ముందు శృంగారం చేయి, ఆ తరువాత నమ్ముతా.. నటికి నరకం చూపించిన సైకో భర్త!

బుల్లితెర నటిగా

చాహత్ ఖన్నా బుల్లితెర నటిగా బిజీగా గడుపుతోంది. ఆమె పలు టివి షోలు, సీరియల్స్ లో నటిస్తూ రాణిస్తోంది. కొన్ని చిత్రాల్లో కూడా అవకాశాలు అందుకుంది. 32 ఏళ్ల ఈ నటి 2013లో ఫరాన్ మీర్జాని రెండవ వివాహం చేసుకుంది. ఏ జంటకు ఇద్దరు కుమార్తెలు ఉన్నారు. కాగా ఇటీవల వీరి వైవాహిక జీవితంలో విభేదాలు తలెత్తడం, భర్త నుంచి వేధింపులు ఎక్కువ కావడంతో విడాకులు తీసుకునేందుకు నిర్ణయించుకుంది.

సైకో భర్త గురించి

ఇప్పటికే తన భర్త నుంచి విడిపోయిన చాహత్ ఖన్నా ఓ ఇంటర్వ్యూలో సంచలన వ్యాఖ్యలు చేసింది. తన భర్త ఎంత సైకోనో వివరించింది. ఓ సందర్భంలో తనకు ఎదలో విపరీతమైన నొప్పి కలిగింది. ఆసుపత్రికి తీసుకెళ్లమని ప్రాధేయపడ్డా. కానీ అతడు చెప్పిన సమాధానం మానసికంగా హింసించిందని చాహత్ పేర్కొంది. నీకు ఎద నొప్పిగా ఉంటే ఇప్పుడు నాతో శృంగారం చేయి.. అప్పుడు నమ్ముతా అంటూ సైకోలా ప్రవర్తించాడని చాహత్ ఖన్నా పేర్కొంది.

నేను మరణించినా

అతడి సైకో ప్రవర్తనతో చిత్రహింసలు అనుభవించా. నేను మరణించినా అతడు పట్టించుకోడని అర్థం అయింది. కేవలం లైంగిక హింస మాత్రమే కాదు, మానసికంగా, ఆర్థికంగా కూడా వేధించేవాడు. అందుకే విడిపోవాలని నిర్ణయించుకున్నట్లు చాహత్ ఖన్నా తెలిపింది. అతడొక అనుమానపు పక్షి అని కూడా చాహత్ ఆరోపించింది.

వ్యభిచారం చేస్తున్నానంటూ

రాను రాను తన భర్త అనుమానాలు తారాస్థాయికి చేరాయి. చివరకు తన సహనటుడితో అక్రమ సంబంధం పెట్టుకున్నానని వేధించేవాడు. ఇంట్లో వాతావరణం నాకు పిచ్చెక్కేలా చేసేది. తాను నటిస్తున్న టివి సీరియల్ సెట్స్ లోకి అకస్మాత్తుగా వచ్చేవాడు. అక్కడ గందరగోళం సృష్టించేవాడు. సెట్స్ లో సహనటులతో మాట్లాడినా, హగ్ చేసుకున్నా, కనీసం చేయి కలిపినావాళ్ళతో నీకు ఏంటి సంబంధం అని వేధించేవాడు అంటూ చాహత్ వాపోయింది.

గృహ ప్రవేశానికి ఆహ్వానిస్తే

ఓ సారి తన కో యాక్టర్ ఒకరు గృహప్రవేశానికి ఆహ్వానించారు. ఆ వేడుకకు హాజరు కావడానికి వెళుతుంటే హృహప్రవేశానికి వెళుతున్నావా లేక డేటింగ్ చేయడానికి వెళుతున్నావా అని ప్రశ్నలతో చిత్రవధ చేసేవాడని చాహత్ ఖన్నా ఇంటర్వ్యూలో వెల్లడించింది. ఇటీవల తన భర్త మరింత దిగజారి ప్రవర్తించాడని చాహత్ పేర్కొంది.

నీఛమైన మాటతో

చివరకు పిల్లలపై కూడా అనుమానం వ్యక్తం చేసేవాడని, అసలు వీళ్లు నాకు పుట్టిన పిల్లలేనా అని అనుమానం వ్యక్తం చేయడంతో తాను దాదాపుగా చనిపోయినంత పని అయిందని చాహత్ ఆరోపించింది. గొడవ జరిగే సమయంలో పశువులా మీద పడి కొట్టేవాడని చాహత్ ఆరోపించింది. దీనితో ఆమె భర్త ఫర్హాన్ మీర్జా వ్యవహారం ఇప్పుడు హాట్ టాపిక్ గా మారింది.