For Quick Alerts
    ALLOW NOTIFICATIONS  
    For Daily Alerts

    త్వరలో 'సిఐడి విశ్వనాథ్‌' సీరియల్

    By Srikanya
    |

    CiD Viswanath Tv Serial started
    హైదరాబాద్ :ఇంద్రనీల్‌ కథానాయకుడిగా జైనీత్‌ ప్రొడక్షన్స్‌ శ్రవణ్‌కుమార్‌ వీర్లపాటి దర్శకత్వంలో విసు తన్నీరు నిర్మిస్తున్న టీవి సీరియల్ 'సిఐడి విశ్వనాథ్‌'. ఇందులో సిఐడి పాత్ర ను ఇంద్రనీల్‌ చేస్తున్నారు. సీరియల్‌ హైదరాబాద్‌లోని సారథి స్టూడియోలో ప్రారంభమైంది. హీరో ఇంద్రనీల్‌ మాట్లాడుతూ - "ఇది నా డ్రీమ్‌ ప్రాజెక్ట్‌. ఇప్పటివరకు అన్నిరకాల క్యారెక్టర్స్‌ చేశాను. మా నాన్నగారు పోలీస్‌ ఆఫీసర్‌ కావడంవల్ల నాకు చిన్నప్పటి నుంచి సిఐడి క్యారెక్టర్‌ చెయ్యాలని వుండేది. ఆ అవకాశం ఈ సీరియల్‌ ద్వారా లభించడం లక్కీగా ఫీల్‌ అవుతున్నాను. ఈ సీరియల్‌ హండ్రెడ్‌ పర్సెంట్‌ సక్సెస్‌ కావాలని కోరుకుంటున్నాను" అన్నారు.

    దర్శకుడు శ్రవణ్‌కుమార్‌ మాట్లాడుతూ - "సిఐడి విశ్వనాథ్‌ అనగానే ఇది క్రైమ్‌ బేస్డ్‌ అని అందరూ అనుకోవచ్చు. కానీ, ఇది క్రైమ్‌ బేస్డ్‌ కాదు. సస్పెన్స్‌తో వుంటుంది. క్రైమ్‌ని ఎంకరేజ్‌ చేసేదిలా వుండదు. టివి సీరియల్స్‌లో జనరల్‌గా వుండే కుట్రలు, కుతంత్రాలు ఇందులో వుండవు. ప్రేక్షకుల్లో ఎవేర్‌నెస్‌ పెంచేలా ఈ సీరియల్‌ వుంటుంది. ఈ పవర్‌ఫుల్‌ సిఐడి క్యారెక్టర్‌కి ఎవరైతే సూట్‌ అవుతారు అనుకున్నప్పుడు ఇంద్రనీల్‌గారు తప్ప మరో ఆప్షన్‌ మాకు కనిపించలేదు. ఈ కాన్సెప్ట్‌ విని ఆయన కూడా ఎంతో ఆనందంగా చేయడానికి ఒప్పుకున్నారు. వారానికి రెండురోజులు ఈ సీరియల్‌ ఓ ప్రముఖ ఛానల్‌లో ప్రసారమవుతుంది" అన్నారు.

    నిర్మాత విసు తన్నీరు మాట్లాడుతూ - "శ్రీవారు, ఎవరు అనే రెండు సీరియల్స్‌ను గతంలో నిర్మించాను. ఈ సీరియల్‌ విషయానికి వస్తే సిఐడి అనే సీరియల్‌ ఆల్రెడీ ఓ ఛానల్‌లో వస్తోంది కదా మళ్ళీ ఇది ఎందుకు అనుకున్నాను. అయితే దర్శకుడు శ్రవణ్‌ చెప్పిన కాన్సెప్ట్‌ నాకు బాగా నచ్చింది. తప్పకుండా ప్రేక్షకులు ఈ తరహా సీరియల్‌ని ఆదరిస్తారన్న నమ్మకం కలిగింది. వచ్చే నెల నుంచి ఈ సీరియల్‌ ఓ ప్రముఖ ఛానల్‌ ప్రసారమవుతుంది" అన్నారు.

    ఇంద్రనీల్‌, విసు తన్నీరు, మహేశ్వరి, రవీంద్రసూరి నామాల, శ్రీగిరి, సుకన్య, శ్రీధర్‌ నానా, శివ తదితరులు నటిస్తున్న ఈ సీరియల్‌కు సంగీతం: రవికళ్యాణ్‌, కథ-మాటలు: రవీంద్రసూరి నామాల, నిర్మాత: విసు తన్నీరు, కాన్సెప్ట్‌-నిర్వహణ-దర్శకత్వం: శ్రవణ్‌కుమార్‌ వీర్లపాటి.

    English summary
    
 Cid Viswanath serial started. Indraneel is the hero of the Serial as Cid.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X