మరీ శృతిమించిన డైలాగ్స్.. హద్దులు దాటిన చమ్మక్ చంద్ర, నవదీప్‌.. నాగబాబు సైతం అలానే

చమ్మక్ చంద్ర స్కిట్..

జబర్దస్త్ షోలో చమ్మక్ చంద్ర చేసిన స్కిట్స్ ఏ రకంగా ఉంటాయో అందరికీ తెలిసిందే. ఇక అదిరిందికి వెళ్లాక కొంచెం ఘాటుదనాన్ని కూడా పెంచినట్టు కనిపిస్తోంది. డబుల్ మీనింగ్ డైలాగ్‌లో చంద్ర శృతిమించినట్టు కనిపిస్తోంది. ఎలా మరీ అంటూ ఓ రేంజ్‌లో రచ్చ చేశాడు.

ఎలా మరీ..

చంద్ర స్కిట్స్ అన్నీ ఫ్యామిలీ చుట్టే తిరుగుతుంటాయన్న సంగతి తెలిసిందే. తాజా ప్రోమోలో చంద్ర రెచ్చిపోయాడు. ఫ్లోర్ క్లీన్ చేసే ఓ మహిళను మీ ఆయన ఏం చేస్తాడు అని అడుగుతాడు చమ్మక్ చంద్ర.. మా ఆయన లేడండీ.. అని ఆమె సమాధానం ఇవ్వడంతో.. మీ ఆయన లేడా?? ‘ఎలా మరీ'.. అంటూ అదో రకంగా చూస్తూ అడుగుతాడు. మీ ఆయన పోయి ఎన్ని రోజులు అవుతుంది అని తిరిగి అడగ్గా.. నాలుగు సంవత్సరాల క్రితమే పోయాడని ఆ మహిళ అనడంతో.. అప్పటనుంచి ‘ఎలా మరీ' అంటూ మళ్లీ అదే తరహాలో రెండో అర్థం స్పురణకు వచ్చేలా ఓ సెటైర్ వేస్తాడు.

రెచ్చిపోయిన నవదీప్..

ఇక జడ్జీగా ఉన్న నవదీప్‌ని.. ఏం అబ్బాయ్ నవదీప్ ఎంత మంది పిల్లలు అని చంద్ర అడగడంతో.. నాకు ఇంకా పెళ్లి కాలేదండీ అని అంటాడు. దానికి కూడా చంద్ర ‘ఎలా మరీ' అని సాగదీస్తాడు. దానికి పెళ్లికి సంబంధం ఏం ఉంది గురువుగారూ.. మీకు ఇది కూడా తెలియకపోతే ‘ఎలా మరీ'? అంటూ రివర్స్ పంచ్ వేస్తూ నవదీప్ రెచ్చిపోయాడు.

నాగబాబు సైతం..

నిప్పు ఉన్నప్పుడే సుట్ట వెలిగిపోవాలి అబ్బాయ్.. నిప్పు ఆరిపోయాక సుట్ట ఏం చేసుకుంటామ్.. నా సుట్టలోది అంటూ చంద్ర మరో డబుల్ మీనింగ్ డైలాగ్ విసరగా.. ‘మనమే నిప్పు అయితేనండీ' అంటూ మరో రివర్స్ పంచ్ వేశాడ నవదీప్. ఇక పక్కనే ఉన్న నాగబాబు.. ‘నిప్పుసరే సుట్ట కావాలి కదా' అని పగలబడి నవ్వాడు. ఇక రవి పరిస్థితి మరీ దారుణంగా తయారైంది.