వాడి కోసం ఏడేళ్ల జీవితాన్ని నాశనం చేసుకున్నావ్.. రష్మీపై బుల్లెట్ భాస్కర్ కామెంట్స్

లవ్ ట్రాక్ అంటూ..

రష్మీ సుధీర్ మధ్య లవ్ ట్రాక్ అంటూ కొన్నేళ్లుగా సోషల్ మీడియా ఊదరగొట్టేసింది. జబర్దస్త్ షోలో వేసే స్కిట్లు, వీరు నడిపించే వ్యవహారం, రహస్య బంధం కారణంగా స్కిట్లు బాగానే పేలేవి. అలా కొన్ని సంవత్సరాలుగా వీరి స్కిట్లు, వీరి కెమిస్ట్రీ వర్కవుట్ అవుతూనే ఉంది. ఇంకా బాగానే ఆదరిస్తున్నారు కూడా.

ఆ మధ్య అలా..

అయితే రష్మీ సుధీర్ క్రేజ్‌ను నిదర్శనంగా కొన్ని స్పెషల్ ఈవెంట్లు కూడా జరిగాయి. ఏకంగా ఈ ఇద్దరికి పెళ్లి చేసినట్టుగా స్పెషల్ ఈవెంట్‌ను ప్లాన్ చేశారు. అది అప్పట్లో ఓ సంచలనం. నిజంగానే పెళ్లి చేసుకున్నా కూడా ఇంత ఘనంగా చేసుకుంటారా? అనే అనుమానం వచ్చేలా జరిగింది ఆ వేడుక.

ఎన్నో సార్లు క్లారిటీ..

తమ మధ్య ఉన్న సంబంధం గురించి రష్మీ, సుధీర్ గురించి ఎన్నో సార్లు క్లారిటీ ఇచ్చారు. తమ మధ్య ప్రేమ లేదని, తాము ఏది చేసినా కూడా ప్రేక్షకులను ఎంటర్టైన్ ఇచ్చేందుకే అని చెప్పుకొచ్చారు. తెరపై మాత్రమే అలా మేం నటిస్తాం.. కానీ నిజ జీవితంలో మేం జస్ట్ ఫ్రెండ్స్ అంటూ ఎన్నో సార్లు క్లారిటీ ఇచ్చారు.

తాజాగా అలా..

ఏడేళ్ల నుంచి రష్మీ సుధీర్ జంట అలా అలరిస్తూనే ఉంది. అయితే సుధీర్ రష్మీ ఎన్ని సార్లు క్లారిటీ ఇచ్చినా కూడా జనాలు మాత్రం వారిని జంటగానే చూస్తుంటారు. తాజాగా ఎక్స్ ట్రా జబర్దస్త్ షోలో బుల్లెట్ భాస్కర్ రష్మీ సుధీర్ బంధంపై కామెంట్ చేశాడు.

ఏడేళ్లు జీవితాన్ని..

వచ్చే వారానికి సంబంధించిన ఎపిసోడ్ ప్రోమోలో బుల్లెట్ భాస్కర్ రష్మీ సుధీర్‌పై కామెంట్ చేశాడు. స్కిట్‌లో భాగంగానే బుల్లెట్ భాస్కర్ మాట్లాడుతూ.. వాడెవడి కోసమో ఏడేళ్లు జీవితాన్నినాశనం చేసుకున్నావ్.. అసలు వాడు వస్తాడో లేదో తెలీదు.. వచ్చినా ఎలా వస్తాడో కూడా తెలీదు.. ఏ రోగాలతో వస్తాడో కూడా తెలీదు అంటూ కామెంట్ చేశాడు. అయితే అక్కడ రష్మీ సిగ్గుపడటంతో భాస్కర్ మాట్లాడిన మాటలు సుధీర్ గురించే అని తెలిసిపోతోంది.