Bigg Boss Telugu 6 అతన్ని బాత్రూమ్ లో ఉంచి అలా ఘోరంగా!.. శ్రీసత్యతో రేవంత్ 'గుడ్డు' గొడవ

బాత్రూమ్ నడుస్తూ కామెడీ..

ప్రోమో ప్రారంభంలో ఇడియట్ సినిమాలోని ఓ సాంగ్ పాడుతూ కనిపించారు రేవంత్ అండ్ శ్రీహాన్. అయితే తర్వాత ఆ పాటను సెటైరికల్ గా ఇనయా సుల్తానా వైపు తిప్పారు. దీంతో గొడుగు తీసుకుని రేవంత్ ను కొట్టేందుకు బయలుదేరింది ఇనయా. అప్పుడు రేవంత్ ఉన్న చోటు నుంచి కామెడీ తెప్పించేలా నడుస్తూ బాత్రూమ్ లోకి వెళ్లాడు. రేవంత్ బాత్రూమ్ లోనే ఉండగా దాని లాక్ ని తీసేందుకు ప్రయత్నించారు శ్రీహాన్ అండ్ ఫైమా.

గుడ్డు జాగ్రత్త టాస్క్..

శ్రీహాన్ బాత్రూమ్ లాక్ తీసేందుు ప్రయత్నించగా రేయ్ బాత్రూమ్ లో ఉన్నాన్ రా అంటూ రేవంత్ అరిచాడు. దీంతో అందరు నవ్వారు. తర్వాత ఫైమా, ఇనయా సుల్తానా కలిసి ఆ డోర్ ను అటువైపే ఉండేలా బలం ప్రయోగించారు. అనంతరం టికెట్ టు ఫినాలే పోటీదారులకు మరో టాస్క్ ఇచ్చాడు బిగ్ బాస్. ఈ టాస్క్ పేరు గుడ్డు జాగ్రత్త. ఈ ప్రకటన అనౌన్స్ చేస్తూ కళ్లు పెద్దవిగా చేశాడు శ్రీహాన్.

బాడీకి టచ్ అవ్వొద్దు..

కంటెస్టెంట్స్ ముందు గజిబిజిగా వైర్స్ కట్టి ఉంటాయి. వాటిలోనుంచి గుడ్డును ఒక వస్తువుపై పెట్టుకుని కిందపడకుండా ఆ వైర్స్ దాటుకుంటూ వెళ్లాలి. ఆ తర్వాత టైర్స్ లో నుంచి నడుచుకుంటూ వెళ్లాలి. ఈ పోటీలో రోహిత్, రేవంత్, ఆదిరెడ్డి పాల్గొన్నట్లు చూపించారు. ఈ టాస్క్ కు సంచాలకులుగా శ్రీసత్య, ఇనయా ఉన్నట్లు తెలుస్తోంది. టాస్క్ ప్రారంభం కాగానే గుడ్డు బాడీకి టచ్ కావొద్దని శ్రీసత్య సూచనలు ఇచ్చింది.

కిందపడకుండా ఉండేందుకు..

వైర్స్ మధ్యలో ఆదిరెడ్డికి ఇచ్చిన గుడ్డు కిందపడింది. అతని వెనుకాల రేవంత్ ఉన్నాడు. అయితే అతను కోడిగుడ్డును పట్టుకునేందుకు ప్రయత్నించగా నో రేవంత్ అంటూ శ్రీసత్య వారించింది. ముందుగా రోహిత్ వెళ్లగా.. తర్వాత ఆదిరెడ్డి ఉన్నాడు. చివర్లో రేవంత్ ఉన్నాడు. రేవంత్ కోడిగుడ్డు కిందపడకుండా ఉండేందుకు చేతిని అడ్డుగా పెట్టేందుకు ప్రయత్నించాడు. దీంతో రేవంత్ నో అంటూ శ్రీసత్య అంది.

వేరేవాళ్లు చెబితే నమ్మకూడదు..

శ్రీసత్య అలా అనడంతో.. ఏంటీ నో.. అని రేవంత్ అంటే టచ్ అవ్వకూడదని శ్రీసత్య అండ్ శ్రీహాన్ అన్నారు. మాకు కనిపించట్లేదు అందుకే నో అంటున్నామని శ్రీసత్య అంది. ఇంతలో రేవంత్ కోడిగుడ్డు కిందపడిపోయింది. అటుతిరిగి ఉన్నప్పుడు మీరు చూడాలి, వేరేవాళ్లు చెబితే నమ్మకూడదు కదా. ఒకసారి టచ్ చేశా ఒప్పుకుంటా.. రెండో సారి టచ్ చేయలేదు. నువ్ చూడాలి అని రేవంత్ అన్నాడు.

నా గేమ్ గొడవ పడతా..

రేవంత్ అలా అనడంతో కనిపించేవాళ్లకు అలానే కనిపిస్తుంది రేవంత్.. దాని మీద గొడవ పడకు అని శ్రీసత్య అంది. కచ్చితంగా గొడవ పడతా నా గేమ్.. గొడవ పడతా నేను అని కోపంగా అన్నాడు రేవంత్. దీంతో శ్రీసత్య షాక్ అయి అలానే చూస్తూ ఉండిపోయింది. ఇదిలా ఉంటే బిగ్ బాస్ తెలుగు 13వ వారం నామినేషన్లలో రోహిత్, రేవంత్, ఫైమా, కీర్తి, ఆదిరెడ్డి, శ్రీసత్య ఆరుగురు ఉన్నారు.