Inaya Sultana Marriage: ఇనయా సుల్తానాకు పెళ్లయిందా?.. భర్తతో ఫొటో వైరల్!

వరుస సీజన్లతో..

బిగ్ బ్రదర్ అనే పేరుతో అమెరికాలో ప్రారంభమైన రియాలిటీ షో ఎల్లలు దాటి ఇండియాలోకి బిగ్ బాస్ గా వచ్చింది. రావడమే కాకుండా అశేషమైన ప్రేక్షకాదరణ పొందింది. దీంతో ముందుగా హిందీలో ప్రారంభమైన ఈ రియాలిటీ షోను క్రమేణా మిగతా భాషల్లోకి సైతం తీసుకొచ్చారు. ఇక తెలుగులో 2017లో అనేక అనుమానాల నడుమ ప్రారంభమైన ఈ రియాలిటీ షో వరుస సీజన్లతో దూసుకుపోతూ ప్రస్తుతం ఆరో సీజన్ నడుస్తోంది. ఇది కూడా మరో రెండు రోజుల్లో పూర్తి కానుంది.

21 మంది సెలబ్రిటీల్లో ఒకరిగా..

ఇదిలా ఉంటే సెప్టెంబర్ 4న ప్రారంభమైన బిగ్ బాస్ తెలుగు ఆరో సీజన్ లోకి మొత్తంగా 21 మంది సెలబ్రిటీలు ఎంట్రీ ఇచ్చారు. కీర్తి భట్, సుదీప పింకీ, శ్రీహాన్, నేహా చౌదరి, చలాకీ చంటి, శ్రీ సత్య, అర్జున్ కల్యాణ్, గీతూ రాయల్, అభినయ శ్రీ, రోహిత్ సాహ్నీ, మెరీనా అబ్రహం, బాలాదిత్య, వాసంతి కృష్ణన్, షానీ సాల్మన్, ఆర్జే సూర్య, ఫైమా, ఆదిరెడ్డి, రాజశేఖర్, అరోహీ రావు, రేవంత్‌‌లతోపాటు ఆర్జీవీ బ్యూటీ ఇనయా సుల్తానా కూడా అడుగుపెట్టింది.

అతనికి గట్టిపోటీగా..

బర్త్ డే పార్టీలో ఆర్జీవీతో కలిసి డ్యాన్స్ చేయడానికి ముందే పలు చిత్రాల్లో కూడా నటించింది ఇనయా సుల్తానా. ఇక బిగ్ బాస్ హౌజ్ లోకి ఎలాంటి అంచనాలు లేకుండా ఎంట్రీ ఇచ్చిన ఈ ముద్దుగుమ్మ రెండు వారాళ్లో వెళ్లిపోతుందని అంతా అనుకున్నారు. కానీ తనదైన ఆట తీరుతో ఇప్పటివరకు ఆకట్టుకోవడమే కాకుండా టైటిల్ ఫేవరేట్ గా బరిలోకి దిగిన రేవంత్ కు గట్టి పోటీ అని ప్రేక్షకులు అనుకుంటూ వచ్చారు.

పాపులారిటీని ఎంజాయ్ చేస్తూ..

ఇక 14వ వారం జరిగిన ఎలిమినేషన్ లో భాగంగా ఇనయా సుల్తానా ఎవరూ ఊహించని విధంగా ఎలిమినేట్ అయి హౌజ్ ను వీడింది. హౌజ్ నుంచి బయటకు వెళ్లిన ఇనయా సుల్తానా తనకు వచ్చిన పాపులారిటీని ఎంజాయ్ చేస్తోంది. ఎవరిపై ఎలాంటి విమర్శలు చేయకుండా తన పని తాను చేసుకుంటూ వెళ్తోంది. అలాగే బిగ్ బాస్ లో ఆర్జే సూర్యతో ఏర్పడిన బాండింగ్ తో అతనితో కలిసి చక్కర్లు కొడుతోందని ఒక టాక్ అయితే వినిపిస్తోంది.

త్రో బ్యాక్ పిక్ వైరల్..

ఇదిలా ఉంటే లేడీ టైగర్ ఇనయా సుల్తానాకు సంబంధించిన ఒక ఆసక్తికర న్యూస్ గత రెండు మూడు రోజులుగా సోషల్ మీడియాలో గింగిరాలు తిరుగుతోంది. నెటిజన్లను అయోమయానికి గురి చేస్తోంది. బిగ్ బాస్ తెలుగు 6 కంటెస్టెంట్ గా పాల్గొన్న ఇనయా సుల్తానాకు పెళ్లైందా అని టాపిక్ నడుస్తోంది. ఇందుకు కారణం ఆమెకు సంబంధించిన ఒక పాత ఫొటోనే. ఇనయా త్రో బ్యాక్ పిక్ ఒకటి తెగ వైరల్ అవుతోంది.

అవకాశాలు రావన్న భయం..

ఇనయా సుల్తానా పాత ఫొటోలో ఆమెకు పెళ్లయినట్లుగా కనిపిస్తోంది. గ్రీన్ కలర్ చీరలో మల్లెపూలు పెట్టుకుని, ఒక వ్యక్తి పక్కన స్మైలింగ్ ఫేస్ తో ఆ ఫొటోలో దర్శనమిచ్చింది లేడీ టైగర్. ఈ ఫొటో చూసే నెటిజన్స్ అంతా ఇనయాకు పెళ్లయిందని భావిస్తున్నారు. అయితే ఇందులో ఎంతనిజముందో తెలియాలంటే ఇనయా స్పందించాల్సిందే. ఇక సినీ ఇండస్ట్రీలో చాలా మంది నటీమణులు వివాహం అయిన కూడా అవకాశాలు రావన్న భయంతో పెళ్లి వంటి తమ వ్యక్తిగత విషయాలను దాచి పెడతారన్న విషయం తెలిసిందే. అలానే ఇనయా కూడా చేసు ఉండొచ్చని చర్చించుకుంటున్నారు.