపాడు బిగ్ బాస్. దీంతో అందరూ ప్రమాణాలు చేయడం ప్రారంభించారు. అలాగే వారి ఆట తీరు ఎలా ఉంటుందో కూడా చెప్పుకొచ్చారు.

హోరాహోరీగా టాస్క్..

ఆ తర్వాత టాస్క్ ఇచ్చాడు బిగ్ బాస్. ఈసారి టాస్క్ లో ముఖ ద్వారం నుంచి బొమ్మలు వస్తాయి. వాటిని పట్టుకెళ్లి తమ టీమ్ కు కేటాయించిన కంటేనర్ లో పెట్టాలి. ఈ టాస్క్ హోరాహోరీగా సాగినట్లు కనిపించింది. ఈ టాస్క్ ఫిజికల్ టాస్క్ ను మైమరిపించింది.

నీ వల్లే కిందపడియింది..

ఈ క్రమంలోనే బొమ్మ కోసం శ్రీహాన్, శ్రీ సత్య తలపడగా కుర్చీలో నుంచి కిందపడిపోయింది శ్రీసత్య. నీ వల్లే తను కిందపడియిందని మెరీనా అనడంతో ఫైర్ అయ్యాడు శ్రీహాన్. బొమ్మను తీసుకునేటప్పుడు పడింది నేను లాగితే కాదు.. మైండ్ యువర్ వర్డ్స్ అంటూ అరిచాడు. తర్వాత శ్రీసత్య, రేవంత్ కు మాటల యుద్ధం జరిగినట్లు తెలుస్తోంది.