యాంకర్ రష్మిని టార్గెట్ చేసిన చమ్మక్ చంద్ర.. పరువు తీశాడు!

ఫన్నీగా రష్మి పరువు తీసిన చమ్మక చంద్ర

మొగుడితో ఇంటి పనులు చేయించడం ఎలా? అనే కాన్సెప్టుతో చమ్మక్ చంద్ర ఓ స్కిట్ చేశాడు. ఇందులో పక్కింటికి కొత్తగా పెళ్లైన అమ్మాయి రావడంతో... రష్మిని ఉద్దేశించి ‘‘నువ్వు ఎప్పుడు పెళ్లి చేసుకుంటావ్? భూమి పుట్టినపుడు పుట్టావు.. అకౌంట్లో డబ్బులు వేసినట్లు ఏజ్ నీ వెనకాల వేసుకుంటున్నావ్.. దీని వల్ల వచ్చేది ఏజ్ బార్, ముసలితనం తప్ప ఏమీ లేదు'' అంటూ ఫన్నీగా రష్మి పరువు తీసే ప్రయత్నం చేశాడు.

ముగ్గు వేసే మొగుడు కావాలంటున్న రష్మి

పక్కింటి అమ్మాయికి మొగుడిని కంట్రోల్ చేయడం ఎలా? వారితో ముగ్గులు సైతం వేయించడం ఎలానో నేర్పించడంతో..... ఆశ్చర్యపోయిన రష్మి, ఇలా ముగ్గులు వేసి ఇంటి పనులు చేసే అబ్బాయి దొరికితే నేను కూడా పెళ్లి చేసుకుంటాను అంటూ సమాధానం ఇస్తుంది. ఈ ప్రోమో యూట్యూబ్‌లో ట్రెండ్ అయింది. జూన్ 21న పూర్తి షో ప్రసారం కాబోతోంది.

కష్టాల కడలి నుంచి యాంకర్‌గా

అతి సాధారణ కుటుంబం నుంచి వచ్చిన యాంకర్ రష్మి కెరీర్ తొలి నాళ్లలో చాలా కష్టాలు పడింది. అయితే జబర్దస్త్ షో చేసే అవకాశం రావడంతో ఆమె దశ తిరిగింది. ఈ క్రమంలోనే ఆమెకు క్రేజ్ పెరగడంతో సినిమా అవకాశాలు వచ్చాయి. ప్రస్తుతం ఇటు సినిమాలు, అటు టీవీ షోలు చేస్తూ బిజీ బిజీగా గడుపుతోంది.

రష్మి సినిమాలు

గుంటూరు టాకీస్ మూవీలో హీరోయిన్‌గా అవకాశం దక్కించుకున్న రష్మి... ఇందులో ముద్దు సీన్లు, శృంగార సన్నివేశాల్లో నటించి అందరినీ ఆశ్చర్య పరిచింది. ఆ తర్వాత ఆమెకు వసరగా సినిమా అవకాశాలు వచ్చాయి. అయితే ఆ తర్వాత చేసిన సినిమాలన్నీ ప్లాప్ అయ్యాయి. దీంతో అవకాశాలు తగ్గాయి. రష్మి చివరగా గతేడాది వచ్చిన ‘అంతకు మించి' చితరంలో నటింది.