బిగ్ బాస్ తెలుగు ఓటీటీ టైం ఫిక్స్.. ముగ్గురు కంటెస్టెంట్లు కన్ఫర్మ్.. ఎవరెవరంటే?

సెలబ్రిటీల జాబితా

మాములుగా బిగ్ బాస్ తెలుగు యొక్క ఏదైనా కొత్త సీజన్‌లో, షో నిర్వాహకులు సెలబ్రిటీల జాబితాను తయారు చేస్తారు, అందులో కొందరిని షార్ట్‌లిస్ట్ చేస్తారు. ఎక్కువగా స్మాల్ స్క్రీన్ లేదా సోషల్ మీడియాలో పాపులర్ అయిన కంటెస్టెంట్‌లను సంప్రదిస్తారు.

కొత్త ఫార్మాట్‌లో

కానీ తొలిసారిగా కొత్త ఫార్మాట్‌లో షోను ప్రారంభించేందుకు షో నిర్వాహకులు సిద్ధమయ్యారు. బిగ్ బాస్ తెలుగు OTT గురించి ఇప్పటికే మేకర్స్ క్లారిటీ ఇచ్చారు. డిస్నీ ప్లస్ హాట్‌స్టార్‌లో ప్రీమియర్ చేయడానికి సిద్ధంగా ఉన్న బిగ్ బాస్ OTT కోసం పోటీదారులను ఖరారు చేయడంలో షో మేకర్స్ బిజీగా ఉన్నారు.

ఆ ముగ్గురు

ఇక బిగ్ బాస్ తెలుగు OTT కోసం టాప్ జబర్దస్త్ యాంకర్ వర్షిణిని సంప్రదించినట్లు సమాచారం. ప్రచారంలో ఉన్న సమాచారం ప్రకారం, మేకర్స్ ఆమెతో చర్చలు జరుపుతున్నారు. అంతా అనుకున్నట్టు జరిగితే, యాంకర్ శివ మరియు ఢీ 10 విన్నర్ రాజు తర్వాత బిగ్ బాస్ తెలుగు OTTలోకి ప్రవేశించే తదుపరి కంటెస్టెంట్ యాంకర్ వర్షిణి అవుతుంది.

ఆమెను కూడా

అయితే దీనికి సంబంధించిన అధికారిక ధృవీకరణ రావాల్సి ఉంది. అయితే షణ్ముఖ్ జస్వంత్ తో కలిసి సాఫ్ట్ వేర్ డెవలపర్స్ వెబ్స్ సిరీస్ లో లీడ్ రోల్ లో నటించిన వైష్ణవి చైతన్యను కూడా మేకర్స్ సంప్రదించినట్లు చెబుతున్నారు. అయితే ఆమె ఈ ఆఫర్ ఒప్పుకునే అవకాశాలు తక్కువే.

కష్టమే

ఎందుకంటే ఆమెకు ఇప్పటికే మంచి క్రేజ్ ఉంది. ఆమెకు హీరోయిన్ గా కూడా కొన్ని అవకాశాలు వస్తున్నాయి. అందులో ముఖ్యంగా ఇప్పటికే ఆమె ఒక సినిమాలో హీరోయిన్ గా నటిస్తోంది. కాబట్టి ఆమె అంత ఈజీగా ఆఫర్ అందుకునే అవకాశం అయితే కనిపించడం లేదు. ఒక వేళ భారీ రెమ్యునరేషన్ ఇస్తే కనుక ఒప్పుకునే అవకాశం ఉంది.

కింగ్ నాగార్జున

ఇక తాజా సమాచారం మేరకు బిగ్ బాస్ తెలుగు 6 ఫిబ్రవరి 2022 లో ప్రారంభమవుతుందని అంటున్నారు. అంతే కాక కింగ్ నాగార్జున టెలివిజన్ వెర్షన్ సహా OTT వెర్షన్‌ని కూడా హోస్ట్ చేయనున్నారని అంటున్నారు. బిగ్ బాస్ OTT వెర్షన్ టెలివిజన్ వెర్షన్ కాకుండా 24*7 అందుబాటులో ఉంది. డిస్నీ ప్లస్ హాట్‌స్టార్ బిగ్ బాస్ తెలుగు 6ని ప్రసారం చేస్తుందని అంటున్నారు. అయితే ఇదంతా బాగానే ఉన్నా ఇప్పటిదాకా అయితే రోజుకు గంట మాత్రమే ప్రసారం చేసేవారు కాబట్టి ఎడిట్ చేసి రిలీజ్ చేసేవారు. మరి ఈసారి ఏం జరగనుంది? అనేది ఆసక్తికరంగా మారింది.