Don't Miss!
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Sports LSG vs CSK: ధోనీ పవర్ హిట్టింగ్.. మెరిసిన జడేజా
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
బాబు గోగినేనిపై కేసు.... బిగ్ బాస్ షో నుండి బయటకు వస్తారా?
Recommended Video
బిగ్ బాస్ 2 కంటెస్టెంట్, హేతువాది బాబు గోగినేనిపై మాదాపూర్ పోలీసులు కేసు నమోదు చేశారు. ఓ మతాన్ని కించపరిచేలా ఆయన యూట్యూబ్ వీడియోలో మాట్లాడారనే అంశంతో పాటు వారు చేపట్టే ప్రైవేటు కార్యక్రమం కోసం ఆధార్ నంబర్లను తీసుకోవడంపై కేవీ నారాయణ అనే వ్యక్తి ఇటీవల కోర్టును ఆశ్రయించారు. దీనిపై స్పందించిన న్యాయస్థానం ఆయనపై కేసు నమోదు చేయాలని పోలీసులను ఆదేశించింది. ప్రస్తుతం బిగ్ బాస్ 2 రియాల్టీ షోలో ఉన్న బాబు గోగినేని ఈ కేసు నేపథ్యంలో బయటకు వస్తారా? నెక్ట్స్ ఏం జరుగబోతోంది? అనేది హాట్ చర్చనీయాంశం అయింది.
న్యాయపరమైన చిక్కులు
మాదాపూర్ పోలీసులు బాబు గోగినేనిపై 13 సెక్షన్ల కింద కేసు నమోదు చేశారు. ఈ నేపథ్యంలో బిగ్ బాస్ రియాల్టీ షోలో ఉన్న ఆయన న్యాయపరమైన చిక్కులు ఎదుర్కోక తప్పదు. ఈ నేపథ్యంలో బిగ్ బాస్ షో నిర్వాహకులు ఎలాంటి నిర్ణయం తీసుకుంటారు? అనేది హాట్ టాపిక్ అయింది.
ఎలిమినేషన్ లిస్టులో కూడా లేని బాబు
బిగ్ బాస్ 2 రియాల్టీ షో ప్రస్తుతం మూడో వారంలోకి ప్రవేశించింది. సోమవారం ఎలిమినేషన్ నామినేషన్లు జరిగాయి. అయితే ఈ వారం ఈ లిస్టులో బాబు గోగినేని లేక పోవడం గమనార్హం. ఒక వేళ ఆయన ఎలిమినేషన్ జాబితాలో ఉండి ఉంటే ఆయన బయటకు వచ్చే అవకాశం ఉండేదేమో?
గత సీజన్లో ముమైత్ ఖాన్కు ఇలానే...
గత సీజన్లో కూడా ఇలాంటి పరిస్థితే ఎదురైంది. ముమైత్ ఖాన్ బిగ్ బాస్ ఇంట్లో ఉండగా.... ఆమె టాలీవుడ్ డ్రగ్స్ కేసు విచారణకు హాజరు కావాల్సి వచ్చింది. దీంతో ఆమెను ఇంటి నుండి ఎలిమినేట్ చేసి మళ్లీ వైల్డ్ కార్డ్ ఎంట్రీ ద్వారా లోనికి తీసుకొచ్చిన సంగతి తెలిసిందే.
అంతా బిగ్ బాస్ చేతిలోనే...
తాజాగా బాబు గోగినేని విషయంలో ఎలాంటి నిర్ణయం తీసుకోవాలనేది బిగ్ బాస్ చేతిలోనే ఉంది. కేసు తీవ్రతను బట్టి, ఆయన విచారణకు హాజరు కావాల్సి ఉంటుందా? లేక లాయర్ వచ్చి ఆయన సంతకాలు తీసుకుని వెళితే సరిపోతుందా? అనే అంశంపై ఈ నిర్ణయం ఆధారపడి ఉంటుందని తెలుస్తోంది.