Bigg Boss Telugu 6: రేవంత్ ఎంత తొందరగా వెళ్లిపోతే అతనికే అంత మంచిది.. గీతూ షాకింగ్ కౌంటర్!

అర్థం లేని నామినేషన్స్

బిగ్ బాస్ లో ఎప్పుడు ఎవరు ఎటువైపు యు టర్న్ తీసుకుంటారో ఎవరు ఊహించలేరు. ఇక మొదటివారం నామినేషన్స్ అయితే అర్థం లేకుండా కొనసాగే అని కామెంట్స్ ఎక్కువగా వినిపిస్తున్నాయి. ఎవరికి ఎలాంటి కారణం చెప్పాలో తెలియక వారి కంటే బలంగా ఉన్న కంటెస్టెంట్స్ ని లేదా మరీ వీక్ గా ఉన్న కంటెస్టెంట్స్ ను నామినేట్ చేశారు అని అనిపిస్తోంది. ముఖ్యంగా మిగతా వారి కంటే ఎంతో బలంగా ఉన్నా రేవంత్ ను నామినేట్ చేయడం ఆశ్చర్యాన్ని కలిగించింది.

ఎందుకు టార్గెట్ చేస్తున్నారు

ఇక ప్రోమో వివరాల్లోకి వెళితే.. నామినేషన్ లో పడడం పెద్ద పాపం కాదు అని బాలాదిత్య, రేవంత్ కు ధైర్యం చెప్పాడు. ప్రతీ వారం ఎవరో ఒకరు నామినేట్ అవుతారు. ఏదో కారణం చెప్పాలి అని అన్నాడు. ఇక మరోవైపు నామినేషన్ లో ఉన్న ఇనయ ఎందుకు నన్నే టార్గెట్ చేస్తున్నారు అంటూ వాబోయింది. అందుకు బాలదిత్యా కూడా తనకు కౌంటర్ ఇచ్చే ప్రయత్నం చేశాడు. మీ బుర్రలో మీరు నా గురించి ఏం అనుకుంటున్నారరో నేను ప్లాన్ వేసి స్కెచ్ వేసి ఉహించలేను అంటూ నామినేషన్ కు సంబంధించిన గొడవను గుర్తు చేశారు.

ఫైట్ కి రెడీ..

ఇక నామినేషన్ లో ఉన్న చంటి కూడా వివిధ అంశాలపై కూడా మాట్లాడే ప్రయత్నం చేశాడు. భగవంతుడు నోరు చెవులు ఎందుకు ఇచ్చాడు. ఎక్కువ విను తక్కువ మాట్లాడు అన్నాడు. ఫస్ట్ డేనే నాకు హర్ట్ అనిపించింది అంటే ఒక్కొక్కడు వంద చెబుతారు అని గీతూకి చంటి చెప్పాడు. ఇక మరోవైపు బాలదిత్యాతో ఇనయా ఏదైనా ఫేస్ మీద చెబితే ఫైట్ కి రెడీ అని చెప్పగా.. నేను ఫైట్ కి రెడీ కాలేను అని బాలాదిత్యా మొహం మీద చెప్పేశాడు.

గీతూ షాకింగ్ కామెంట్

ఇక రేవంత్ పరిస్థితిని చూడండి అంటూ బాలాదిత్య దీనంగా వివరించే ప్రయత్నం చేశాడు. అతను చాలా పానిక్ అవుతున్నాడు అని చెప్పాడు. ఇక మరోవైపు గీతూ కూడా రేవంత్ గురించి ఊహించని విధంగా కామెంట్ చేసింది. అతను ఎంత త్వరగా బయటికి వెళ్లిపోతే అంత మంచిది అని.. ఆయన హౌస్ లో ఇన్ని రోజులు ఉన్నారు అంటే ఆయన బిహేవియర్ ఇలానే ఉంది అంటే జనాలు అందరూ ఇంత పెద్ద సింగర్ ఇలా చేస్తున్నాడు అని అనిపిస్తుంది.. అని గీతూ కామెంట్ చేసింది. మరి ఈ వివాదాలు నామినేషన్ లో ఎలాంటి మలుపులను క్రియేట్ చేస్తాయో చూడాలి.