Bigg Boss Telugu 7 week 8th Elimination డేంజర్ జోన్‌లో ఇద్దరు టాప్ కంటెస్టెంట్స్.. అతడికి సూపర్ ఓటింగ్!

బిగ్‌బాస్ తెలుగు 7 రియాలిటీ షో 8వ వారంలోకి ప్రవేశించింది. 7 వారాలపాటు కొనసాగిన షో ప్రస్తుతం రెండో చివరి దశకు చేరుకొన్నది. 100 రోజుల గేమ్ షోలో 50 రోజులను దిగ్విజయంగా పూర్తి చేసుకొన్నది. అయితే 8వ వారం ఎలిమినేషన్ కోసం బిగ్‌బాస్ హౌస్ సిద్దమైంది. ఈ వారం ఎలిమినేషన్ కోసం నామినేషన్ ప్రక్రియ తీవ్ర గందరగోళాల మధ్య ముగిసింది. అయితే తొలి రోజు నుంచి భారీగా ఓటింగ్ నమోదు అవుతున్నది. ఈ ఓటింగ్ వివరాల్లోకి వెళితే..

బిగ్‌బాస్ తెలుగు 7లో ఎలిమినేషన్ ప్రక్రియ అత్యంత చర్చనీయాంశమవుతున్నది. గత 7 వారాల్లో ఎలిమినేట్ అయిన వారిలో అందరూ లేడీ కంటెస్టెంట్స్ కావడం అందర్నీ ఆశ్చర్యానికి గురి చేసింది. తొలి వారం కిరణ్ రాథోడ్, షకీలా, సింగర్ దామిని, రతిక రోజ్, నయని పవని, పూజా మూర్తి ఎలిమినేట్ అయ్యారు.

బిగ్‌బాస్ తెలుగు 7 ఇంటిలో 8వ వారం నామినేషన్ ప్రక్రియ కంటెస్టెంట్ల మధ్య తీవ్ర వాగ్వాదం మధ్య జరిగింది. ముఖ్యంగా భోలే షవాలే, ప్రియాంక జైన్, శోభా శెట్టి మధ్య జరిగిన సంభాషణ ఇంటిని వేడెక్కించింది. ఆ తర్వాత పల్లవి ప్రశాంత్‌తో మరికొందరి ఇంటి సభ్యుల వాదన నామినేషన్ ప్రక్రియను మరింత హీటెక్కించింది.

కంటెస్టెంట్ల ఆరోపణలు, విమర్శలు, ప్రత్యారోపణలు మధ్య 8వ వారం నామినేషన్ ప్రక్రియ ముగిసింది. 8వ వారం నామినేషన్‌లో మొత్తం 8 మంది మెంబర్స్ నామినేట్ అయ్యారు. శివాజీ, అమర్ దీప్ చౌదరీ, ప్రియాంక జైన్, శోభాశెట్టి, భోలే షవాలే, అశ్వినీ శ్రీ, ఆట సందీప్ నామినేషన్‌లో ఉన్నారు. దాంతో ఈ వారం ఇంటిలోని టాప్ కంటెస్టెంట్లందరూ నామినేట్ కావడం ఆసక్తికరంగా మారింది.

బిగ్‌బాస్ తెలుగు 7 షోలో 8వవారం నామినేషన్ ఓటింగ్ హాట్ హాట్‌గా మొదలైంది. అత్యధికంగా శివాజీ టాప్ రేంజ్‌లో 50 శాతం ఓటింగ్ నమోదు చేసుకొన్నారు. ఆ తర్వాత భోలే షవాలే రెండో స్థానంలో 15 శాతానికిపైగా ఓటింగ్ తెచ్చుకొన్నారు. ఆ తర్వాత అమర్ దీప్ 10 శాతం, గౌతమ్ కృష్ణ 6 శాతానికిపైగా, ప్రియాంక జైన్ ఆరు శాతం, అశ్వీని శ్రీ 6 శాతం, శోభా శెట్టి 4 శాతం, ఆట సందీప్ 2 శాతం ఓటింగ్‌తో కొనసాగుతున్నారు.

బిగ్‌బాస్ తెలుగు 7 షోలో తొలిసారి ఆట సందీప్ నామినేషన్‌లోకి వచ్చారు. పవర్ అస్త్రను సొంతం చేసుకొని దాదాపు 5 వారాలు సేఫ్ జోన్‌లో ఉన్నారు. ఆ తర్వాత కెప్టెన్సీతో నామినేషన్‌లో లేకుండా పోయారు. దాంతో ఆయన ఓట్లు వేసే ఫాలోవర్స్ లేకుండా పోయారు. తాజాగా తొలిసారి నామినేట్ అయ్యారు. దాంతో ఆయనకు ఓటింగ్ అతితక్కువగా ఓటింగ్ జరుగుతున్నది.